Josua 15:11 - Ạḍinya Iigbia

¹¹ Ọku phọ ạḍua asi ịigaany Ẹkron ẹpe ephunom mọ. Ọku phọ ạsighe ạki asi Sikeron ẹpe ạḍighaagh ephunom mọ, ạsighe asi ẹpe Baala, ạsighe ạki asi Jạmnia. Ọphiiny aMeditarenian kụ ọku phọ,

Josua 15:11 Iomraidhean Croise

2 Ạbudaam 1:16

Kụ ọdi ạḅeni nyọdi mọ, “Ọmoogh-we phọ ạḅem ịduon mọ, ‘Loor esi dị Ẹnaan ílho bọ Ịzirel kụ ẹdi nạ ạtu bọ arom rụukpaany phọ ạna mọ ọghi opuru ḍipuru kꞌaBaal Zebub ẹmugh phọ Ẹkron. Ịduon kụ iḍighi kụ nạ kạ́ḍua mun sịphe ẹmina phọ nạ ạmina bọ asoor ude, nạ kamugh ni.’”

2 Ạbudaam 1:6

Kụ bịdi ọḅeni ọdaam mọ mọ, “Oniin oye dị uzuan iyoor kụ ụḅeni iyoor mọ iḅula ẹghi ẹteeny ọdaam mọ irom bọ inyina ẹḅeni nyọdi ikpo ọnhu Ọmoogh-we phọ mọ, ‘Loor esi dị Ẹnaan ílho bọ Ịzirel kụ ẹdi nạ ạtu bọ arom rụukpaany phọ ạna mọ ọghi opuru ḍipuru kꞌaBaal Zebub ẹmugh phọ Ẹkron? Kụ loor ịduon phọ nạ kạ́ḍua mun sịphe ạnyu ẹmina phọ nạ ạmina bọ asoor ude, mọ nạ kamugh ni.’”

2 Krọnikuls 26:6

Uzaya azuom ni ẹgham we aFilistia. Ọdi alhereghi iikpe oghoony ạramha ạGat, ạJamnia, rꞌẠsdod, kụ ạloghoḍi rạmha okpekiom dị etumeriom Ạsdod rꞌịnon arikpisi aFilistia.

Igbiighi 34:6

“‘Ọku ọlo ẹpe erumuḍio phọ remeel ghan bọ, Ọphiiny Meditarenian phọ.

Josua 15:10

Ọku phọ aago akiton ạḍua Baala ẹpe erumuḍio phọ remeel ghan bọ ạki asi roogbolom aIdom atenom ạki asi ịigaany ephunom Eegum aJiarim (ịduon phọ pọ aKesalon), ạki asi Bẹt Semes, kụ ạḍua ạki asi Timna.

Josua 15:12

nyọpo ạga emeelom erumuḍio phọ. Phọn kụ ọku ade eghun aJuda, bụo ọto rꞌopolo.

Josua 15:45

Ẹkron, igbogh rꞌịbam ạramha,

Josua 15:9

Ọku phọ amiigh sịphe ạnyu eegbolom, ạsighe ạki asi ẹpe ạmubo ạmuum ighool phọ aNeftoa kụ ạsighe sịphe ạki asiemi ẹpe ạramha Eegum Efron, kụ ọku phọ ạkula akitonom Baala (ịduon phọ pọ ạKiriat Jiarim).

Bụo Ịiruen 1:18

Kụ aJuda ạkpar apu Gaza, ạsighenom Askelon rꞌẸkron rꞌịbam ạramha phọ ịpe ekitonom bọ bịdi.

1 Sạmuel 17:52

Kụ awe phọ Ịzirel rꞌaJuda ọyughuron, kụ omiigh ophorogh ạbidi tụtu ọghi osi Gạt, ḅịle kẹn rꞌeḍighom Ẹkron. Kụ awe aFilistia dị moḍighi yogh rạraar umeleghu ni oomo eten phọ rẹki bọ Saaraim tụtu ẹghi esi Gạt rꞌẸkron.

1 Sạmuel 5:10

Ẹpe kụ esi dị bịdi ọsighe Igbe Ịyo phọ ọghi ẹnon ẹmha ạbidi dị oghol mọ Ẹkron, kụ ọlo mem dị osiemi bọ sịphe ẹmha phọ, awe ẹmha phọ ụlooghi ni kụ ọḅem mọ, “Bịdi mọsighe Igbe Ịyo phọ Ẹnaan phọ Ịzirel otu ẹphen mọ ạze oomo ayira!”

1 Sạmuel 5:8

Kụ bịdi orom we kụ ọghi ọmagh oogh phọ ạbudaam mọ aFilistia kụ opuru bịdi mọ, “Yira koḍighi ika Igbe Ịyo kꞌẸnaan Ịzirel phọ ịphen phọ?” Kụ bịdi ọphagharanaan mọ, “Ịsighe ẹghi ẹpe Gạt.” Kụ bịdi ọsighe ọghi ẹpe Gạt ẹnon ẹmha aFilistia.

1 Sạmuel 7:14

Oomo phọ ạramha phọ Ịzirel aweye phọ aFilistia phọ ọsighiogh bọ, rạmha dị ẹrol igbo Ẹkron rꞌạGat, bịdi uḅulemi ni ọngo Ịzirel, kụ Ịzirel ọmoogh de phọ ạbidi ọmadan. Ẹepho kẹn ịrol li igbo awe phọ Ịzirel rꞌawe phọ aKenan.