Biblia Todo Logo
Bìoball air-loidhne

- Sanasan -




Josua 12:5 - Ạḍinya Iigbia

5 Ọdi kụ ọdaam dị ạda ẹpe Eegum ạHermon rꞌaSaleka rꞌoomo ẹpe Bạsan ẹsighe esiemi ẹpe ọku ade aGesurait rꞌaMaakatait rꞌạpakiri ạGiliad, ọku aSihon ọdaam mọ aHesbon.

Faic an caibideil Dèan lethbhreac




Josua 12:5
14 Iomraidhean Croise  

Ạbsalom asuma ni ạghi ạteeny ọdaam mọ aGesur, Talmai ọony Amihud, kụ ọdi ạrol ẹpe phọ ịraar ạsia. ADevid amoghi mọony phọ ọdi ọphon phọ ebia iboom,


Mem mọ ọpo mị ạrol bọ Gesur ẹpe Sịria, mị uguanaan Ọmoogh-we phọ mọ eḍighi ịyaar dị ọdi ụsighe ni ịmi aḅulemi Jeruselem, pọ mị kạaḅereghi ni nyọdi ẹpe Hẹbron.”


Kileab, onhiin phọ ọdi ughol mọ Abigel, ekpukele ạnir phọ aNebal ọlo ẹpe Kạrmel; Ạbsalom, onhiin phọ ọdi ughol mọ aMaaka, ọnyani aTalmai ọdaam mọ aGesur;


Mem dị ạbuo ạrumhu awe ẹgham mọ aJuda, bịdi rꞌawe phọ ạbidi, ọnaghan bọ mọ ọdaam mọ ạBabilon mạsighe Gedalaya aḍighi oye dị rapogh ghan bọ Juda, kụ ọghi ọteeny Gedalaya ẹpe Mizpa. Bụen phọ kụ ạrumhu phọ: Ịsmael ọony phọ aNetanaya, rꞌaJohanan ọony phọ aKaria, rꞌaSeraya ọony phọ aTanhumet ọlo aNetofa, rꞌaJezanaya ọlo aMaaka.


Eghun phọ ạGad ụrol ọghiom ephunom aRuben sịphe ade phọ ạBasan kụ ọkel iboom ạga phọ erumuḍio phọ remite ghan bọ osi Saleka.


Kụ Ịsmael ọony aNetanaya, aJohanan ọony aKaria, aSeraya ọony aTanhumet, ạnmuny Efai ọlo aNetofa, rꞌaJezanaya ọlo aMaaka ọghimom rꞌawe ạbidi esi aGedalaya ẹpe Mizpa.


“AJair ọony phọ ạManase kụ ạsighe oomo ạramha phọ Argob ẹghi esi ẹpe ọku ade ạbuo aGesur rꞌạbuo aMaaka, kụ ạsighe ḍien ọdi kụ agholom ẹpe phọ mọ ạBasan Havot Jair kꞌarodon.


Arom ạghiom bụo aKenanait bụo ẹpe erumuḍio phọ remite ghan bọ rꞌẹpe erumuḍio phọ remeel ghan bọ, bụo Ạmorait rꞌạbuo ạHitait rꞌạbuo ạPerezait rꞌạbuo aJebusait ẹpe aroogbolom mọ. Arom ạghiom bụo aHivait ẹpe esoorom bọ ẹpe Eegum ạHermon ẹpe de aMizpa.


Bụen kụ ạbudaam mọ awe phọ Ịzirel ọkaaghi bọ kụ ọsighenom de phọ ạbidi ẹpe ẹḅeenyom mọ ạJodan etuman bọ ẹpe erumuḍio phọ remite ghan bọ, emiigh ẹpe Eḍiiny Anon ẹsighe ẹghi esiemi ẹpe Eegum ạHermon, ọḅaram rꞌoomo phọ ẹpe Eḍiiny ạJodan ẹpe erumuḍio phọ remite ghan bọ.


RꞌạGiliad ẹghi esiemi ẹpe ọku ade ạbuo aGesurait rꞌạbuo aMaakatait, rꞌoomo ẹpe Eegum ạHermon, rꞌoomo ạBasan ẹghi esi ẹpe Saleka.


Rụnwanyu phọ ịpe phọ aDevid rꞌawe phọ ọdi ụghi ghan ozuom ẹgham weye ẹmha phọ aGesur rꞌaGirzi rꞌẠmalek. Bụen phọ urugh ghan eelhe phọ ẹpe phọ kꞌamem dị mebia ni. Ọdi azuom ghan bịdi tụtu ạki asi ẹpe Sur, tụtu ạki asi Ijipt.


Lean sinn:

Sanasan


Sanasan