Josua 11:3 - Ạḍinya Iigbia

³ Arom ạghiom bụo aKenanait bụo ẹpe erumuḍio phọ remite ghan bọ rꞌẹpe erumuḍio phọ remeel ghan bọ, bụo Ạmorait rꞌạbuo ạHitait rꞌạbuo ạPerezait rꞌạbuo aJebusait ẹpe aroogbolom mọ. Arom ạghiom bụo aHivait ẹpe esoorom bọ ẹpe Eegum ạHermon ẹpe de aMizpa.

Josua 11:3 Iomraidhean Croise

Emiighom 31:49

ẠLeban ạḅile ạḅem mọ, “Ọmoogh-we phọ akori ghan ạḅile ạrol ogbo ạna rꞌạmi mem lọ yira ọgbaranaan.” Ịduon kụ iḍighi kụ oghol aani bọ esi phọ mọ aMizpa.

2 Sạmuel 24:16

Mem dị ọokpaany kꞌỌmoogh-we phọ rạwa bọ oogulemi aJeruselem, Ọmoogh-we phọ anme ni ologhi ọdi esi ọliom awe phọ kụ ạḅeni ọokpaany phọ rạze bọ bịdi, “Mẹkasian ni! Kụl ḍịghaagh ạna.” Ọokpaany phọ masi sịphe Arauna ọlo aJebus phọ rạtol ghan bọ kạponyon ịbiakpa phọ.

2 Sạmuel 24:7

Kụ bịdi ọghi ẹpe esoorom mọ ẹpe egbogh ẹmha phọ oghoony bọ Taya, kụ ọḍua ọghi oomo ạramha awe aHivait phọ rꞌawe aKenan, kụ ekureriom mọ bịdi osi ẹpe Beersheba, ạga esoorom aJuda.

1 Ạbudaam 15:22

Kụ Ạsa ọdaam mọ agbeel ẹpe oomo aJuda oye úmuton, kụ bịdi ọghi orool ọsighiogh oomo asighiigh phọ rꞌoomo ireeny phọ ịpe aBaasa ạlogh bọ ạkparamiom ịka ẹgham mọ Rama. Ạsa ọdaam mọ ạsighe ịpe phọ kụ ạloghom bọ Geba ẹpe ạBenjamin rꞌaMizpa.

1 Ạbudaam 9:20

Kụ awe Ạmorait rꞌạHitait rꞌạPerezait rꞌaHivait rꞌaJebusait bụphe osugha bọ sịphe ade phọ, bụen phọ kạ́nmuny Ịzirel.

Ạsuor 133:3

Ẹkigh ooto kꞌEegum ạHermon dị asoorom roogbolom ạZayon. Ịsiphe kụ ẹdi Ọmoogh-we phọ maguanaan ọngo ạḍiseph phọ ọdi — ghuḍum dị rámuneen ghan.

Ạsuor 89:12

Nạ kụ ụlhem ephunom rꞌesoorom; Eegum aTabor rꞌEegum ạHermon ẹmoor sụor iboh ịlo oboomiom ạna.

Ạḍuor Ạsuor 4:8

Ḍụa ẹpe ạraaḅaraph ạLebanon phọ aru ụdaph ịmi, ạnir dị mị kapin. Ḍụa ẹpe Lẹbanon ụdaph ịmi. Ḍụa ẹpe ạnyu Eegum Amana asoor ude, Ḍụa ẹpe Eegum aSenir rꞌẹpe Eegum Hẹrmon riisi phọ ịpe ạnam-dịka rꞌariitiir phọ erughogh bọ.

Jerimaya 40:10

Mị rꞌaloor kạtol li sịen Mizpa kụ ạmeera esi anyina mem dị awe ạBabilon phọ oru sịen. Kụ nyina etue ni eeko miim, iimuma rꞌạmunum-ọliv, kụ ẹtol ologhi ạramha phọ nyina edi ghan bọ.”

Jerimaya 40:6

Kụ mị agbi ọghi ọrolan rꞌaGedalaya sịphe Mizpa kụ orughan rꞌawe phọ ọwile bọ sịphe ade phọ.

Jerimaya 41:14

kụ bịdi ooghiraan kụ oghiil ọghi ọteeny bịdi.

Jerimaya 41:3

Ịsmael ạḅile ạziom oomo awe Ịzirel dị ọrolan rꞌaGedalaya ẹpe Mizpa ḅịle rꞌạbuo ẹgham mọ ạBabilon lọ ọrol sịphe.

Igbiighi 13:29

Bụo Ạmalekait otughogh ni ẹpe ade phọ aNegeb. Bụo ạHitait, bụo aJebusait rꞌạbuo Ạmorait otughogh ẹpe aroogbolom mọ. Kụ aKenanait phọ otughogh ọgbal Ọphiiny aMeditarenian rꞌoogbom Ọphiiny ạJodan.”

Dutoronomi 4:48

Ade phọ imiigh kꞌẹmha Aroer ọogaany Ọphiiny Anon kꞌẹpe ephunom mọ kụ esi Eegum aSirion phọ oghol aani bọ mọ ạHermon.

Dutoronomi 7:1

“Mem mọ Ọmoogh-we Ẹnaan phọ anyina kịsighe bọ inyina asiemi ịlo nyina kẹmoogh bọ de phọ, kụ kạboor bọ ịminighan areelhe ạsighiogh egbodo anyina, bụo ạHitait rꞌaGirgasait rꞌẠmorait rꞌaKenanait rꞌạPerezait rꞌaHivait rꞌaJebusait, oḍual areelhe dị ẹbugh ẹmoogh ịikpo ipu inyina;

Josua 11:17

emiigh sịphe Eegum ạHalak ẹghi esiemi ẹpe Idom, ẹsighe esiemi ẹpe Baal Gạd, esiemi Lẹbanon ẹpe ade phọ esoorom bọ ẹpe Eegum ạHermon, kụ ạsighe oomo ạbudaam mọ ạbidi akuphogh ạze.

Josua 11:8

Kụ Ọmoogh-we phọ ạḅogh bịdi ạngo we Ịzirel, kụ ọze bịdi, ophorogh bịdi ọghi osiemi kꞌẹpe Ogbogh aSaidon, osiemi ẹpe Misrefot Maim, osiemi ẹpe erumuḍio phọ remite ghan bọ, osiemi kꞌẹpe okol phọ aMizpa kụ ọze bịdi ọmadan rꞌoye úsugheeny.

Josua 13:11

RꞌạGiliad ẹghi esiemi ẹpe ọku ade ạbuo aGesurait rꞌạbuo aMaakatait, rꞌoomo ẹpe Eegum ạHermon, rꞌoomo ạBasan ẹghi esi ẹpe Saleka.

Josua 13:5

rꞌade phọ ḍịphe aGebalait rꞌoomo ạLebanon ẹghi esiemi ẹpe erumuḍio phọ remite ghan bọ, ọḍua sịphe Baal Gạd esoorom Eegum ạHermon ọghi osi Eḍighom ạHamat.

Josua 15:38

Dilian, Mizpa, Jokteel,

Josua 15:63

Kụ awe phọ aJuda útue uporogh bụo aJebusait bụphe orugh bọ ẹpe Jeruselem ụ́sighiogh; kụ ạbuo aJebusait rꞌawe phọ aJuda urughan ẹpe Jeruselem kꞌarodon.

Josua 18:26

Mizpa, Kefira, Moza,

Josua 3:10

Ịsien kụ esi dị nyina kẹsighe kụ elegheri mọ Ẹnaan phọ rémugh ghan bọ edianaan ni rꞌanyina kụ ọdi kạ́bile ophorogh ạbuo aKenanait phọ rꞌạHitait phọ rꞌaHivait phọ rꞌạPerezait phọ rꞌaGirgasait phọ rꞌẠmorait phọ rꞌaJebusait phọ.

Bụo Ịiruen 20:1

Oomo awe phọ Ịzirel ụnaghanan ni ḍịmagh phọ, emiigh kꞌẹpe Dạn ẹghi esiemi ẹpe Beersheba, ọḅaram rꞌạbuo ade ạGiliad. Kụ ḍita phọ ạbidi ookpomoghan egina esi dịadi oniin oye risigh Ọmoogh-we phọ ẹpe Mizpa.

Bụo Ịiruen 21:5

Kụ awe phọ Ịzirel opuru sịphe ogbo phọ ạbidi mọ, “Ạnhian sịphe aḍita arughunughun phọ Ịzirel kụ ẹdi útu aani bọ sịphe ookpomoghan phọ Ọmoogh-we phọ?” Ịyaar phọ eḍighi bọ bịdi ughunyian ni mọ tọrotoro oye lọ útu aani risigh Ọmoogh-we phọ ẹpe Mizpa pọ kokiigh ni.

Bụo Ịiruen 21:8

Mem dị bịdi opuru ghan mọ, “Ạnhian kụ asugha bọ sịphe arughunughun phọ Ịzirel dị útu aani bọ risigh Ọmoogh-we phọ ẹpe Mizpa?” bịdi ụwa ni omitiom mọ rꞌoniin oye ọlo Jabes Gịliad ọ́ghi.

Bụo Ịiruen 3:3

Ịphen kụ areelhe phọ: oogh ạramha phọ ạbuo aFilistia, rꞌoomo awe ạbuo aKenan rꞌaSaidon, rꞌạbuo aHivait phọ orugh bọ ẹpe ạraaḅaraph phọ ạLebanon, emiigh sịphe Eegum aBaal Hẹrmon ẹsighe ẹghi esi ẹpe eḍighom ạHamat.

Bụo Ịiruen 3:5

Kụ awe phọ Ịzirel rꞌaKenanait phọ rꞌạHitait phọ rꞌẠmorait phọ rꞌạPerezait phọ rꞌaHivait rꞌaJebusait phọ kụ urughan yogh.

1 Sạmuel 10:17

ẠSamuel ạmagh weye phọ aakpomoghi mọ ọpham ịiḅereghi ẹpe Mizpa.