Josua 10:6 - Ạḍinya Iigbia

⁶ Kụ awe phọ ạGibion orom ọghiomonaan Josua ẹpe arugbogo phọ ạGilgal kụ ọḅeni nyọdi mọ, “Kátoph mem esi abutelhedom mọ ạna. Gboogborion aru ụteeny iyoor, ụphel iyoor ạsighe. Oomo phọ ạbudaam mọ Ạmorait mọḍuaghu ẹpe roogbolom mọ ookpomoghan bịn otu uzuom iyoor ẹgham.”

Josua 10:6 Iomraidhean Croise

2 Ạbudaam 4:24

Ạnir phọ aselemi ẹnam adool phọ kụ ạḅeni otelhedom mọ ọdi mọ, “Ụsaany ịmi ọghi. Kiil onyeene. Kạ́koronaan sịen nạ ụsaany bọ ịmi emuton lọ mị kụ ạḅeni nyịna mọ dughiom.”

Ạsuor 125:2

Ịdipho aruugum mọ ekoom bọ Jeruselem, ịdipho kụ ẹdi Ọmoogh-we phọ akoom we phọ ọdi nyịidipho ḅịle kꞌagee-pọ.

Azaya 33:22

Oomo iḍigh phọ ẹphamagh bọ sịvala ạnyu ạrunwunyaru phọ oopho ni bịn; ạsivala phọ kẹ́etaranu. Yira kobum ẹgham oomo ẹelha ạbuo ẹpomoghian phọ, kụ kẹbugh ni iboom sịphe dị ghạlamo rꞌạrukugha kọmoogh ni bin. Ọmoogh-we phọ rꞌaloor kaḍighi ọdaam mọ ayira; ọdi kụ kụda iyira kụ uuko iyira.

Igbiighi 13:29

Bụo Ạmalekait otughogh ni ẹpe ade phọ aNegeb. Bụo ạHitait, bụo aJebusait rꞌạbuo Ạmorait otughogh ẹpe aroogbolom mọ. Kụ aKenanait phọ otughogh ọgbal Ọphiiny aMeditarenian rꞌoogbom Ọphiiny ạJodan.”

Elegh aLuk 1:39

Ịphen phọ eten bọ íbia kụ aMeri aḅetenu aakolobian aagborion ạghi ẹpe aroogbolom mọ, asi eniin ẹmha pạ eelhe phọ aJudia.

Dutoronomi 1:15

Mị ụtuan bọ ịphen phọ ạsighe bụo ạrumhu ịsiphe arughunughun phọ anyina, we olegheri ịyaar dị rọnaghanan ghan ḍụghum, aḍighi bịdi bụo ạrumhu dị kiphogh ghan inyina: buniin kọtooghi ghan ọngo oniin ọonir awe, buniin kọtooghi ghan ọngo oniin okuron awe, buniin kọtooghi ghan ọngo ooghdi awe, buniin kọtooghi ghan ọngo ḍioph awe rꞌạbudi kopogh ghan rughunughun phọ anyina ọkaaphogh ghan rạraar.

Josua 10:5

Bịn oogh phọ ạbudaam mọ Ạmorait, ọdaam mọ aJeruselem, ọdaam mọ ạHebron, ọdaam mọ aJamut, ọdaam mọ aLakis rꞌọdaam mọ Ẹglon ookpomoghan ọghi. Bịdi rꞌawe ẹgham ạbidi orugh emitenom arugbogo ạGibion kụ oruphiom bịdi ẹgham.

Josua 10:7

Kụ aJosua rꞌoomo awe ẹgham mọ ọdi oḅetenu ọḍua ẹpe Gịlgal rꞌoomo ikpolom awe phọ.

Josua 21:11

ọngo bịdi Kịriat Arba (ịduon phọ pọ ạHebron) ẹpe aroogbolom mọ aJuda rꞌarere ịḅal ịnam mọ eko bọ bịdi ekitonom. (Ọde Anak kụ Arba phọ).

Josua 5:10

Ịdipho awe phọ Ịzirel ọrol bọ ẹpe Gịlgal sịphe ạḍiyaghaghaany ade phọ etuman bọ Jeriko, bịdi ule ni ẹyaal ọphel otene phọ dulhe aḍioph rꞌinya aḍughul-otu ụnwanyu phọ.

Josua 9:15

AJosua aḍighi ịlo ẹepho esi awe phọ rꞌawe phọ Ịzirel, kụ bịdi oghiran ịyo, ọwile ạbidi ọrol oḍum; kụ bụo ạrumhu ịsiphe ookpomoghan phọ okunya.

Josua 9:6

kụ bịdi ọghi ọteeny Josua ẹpe arugbogo phọ ẹpe Gịlgal ọḅeni nyọdi, ọḅile ọḅeni we phọ Ịzirel mọ, “Ekpisi phọ yoor ọḍua bọ kụ oru, ẹmha ayoor, ẹkel li. Yoor rọwa dị nyina kekiran ịyo rꞌayoor.”

Josua 9:8

Kụ bịdi ọḅeni Josua mọ, “Yoor odi okumu ọngo ạna.” Kụ aJosua apuru bịdi mọ, “Nyina ạbuo ạnhian? Nyina ịḍua ẹghen kụ eru bọ?”