Josua 12:1 - Ạḍinya Iigbia

¹ Bụen kụ ạbudaam mọ awe phọ Ịzirel ọkaaghi bọ kụ ọsighenom de phọ ạbidi ẹpe ẹḅeenyom mọ ạJodan etuman bọ ẹpe erumuḍio phọ remite ghan bọ, emiigh ẹpe Eḍiiny Anon ẹsighe ẹghi esiemi ẹpe Eegum ạHermon, ọḅaram rꞌoomo phọ ẹpe Eḍiiny ạJodan ẹpe erumuḍio phọ remite ghan bọ.

Josua 12:1 Iomraidhean Croise

1 Ạbudaam 4:19

AGeber ọony Uri: eelhe ạGiliad, nyẹpe aSihon ọdaam mọ Ạmorait rꞌỌg ọdaam mọ ạBasan. Ọdi bịn kụ oniin uwo ẹmhu iiḍighi dị ạrol ẹpe ade phọ.

Ạsuor 133:3

Ẹkigh ooto kꞌEegum ạHermon dị asoorom roogbolom ạZayon. Ịsiphe kụ ẹdi Ọmoogh-we phọ maguanaan ọngo ạḍiseph phọ ọdi — ghuḍum dị rámuneen ghan.

Ạsuor 136:21

Ọdi ạsighiogh rere ạbidi ạngo we ọdi; ẹphomoghian phọ ọdi edi ghan bịn kꞌagee-pọ.

Ạsuor 89:12

Nạ kụ ụlhem ephunom rꞌesoorom; Eegum aTabor rꞌEegum ạHermon ẹmoor sụor iboh ịlo oboomiom ạna.

Azaya 16:2

Bịdi ụrol iigbom Ọphiiny Anon kụ okori ọḅile ghan oghir ooghiraan ịdipho ịnun dị ophorogh omitiom otu ạbidi.

Igbiighi 21:13

Sịphe kụ ẹdi bịdi oḅetenu ọghi osi ạga ephunom Ọphiiny Anon, kụ odoghoḍi rugbogo ẹpe ẹdala phọ ẹghi bọ esi ọku eelhe ạbuo Ạmorait. Anon kụ ọku eelhe ạbuo ạMoabait rꞌeelhe ạbuo Ạmorait.

Igbiighi 21:21

Kụ awe Ịzirel orom dom ọghiom Sihon ọdaam mọ Ạmorait mọ,

Igbiighi 21:24

Kụ awe Ịzirel ọsighe ẹdume elhool ẹgham oghiighom nyọdi, kụ ọsighe de phọ ọdi, emiigh kꞌịsiphe Anon osi Jạbok ẹpe ephunom mọ. Ịduon phọ pọ mosiom Amonait loor esi dị aJazer kụ ọku phọ ạbidi.

Igbiighi 32:19

Yoor kọ́ḅaram rꞌạbidi, ópinogh asibin ẹmoogh ẹpe ẹḅeenyom ọphiiny phọ ạJodan ẹghiom risigh, ịdi eḍighi bọ ẹmoogh ẹlo ayoor imeelom iyoor ẹphen ọman phọ ạJodan, ẹpe erumuḍio phọ remite ghan bọ.”

Igbiighi 32:32

Yoor kọnyaaghian ni ịlo ẹgham mọ egbodo Ọmoogh-we phọ, ọdaph ọki osi ẹpe ade phọ aKenan, kụ abin ẹmoogh phọ mụo ayoor ịrolonaan ni iyoor ạga emitenom erumuḍio phọ ẹpe ạJodan.”

Igbiighi 32:33

Kụ aMozis ạsighe oomo ạramha eelhe aSihon ọdaam mọ Ạmorait rꞌeelhe ạOg ọdaam mọ ạBasan ạngo eghun ạGad rꞌeghun phọ aRuben rꞌẹkpigh eghun phọ ạManase.

Dutoronomi 2:24

“Mem mọ yoor otenom bọ de ạMoab, Ọmoogh-we phọ ụḅeni iyoor mọ, ‘Iḅetenu emiigh erelhe, ikiton ẹḅeeny Ọphiiny Anon ephun. Mị mạḅogh rịngo inyina Sihon ọlo Ạmorait, ọdaam mọ aHesbon, rꞌade phọ ọdi. Imiigh ọsighe ade phọ ọdi. Izuom nyọdi ẹgham.

Dutoronomi 2:32

Kụ aSihon aḅetenu aru uzuom iyira ẹgham, ẹpe Jahaz, ọdi rꞌoomo awe phọ ọdi.

Dutoronomi 3:1

“Ẹdi etum, yoor oḅula okiton ẹpe eten ẹlo ạBasan, kụ Ọdaam Ọg ạBasan aru uzuom iyoor ẹgham. Ọdi rꞌoomo awe phọ ọdi eeghiom iyoor ẹgham esi dị etuman ẹmha Edrei.

Dutoronomi 4:44

Ịphen phọ iilogh phọ Ẹnaan dị aMozis ạlogh ạngo we Ịzirel.

Dutoronomi 4:48

Ade phọ imiigh kꞌẹmha Aroer ọogaany Ọphiiny Anon kꞌẹpe ephunom mọ kụ esi Eegum aSirion phọ oghol aani bọ mọ ạHermon.

Josua 1:15

tụtu bịdi oḍigh aani ọrol de phọ ạḍiphe edi bọ ạga emeelom ạJodan phọ, ḍịphe Ọmoogh-we Ẹnaan phọ anyina rạngo bọ bịdi. Mem dị ọdi mạmaar aseere oomo arughunughun phọ Ịzirel, kụ nyina egbi oḅula sịen ọghelom ade phọ ạḍien ạga emitenom ạJodan, ḍịphe aMozis otelhedom mọ Ọmoogh-we phọ ịngo bọ inyina.”

Josua 11:17

emiigh sịphe Eegum ạHalak ẹghi esiemi ẹpe Idom, ẹsighe esiemi ẹpe Baal Gạd, esiemi Lẹbanon ẹpe ade phọ esoorom bọ ẹpe Eegum ạHermon, kụ ạsighe oomo ạbudaam mọ ạbidi akuphogh ạze.

Josua 11:3

Arom ạghiom bụo aKenanait bụo ẹpe erumuḍio phọ remite ghan bọ rꞌẹpe erumuḍio phọ remeel ghan bọ, bụo Ạmorait rꞌạbuo ạHitait rꞌạbuo ạPerezait rꞌạbuo aJebusait ẹpe aroogbolom mọ. Arom ạghiom bụo aHivait ẹpe esoorom bọ ẹpe Eegum ạHermon ẹpe de aMizpa.

Josua 13:8

Eghun aRuben, eghun ạGad rꞌạpakiri eghun ạManase mọmoogh ni ẹlo ạbidi, ḍịphe aMozis ạngo bọ bịdi ẹpe ẹḅeenyom ạJodan ẹpe erumuḍio phọ remite ghan bọ, ịdipho aMozis otelhedom mọ Ọmoogh-we phọ ạngo bọ bịdi.

Josua 22:4

Kụ nyịidipho Ọmoogh-we Ẹnaan phọ anyina mạngo bumor phọ anyina ophooghian ịdipho dị aguanaan bọ bịdi; esi ịphen phọ kụ iḍighi, iḅula egheel ẹpe arugbogo phọ anyina ẹpe ade abin ẹmoogh phọ anyina, ḍịphe aMozis otelhedom Ọmoogh-we phọ ịngo bọ inyina ạga emitenom erumuḍio phọ ạJodan.

Bụo Ịiruen 11:18

Íbia bịn bịdi orelhe ẹpe ẹdala phọ kụ okiton oḅula oogo ẹpe ade phọ Idom rꞌade phọ ạMoab, ọghi osi ḍịghaagh phọ ạḍiphe erumuḍio phọ remite ghan bọ, ẹpe de phọ ạMoab, kụ orugh nyọori phọ ạga phọ Anon. Bịdi úḍigh ẹpe ọku phọ ạMoab loor esi dị Anon kụ ọku ạMoab.