Josua 10:8 - Ạḍinya Iigbia

⁸ Kụ Ọmoogh-we phọ ạḅeni Josua mọ, “Kákiilaan bịdi, ịdi eḍighi bọ mị mạḅogh bịdi ạlogh ḍịghaagh ạna; oye ólho sịphe ogbo phọ ạbidi dị kạmeera egbodo ạna.”

Josua 10:8 Iomraidhean Croise

1 Ạbudaam 20:13

Mem mọ ạmuphe, oyil ạghi ni ạteeny Ehab ọdaam mọ Ịzirel kụ ạḅeni mọ, “Ọmoogh-we phọ ạḅem ịduon mọ, ‘Nạ ạmiin ni ẹgham mọ ạbuen? Mịin, mị kạḅogh bịdi ạlogh ḍịghaagh ạna rodon, kụ nạ alegheri mọ mị kụ Ọmoogh-we phọ ni.’”

Bụo aRom 8:31

Kọkaaph ika ịphen ighonoghian bọ iyira? Ịdipho Ẹnaan idianaan bọ ni iyira, ạnhian kụ kụmerenyan bọ iyira?

Dutoronomi 3:2

Kụ Ọmoogh-we phọ ụḅeni ịmi mọ, ‘Kákiilaan nyọdi, ịdi eḍighi bọ mị kạngo ni nyịna nyọdi rꞌoomo awe phọ ọdi rꞌade phọ ọdi. Ḍighi nyọdi ịdipho nạ aḍighi bọ Sihon ọdaam mọ Ạmorait, ọpo arugh bọ ẹpe Hesbon.’

Dutoronomi 7:24

kụ atorori rạalha ạramha phọ ạbidi ạlogh ḍịghaagh anyina kụ nyina ephiemi siḍien phọ ạbidi sịen aḅirini phọ. Oye dị kạmeera egbodo anyina ólho, tụtu nyina ephiemi bịdi ẹman.

Josua 10:25

Kụ aJosua ạḅeni bịdi mọ, “Aruugu inyina kísiph, kékiriri yogh; ịkparami siloor anyina, ẹmoogh oḅiom, ẹmoogh oḅom ẹmhu. Ịphen phọ kụ ịdi Ọmoogh-we phọ kaḍighi oomo ạbumulogh-ḍien phọ anyina bụphe rꞌanyina rebe bọ ẹgham.”

Josua 10:9

AJosua ạḍua ḍughul ẹpe Gịlgal kụ arelhe aru aḅutonom Ạmorait ekperenom.

Josua 11:6

Ọmoogh-we phọ ạḅeni Josua mọ, “Kákiilaan bịdi. Iḍue ọdo phọ amem mọ ạmuen mị kạngo Ịzirel oomo phọ ạbidi mọ ọze. Nyina keḅonyon ruukum ạrusu phọ ạbidi, ẹḅile ẹsuughi nịan rughuugh-ude phọ ạbidi.”

Josua 8:1

Ọmoogh-we phọ ạḅeni Josua mọ, “Aruugu nyịna kúsiph mun. Ologhi ạna kụ́konono mun. Nạ rꞌoomo awe ẹgham mọ, iḅetenu ẹghi Eai. Mị kaḍighi ni ịdi nyina kẹkpar epu ọdaam mọ Eai. Mị rịngo inyina we phọ ọdi rꞌẹmha phọ ọdi rꞌade phọ ọdi.

Bụo Ịiruen 6:16

Kụ Ọmoogh-we phọ ạḅeni nyọdi, “Mị kạrolonaan ni nyịna, kụ nạ ạze oomo ạMidian phọ dịadi oniin oye.”

Bụo Ịiruen 7:9

Ḍughul aḍio phọ ạḍiphe phọ kụ ẹdi Ọmoogh-we phọ ạḅeni Gịdion mọ, “Kịa azuom bịdi, ịdi eḍighi bọ mị mạḅogh bịdi ạlogh ḍịghaagh ạna.

1 Sạmuel 17:47

Kụ tọrotoro oye sịen phọ kạmiin ni mọ Ọmoogh-we phọ rạ́sighe ghan rolhool ẹgham rꞌịsoph kụ kạphelom weye phọ ọdi. Ọkpar-opu phọ ọlo Ọmoogh-we phọ kụ ọdi kạsighe ni oomo phọ anyina ạḅogh ạlogh ḍịghaagh ayoor.”