Josua 11:12 - Ạḍinya Iigbia

¹² Oomo ạramha ạbudaam mọ ịphen rꞌạbudaam mọ ạbidi, aJosua ạsighe eḍume elhool ẹgham aphiemiom bịdi, ịdipho aMozis otelhedom mọ Ọmoogh-we phọ ạto bọ ạngo nyọdi.

Josua 11:12 Iomraidhean Croise

Dutoronomi 7:2

mem mọ Ọmoogh-we Ẹnaan phọ anyina kạḅogh bọ bịdi ịngo inyina, ịze bịdi, ephiemi bịdi eegulemi. Bịdi rꞌanyina kékiran ịyo. Ị́nma ghan bịdi ighirigiir.

Dutoronomi 9:3

Ilegheri ḍio phọ arodon mọ ọpo riḍiemiom bọ inyina ịdipho ạnian ọnuza, ọdi kụ Ọmoogh-we Ẹnaan phọ anyina. Ọdi kapiemi ni bịdi asooromi, bịdi ọtol eeḍian anyina; kụ nyina eporogh bịdi ọḍuaghu, kụ nyina eegborion epiemi bịdi, ịdipho Ọmoogh-we phọ iguanaan bọ inyina.

Josua 10:20

Mem dị aJosua rꞌawe phọ Ịzirel mọze bịdi ẹziom dị ẹphughan, ọboor bịdi ọmadan. Kụ ịyal-ikpo ạbudi osugha bọ osumughu ogheleghu rạmha dị oghoonyogh.

Josua 10:28

AJosua ạsighe Makeda ḍio phọ ạḍiphe, kụ ạsighe eḍume elhool ẹgham mọ ạziom bịdi rꞌọdaam ẹmha phọ ạbidi. Ọdi ạze oomo awe ẹmha phọ ạmadan rꞌẹnum oye ósugheeny. Ọdi ạtuugh ịpe ọdi aḍighi bọ ọdaam mọ aJeriko aḍighi ọdaam mọ aMakeda.

Josua 10:30

Kụ Ọmoogh-we phọ ạḅile kẹn ạḅogh Libna rꞌọdaam ẹmha phọ ạbidi ạlogh ḍịghaagh Ịzirel. Bịdi ọsighe eḍume elhool ẹgham mọ ọziom oomo awe ẹmha phọ ọmadan, rꞌẹnum oye úsugheeny. Bịdi oḍighi ọolha-ẹmha phọ ạbidi ịdipho bịdi oḍighi bọ ọolha-ẹmha phọ aJeriko.

Josua 10:32

Kụ Ọmoogh-we phọ ạsighe ẹmha phọ aLakis ạḅogh ạngo we phọ Ịzirel, kụ esi ịyal aḍughul-otu bịn bịdi ọsighe ẹmha phọ ọsighe eḍume elhool ẹgham ọziom oomo awe ẹmha phọ rꞌẹnum oye ósugha ịdipho bịdi oḍighi bọ Libna.

Josua 10:35

Kụ Ịzirel ạarom bịdi ẹmha phọ ḍio phọ ạḍiphe, kụ ọsighe eḍume elhool ẹgham ọziom oomo awe ẹmha phọ. Oomo awe ịsiphe ẹmha phọ bịdi ụze ni ọmadan ḍio ḍio phọ, ịdipho bịdi oḍighi bọ Lakis.

Josua 10:37

Kụ Ịzirel ạarom bịdi ẹmha phọ, kụ ọsighe eḍume elhool ẹgham ọziom oomo awe ẹmha ọmadan rꞌọdaam ẹmha phọ ạbidi, rꞌoniin oye úsugheeny sịphe ẹmha phọ. Ịdipho bịdi oḍighi bọ Ẹglon kụ ịdi ọtuugh oḍighi.

Josua 11:13

Oomo ạramha phọ ịpe ọsighe bọ ọogha oghoonyom Ịzirel nịan ụ́su; omuton Hazor bịn kụ ẹdi aJosua ạsu nịan.

Josua 11:15

Ịpe Ọmoogh-we phọ ạto bọ ạngo Mozis otelhedom mọ ọdi, ịpe phọ kụ ịdi aMozis ạtuugh kẹn ạto ạngo Josua, kụ aJosua ạdaph ịpe phọ kụ aḍighi ghan. AJosua rꞌịyaar ósugheeny esi ịpe Ọmoogh-we phọ ạto bọ ạngo Mozis.

Josua 13:6

Bụo oomo ạramha phọ ẹpe aroogbolom mọ, emiigh sịphe Lẹbanon ẹghi esiemi ẹpe Misrefot Maim rꞌoomo eelhe phọ aSaidon, oomo phọ ạbidi kụ dị mị kaporogh bọ elhor ạnmuny Ịzirel. Ịdi nạ kaḍighi, sạ ẹlhel kụ ạsighe aḍiemiom de phọ we Ịzirel bịdi ọmoogh ạtuugh ịdipho mị ạlogh bọ ologh ạngo nyịna.

Josua 21:44

Ọmoogh-we phọ ạngo bịdi ẹepho rꞌophooghian oomo eelhe phọ, ịdipho dị aghunya bọ ạngo bụrude phọ ạbidi. Ạbumulogh-ḍien phọ ạbidi útue ụ́merenyan bịdi, ịdi eḍighi bọ Ọmoogh-we phọ arorori oomo ạbumulogh-ḍien phọ ạbidi ạngo bịdi.

Josua 8:31

Ọdi ạkan ịdipho aMozis otelhedom Ọmoogh-we phọ ạlogh bọ Ologh phọ ạngo we phọ Ịzirel, ịpe ọge bọ sịphe ạḍinya iilogh aMozis, “enmeny ạrikia dị ọkanam ikpom asighiigh dị emunughan, ịdi oye kọ̋sighe ghan rạraar ạmaka óphoghomiom”. Sịphe ạnyu phọ kụ ẹdi Ịzirel ọphighironaan ẹkia oguom ạnian ọngo Ọmoogh-we phọ rꞌịyaar aghuḍum ẹboroph.

Josua 8:8

Kụ nyina rẹsighe ẹmha phọ, kụ ẹsu nịan. Ịphen ikpo ọnhu dị nyina kẹdaph.”

Josua 9:24

Kụ bịdi ọḅeni Josua mọ, “Yoor uḍighi ịduon, oye phọ, ịdi eḍighi bọ ụḅeni iyoor abutelhedom mọ ạna mọ Ọmoogh-we Ẹnaan phọ anyina ạlogh ologh ạngo Mozis otelhedom mọ aphiemi bụphe orugh bọ sịphe ade phọ edi bọ ẹpe esomanan phọ anyina mọ ọno mịngo inyina oomo ade phọ. Yoor uḍighi ni loor esi dị aruugu usiph iyoor iboom. Yoor ughiilaan loor aghuḍum mọ ayoor loor ẹmhu anyina.