Josua 11:2 - Ạḍinya Iigbia

² rꞌạraalha ạramha phọ ịpe edi bọ ḍịghaagh ephunom bụphe orughogh bọ ẹpe aroogbolom mọ rꞌẹpe Eḍiiny ạJodan ḍịghaagh esoorom Ọphiiny aGalili rꞌẹpe ade phọ ekpululu bọ, ọku aDor ẹpe erumuḍio phọ remeel ghan bọ.

Josua 11:2 Iomraidhean Croise

1 Ạbudaam 15:20

Kụ ạBen Hadad ọdaam mọ ạnaghanan ịpe Ạsa ạghaaph bọ. Kụ ọdi arom bụo ạrumhu awe ẹgham mọ ọdi mọ ọghi ozuom ẹgham rạmha phọ Ịzirel, kụ ụkpar ri opu Ijon rꞌạDan rꞌEbel Bẹt Maaka rꞌoomo eelhe phọ etuman bọ Ọphiiny aGalili rꞌoomo ade phọ ạNaftalai.

1 Ạbudaam 4:11

Bẹn Ạbinadab olhom aTafat ọnyani phọ ạSolomon: eelhe aDor

Igbiighi 34:11

Ọku phọ ạḍua sịphe Shefam ạki asi ẹpe Hạbel, ẹpe erumuḍio phọ remite ghan bọ, ẹpe Ain. Ọku phọ amiigh sịphe kụ ạki asi ẹpe iigbom Ọphiiny aGalili ọman phọ ẹpe erumuḍio phọ remite ghan bọ.

Elegh aLuk 1:39

Ịphen phọ eten bọ íbia kụ aMeri aḅetenu aakolobian aagborion ạghi ẹpe aroogbolom mọ, asi eniin ẹmha pạ eelhe phọ aJudia.

Elegh aLuk 5:1

Eniin aḍio, ạJizos ạmeera ni sịphe oogbom Ọphiiny ạGenesaret kụ aḍita awe onyughian ịlo ọteeny ọdi ọnaghan ọghaaph phọ Ẹnaan.

Josua 10:40

AJosua ạkpar apu oomo ade phọ, emiigh kꞌẹpe aroogbolom mọ rꞌạḍigharaghar ade esoorom mọ esiemi ẹpe eḍiinyaan bọ rꞌẹpe ekpululu bọ; ạze bụdaam ẹmha phọ ạbidi rꞌoomo awe phọ ropooghu bọ ạmadan, rꞌoniin oye ósugheeny, ịdipho Ọmoogh-we Ẹnaan phọ Ịzirel ạto bọ ạḅeni nyọdi.

Josua 10:6

Kụ awe phọ ạGibion orom ọghiomonaan Josua ẹpe arugbogo phọ ạGilgal kụ ọḅeni nyọdi mọ, “Kátoph mem esi abutelhedom mọ ạna. Gboogborion aru ụteeny iyoor, ụphel iyoor ạsighe. Oomo phọ ạbudaam mọ Ạmorait mọḍuaghu ẹpe roogbolom mọ ookpomoghan bịn otu uzuom iyoor ẹgham.”

Josua 11:16

AJosua ạsighe oomo ade phọ rꞌaroogbolom mọ rꞌoomo aNegeb rꞌoomo eelhe phọ ẹpe aGosen rꞌẹpe ade phọ esoorom bọ, rꞌẹpe Eḍiiny ạJodan, rꞌẹpe aroogbolom mọ Ịzirel ẹḅaram bọ rꞌẹpe ekpululu bọ;

Josua 11:21

AJosua ạghi mem mọ ạmuphe phọ kụ aphiemi Anakim mọ ạmadan ẹpe aroogbolom mọ, emiigh Hẹbron ẹghi esi Debir ẹḍua Anab ọghi osi oomo aroogbolom mọ aJuda rꞌỊzirel. AJosua aphiemi bịdi rꞌoomo ạramha phọ ạbidi.

Josua 12:23

Dor (ẹpe ọgbal ọphiiny), Goyim (ẹpe Galili),

Josua 12:3

Ọdi kụ ạda Eḍiiny ạJodan emiigh ẹpe Ọphiiny aGalili ẹpe erumuḍio phọ remite ghan bọ, eten phọ ẹpe rẹki bọ Bẹt Jesimot, ẹghi esiemi Ọphiiny-Ạla phọ, ẹḍua ẹpe esoorom mọ ọghi osi Eegum aPisga.

Josua 13:27

Ẹsighe ẹghi Eḍiiny ạJodan esi Bẹt Haram rꞌạBet Nimra rꞌaSukot rꞌaZafon rꞌịpheri phọ ạramha phọ aSihon ọdaam mọ aHesbon kụ ọku ạbidi, ẹghi esi ẹpe eekuna Ọphiiny aGalili ẹpe ḍịeri phọ ạḍighaagh ạJodan, ẹpe erumuḍio phọ remite ghan bọ.

Josua 17:11

Ẹpe Ịsaka rꞌẹpe Ạser, ạManase kụ ạmoogh Bẹt Sạn rꞌIbleam rꞌịbam ạramha phọ ạbidi, ḅịle rꞌaDor, rꞌEn Dor rꞌaTaanak rꞌaMegido rꞌịbam ạramha phọ ạbidi.

Bụo Ịiruen 1:27

Awe phọ ạManase úporogh bụphe orugh bọ rạmha ạBet Sạn, Taanak, Dor, Ibleam, Megido rꞌịbam ạramha phọ eko bọ ekitonom rạmha phọ ịphen. AKenanait phọ otugh ghan ni sịphe phọ.