Josua 13:7 - Ạḍinya Iigbia

⁷ Kụ iḍighi, nyịidipho sịghe de phọ ạḍien adiemi esugha arughunughun phọ, ạḅaram rꞌạpakiri eghun phọ ạManase.”

Josua 13:7 Iomraidhean Croise

Ạsuor 105:44

Ọdi ạngo bịdi rere awe ịnon areelhe kụ aḍighi ịdi bịdi ọsighiogh iizo ạbidi,

Ạsuor 78:55

Ọdi aphorogh bụphe orugh bọ esi phọ mem dị awe phọ ọdi rotu; ọdi adiemi de phọ rughunughun phọ Ịzirel kụ ạngo simarugh phọ ạbidi we phọ ọdi.

Izikiel 45:1

Mem dị kodi de phọ ọngo tọrobo eghun bin, muniin abin kọḅogh ni ọngo Ọmoogh-we phọ. Keḍighi ḍioph ịyal rꞌạpakiri itobi ḍịdoony ḍioph itobi ẹreghe. Oomo ekpisi phọ kẹtolom iigbia.

Igbiighi 33:54

Ịsa ịlhel kụ ephogh ediom sibin ẹmoogh de phọ ẹdaph rughunughun rꞌạriikpigh phọ anyina. Ẹkpigh lọ ẹbugh ephin mugbogh abin, ẹkpigh lọ eghom ephin mụbam abin; tọrobo ẹkpigh lọ ẹlhel phọ emeelom, pọ esi phọ ẹpe ẹlo ẹkpigh phọ ẹpe. Ịdaph bụrude phọ anyina kụ ẹmoogh.

Igbiighi 34:13

Kụ aMozis ạḅeni weye phọ Ịzirel mọ, “Ḍịen phọ kụ ade phọ nyina rẹki bọ ọmoogh phọ kọsa ghan bọ ịlhel kụ odiom ịdipho Ọmoogh-we phọ ạtooghi bọ ạngo esugha arughunughun phọ rꞌẹkpigh eghun phọ.

Josua 13:6

Bụo oomo ạramha phọ ẹpe aroogbolom mọ, emiigh sịphe Lẹbanon ẹghi esiemi ẹpe Misrefot Maim rꞌoomo eelhe phọ aSaidon, oomo phọ ạbidi kụ dị mị kaporogh bọ elhor ạnmuny Ịzirel. Ịdi nạ kaḍighi, sạ ẹlhel kụ ạsighe aḍiemiom de phọ we Ịzirel bịdi ọmoogh ạtuugh ịdipho mị ạlogh bọ ologh ạngo nyịna.

Josua 13:8

Eghun aRuben, eghun ạGad rꞌạpakiri eghun ạManase mọmoogh ni ẹlo ạbidi, ḍịphe aMozis ạngo bọ bịdi ẹpe ẹḅeenyom ạJodan ẹpe erumuḍio phọ remite ghan bọ, ịdipho aMozis otelhedom mọ Ọmoogh-we phọ ạngo bọ bịdi.

Josua 14:2

Ụsa ẹlhel kụ odiom ghan bọ bin ẹmoogh phọ, ịdipho Ọmoogh-we phọ ạlogh bọ ologh ạngo Mozis ịlo esugha rꞌạpakiri arughunughun phọ rꞌopol ẹpheri phọ eghun phọ,