Josua 11:8 - Ạḍinya Iigbia

⁸ Kụ Ọmoogh-we phọ ạḅogh bịdi ạngo we Ịzirel, kụ ọze bịdi, ophorogh bịdi ọghi osiemi kꞌẹpe Ogbogh aSaidon, osiemi ẹpe Misrefot Maim, osiemi ẹpe erumuḍio phọ remite ghan bọ, osiemi kꞌẹpe okol phọ aMizpa kụ ọze bịdi ọmadan rꞌoye úsugheeny.

Josua 11:8 Iomraidhean Croise

Emiighom 10:15

AKenan ạmar Saidon — ọkpana ọdi — ạḅile ạmar Het; bịdi kụ ạburude ạburude awe areelhe phọ romeera ghan bọ siḍien phọ ạbidi.

Emiighom 49:13

“ẠZebiulon katughogh ghan ọgbal otu-ḅualhe. Ọdi kạtologhu ghan risiḍia arughuugh. Eelhe ọdi kẹkel li esi ẹpe Saidon.

2 Sạmuel 24:6

Kụ ọḍua pạ ọghi Gịliad kụ ọḍua ọghi Kades ẹpe eelhe ạHitait phọ. Kụ bịdi ọghi osi Dạn, kụ ọḍua Dạn ọghi ẹpe erumuḍio phọ remeel ghan bọ ẹpe Saidon.

Azaya 23:4

Ẹmha aSaidon, moofolomi nyịna! Ọphiiny phọ rꞌigbogh asigher otu-ḅualhe phọ mẹpharanaan nyịna kụ ẹḅem mọ, “Mị kọ̋mar ghan rꞌoniin ọony. Mị kőokonom ghan lephiri mꞌạnmanyaan.”

Zẹkaraya 9:2

ẠHamat phọ odi bọ ọku aHadrak, ọlo ọdi phọ kẹn ni; ịduon phọ kẹn kụ ịdi igbogh ạramha phọ aTaya rꞌaSaidon rꞌoomo ẹmaar phọ ạbidi eḍighi ni ịlo ọdi.

Dutoronomi 7:2

mem mọ Ọmoogh-we Ẹnaan phọ anyina kạḅogh bọ bịdi ịngo inyina, ịze bịdi, ephiemi bịdi eegulemi. Bịdi rꞌanyina kékiran ịyo. Ị́nma ghan bịdi ighirigiir.

Dutoronomi 9:3

Ilegheri ḍio phọ arodon mọ ọpo riḍiemiom bọ inyina ịdipho ạnian ọnuza, ọdi kụ Ọmoogh-we Ẹnaan phọ anyina. Ọdi kapiemi ni bịdi asooromi, bịdi ọtol eeḍian anyina; kụ nyina eporogh bịdi ọḍuaghu, kụ nyina eegborion epiemi bịdi, ịdipho Ọmoogh-we phọ iguanaan bọ inyina.

Josua 10:20

Mem dị aJosua rꞌawe phọ Ịzirel mọze bịdi ẹziom dị ẹphughan, ọboor bịdi ọmadan. Kụ ịyal-ikpo ạbudi osugha bọ osumughu ogheleghu rạmha dị oghoonyogh.

Josua 11:3

Arom ạghiom bụo aKenanait bụo ẹpe erumuḍio phọ remite ghan bọ rꞌẹpe erumuḍio phọ remeel ghan bọ, bụo Ạmorait rꞌạbuo ạHitait rꞌạbuo ạPerezait rꞌạbuo aJebusait ẹpe aroogbolom mọ. Arom ạghiom bụo aHivait ẹpe esoorom bọ ẹpe Eegum ạHermon ẹpe de aMizpa.

Josua 11:7

AJosua rꞌoomo awe ẹgham mọ ọdi ọghi omitenom bịdi ekperenom ẹpe ạrumuum mọ aMerom, kụ ozuom bịdi ẹgham.

Josua 13:6

Bụo oomo ạramha phọ ẹpe aroogbolom mọ, emiigh sịphe Lẹbanon ẹghi esiemi ẹpe Misrefot Maim rꞌoomo eelhe phọ aSaidon, oomo phọ ạbidi kụ dị mị kaporogh bọ elhor ạnmuny Ịzirel. Ịdi nạ kaḍighi, sạ ẹlhel kụ ạsighe aḍiemiom de phọ we Ịzirel bịdi ọmoogh ạtuugh ịdipho mị ạlogh bọ ologh ạngo nyịna.

Josua 19:28

Ẹbron, Rehob, Hamon, Kạna, ạsighe ạki asi oboom mọ aSaidon.

Josua 21:44

Ọmoogh-we phọ ạngo bịdi ẹepho rꞌophooghian oomo eelhe phọ, ịdipho dị aghunya bọ ạngo bụrude phọ ạbidi. Ạbumulogh-ḍien phọ ạbidi útue ụ́merenyan bịdi, ịdi eḍighi bọ Ọmoogh-we phọ arorori oomo ạbumulogh-ḍien phọ ạbidi ạngo bịdi.