Josua 11:6 - Ạḍinya Iigbia

⁶ Ọmoogh-we phọ ạḅeni Josua mọ, “Kákiilaan bịdi. Iḍue ọdo phọ amem mọ ạmuen mị kạngo Ịzirel oomo phọ ạbidi mọ ọze. Nyina keḅonyon ruukum ạrusu phọ ạbidi, ẹḅile ẹsuughi nịan rughuugh-ude phọ ạbidi.”

Josua 11:6 Iomraidhean Croise

2 Sạmuel 8:4

ADevid asiphi ni ḍioph rꞌoḍual okuron awe phọ ọdi dị rokiilom ghan ạsu ḅịle rꞌịyaldi ọonir awe ẹgham mọ ọdi dị rotelhe ghan ude. Ọdi aseerian ni ịbadi ạsu dị ketue ni ẹkasian oghiilom oniin okuron arughuugh-ude kụ ọdi aḅonyon ruwol ịpheri phọ.

2 Ạbudaam 6:16

Kụ Ilaisa ạphagharanaan kụ ạḅeni nyọdi mọ, “Kákiilaan. Awe dị odi rꞌayira opu bụphe ạbidi.”

2 Krọnikuls 20:16

Izuom bịdi iḍue mem dị bịdi osi obugh-oten phọ aZiz. Nyina keezuanan bịdi ẹpe eekuna eḍiiny phọ ẹḍua bọ esi ẹdala phọ etuman bọ Jẹruel.

Ạsuor 46:10

“Isereghian elegheri mọ mị kụ Ẹnaan. Mị apu oomo areelhe phọ, apu kẹn aḅirini phọ.”

Ạsuor 46:11

Ẹnaan Oomo Ịikpo phọ edianaan ni rꞌayira, Ẹnaan phọ ạJekob kụ esi ịbooghian ayira.

Ạsuor 46:9

Ọdi akunughi rạagham oomo ịsien aḅirini phọ; abunughi sịkumugh, ạḅile ạpueghi ịsoph phọ ạbidi, kụ ạsighe ịsuaram ikpo phọ ạbidi ạkpooniom nịan.

Asidogh 20:7

Ịbam ạnmuny ozuan iiḅi eḍighi ịyaar dị bịdi ọmoogh ọde aruukuan dị raḍighi ghan ịdi ẹnighe.

Azaya 30:16

Kpạripe, nyina igbiighi oḍiku ạrusu eegborion eghiil kụ okpetenaan ạbumulogh-ḍien phọ anyina esi oghiilom ạrusu dị reegborion. Kụ nyina ị́pioman — okpetenaan kụ ịyaar dị ẹkpe oḍighi! Nyina ẹetughian mọ ạrusu anyina keegborion ni ịdi ẹkasian, kụ olọ bụphe riphorogh bọ inyina koogborion ni opu!

Azaya 31:1

Moruule bụphe ọghi bọ Ijipt ọwa ọloghonaan ạḍighaagh! Bịdi roḍuom ghan ologhi esi iboom ịikpo ạbuo ẹgham Ijipt — ạrusu, arughuugh-ude, awe ẹgham. Kụ ọlo bịdi úḍuom ologhi Ọmoogh-we Ẹnaan, Iigbia phọ Ịzirel mọ opuru ọdi ọloghonaan ạḍighaagh.

Izikiel 39:9

Awe phọ orugh bọ rạmha phọ Ịzirel komite ọki kụ ọsighiogh rạraar ẹgham mọ oghel bọ kụ otene ịpe. Bịdi kọsighe ịsuaram rꞌạsikumugh rꞌịkpina rꞌịsoph rꞌạrokolom mọ ọkpooniom nịan kụ ọḅile ni ọmoogh ịdi kesugha kụ ẹtol oḍual ạsia.

Hosia 14:3

Asiria kótue ụphel iyoor kụ ịnam-ạsu ẹgham kétue iikpereghi iyoor. Yoor kọ́ḅeni mun ịkaaghineen ạrumugh mọ bịdi kụ Ẹnaan ayoor. Ọmoogh-we, nạ bịn kụ raḍeenaan ghan ọnma ighirigiir bụnyigo ạnmuny.”

Nẹhum 2:13

“Mị ạmulogh-ḍien anyina!” Ọmoogh-we Oomo Ịikpo phọ ạḅem. “Mị kạsuughi rughuugh anyina. Weye anyina kọze erugh ẹgham, kụ mị kạsighiogh tọrobo ịyaar lọ nyina ẹsighe rạghaagh ạbunon awe. Sịen aḅirini phọ kọ́naghan mun ịlo ịikpo phọ anyina.”

Dutoronomi 7:16

Kụ nyina epiemi oomo awe phọ ạbuphe Ọmoogh-we Ẹnaan phọ anyina katorori bọ ạlogh ḍịghaagh anyina. Bịdi kúḍigh ighirigiir esi anyina.

Josua 10:8

Kụ Ọmoogh-we phọ ạḅeni Josua mọ, “Kákiilaan bịdi, ịdi eḍighi bọ mị mạḅogh bịdi ạlogh ḍịghaagh ạna; oye ólho sịphe ogbo phọ ạbidi dị kạmeera egbodo ạna.”

Josua 11:5

Kụ oomo ạbudaam mọ rꞌawe ẹgham mọ ạbidi ọḅophoghan ookpomoghan oru egina esi ẹpe ạrumuum mọ aMerom, kụ ọghi oruphiom ẹgham we Ịzirel.

Josua 11:7

AJosua rꞌoomo awe ẹgham mọ ọdi ọghi omitenom bịdi ekperenom ẹpe ạrumuum mọ aMerom, kụ ozuom bịdi ẹgham.

Josua 11:9

AJosua ạtuugh ịpe Ọmoogh-we phọ ạḅeni bọ nyọdi aḍighi bịdi, aḅonyon ruukum ạrusu phọ ạbidi kụ ạsighe rughuugh-ude phọ ạbidi aguom nịan.

Josua 3:5

AJosua ạḅeni we phọ mọ, “Iselemian siloor anyina, ịdi eḍighi bọ iḍue Ọmoogh-we phọ kaḍighi ni ịiḍaany sịen ogbo phọ anyina.”

Bụo Ịiruen 7:9

Ḍughul aḍio phọ ạḍiphe phọ kụ ẹdi Ọmoogh-we phọ ạḅeni Gịdion mọ, “Kịa azuom bịdi, ịdi eḍighi bọ mị mạḅogh bịdi ạlogh ḍịghaagh ạna.

1 Sạmuel 11:9

Kụ bịdi ọḅeni butelhedom mọ aJabes mọ, “Ịki ẹḅeni we phọ anyina mọ tụtu rẹteeny ootaany iḍue bịdi kọmoogh ni pẹleeny.” Mem dị awe phọ aJabes ọnaghan bọ dom mọ, iloghi ạbidi ịḅaal li iboom