Josua 10:4 - Ạḍinya Iigbia

⁴ “Ịloghonaan ịmi ḍịghaagh ọghi ọze we phọ Gịbion, ịdi eḍighi bọ bịdi mọghi bịn aJosua rꞌawe phọ Ịzirel ọḅophoghan.”

Josua 10:4 Iomraidhean Croise

Matiu 16:24

Kụ ạJizos ạḅeni bụmatuan phọ ọdi mọ, “Oye lọ rạwa ọdaph ạmi asooromi loor ameeraam ḍuugh kụ aḅeton osuom arusu phọ ọdi arool kụ ụdapham ịmi!

Elegh ạJon 15:19

Mọ nyina ạbuo aḅirini phọ, ọbo aḅirini phọ mịphomoghian ni inyina mụdi awe ọdi. Kụ mị mịsaḅar inyina bịn nyina kạ́buo aḅirini phọ mun. Ịduon kụ iḍighi kụ aḅirini phọ ịlogh bọ inyina ḍien phọ.

Iiḍighi 21:28

kụ ọlooghi mọ, “We Ịzirel, ịlogh ḍịghaagh. Ọphon kụ oye phọ ratelhe ghan bọ oomo areelhe kạghaaph ịkaraph ịlo awe Ịzirel rꞌiilogh phọ aMozis rꞌOtu Ịiḅereghi phọ ọphon, kụ sịen phọ kẹn ọdi mạsighe ruuruen aḍighom Otu Ịiḅereghi phọ, kụ mạapu esi iigbia phọ ẹphen.”

2 Timoti 3:12

Kọgbiphoghom ni oomo awe lọ ọwa ọḅophoghan rꞌạJizos Kraist ọrol ạdol aruukuan;

Jems 4:4

Nyina ẹkigh ạnir ilom dị rale ghan ẹmha. Nyina ílegheri mọ ọyooyo aḅirini phọ, pọ ạmulogh-ḍien Ẹnaan. Tọrobo ọlo rạwa oḍighi ọyaghiri aḅirini phọ, pọ maḍighi mụlogh-ḍien Ẹnaan.

Josua 10:1

Eru ẹteeny mem dị Adoni Zedek ọdaam mọ aJeruselem ạnaghan mọ aJosua mạsighe Eai apiemi mọ ịyaar ósugheeny, aḍighi Eai rꞌọdaam ẹmha phọ ịdipho ọdi aḍighi bọ Jeriko rꞌọdaam ẹmha phọ, rꞌịpe awe phọ ạGibion rꞌawe phọ Ịzirel ọḅophoghan bọ odi,

Josua 10:5

Bịn oogh phọ ạbudaam mọ Ạmorait, ọdaam mọ aJeruselem, ọdaam mọ ạHebron, ọdaam mọ aJamut, ọdaam mọ aLakis rꞌọdaam mọ Ẹglon ookpomoghan ọghi. Bịdi rꞌawe ẹgham ạbidi orugh emitenom arugbogo ạGibion kụ oruphiom bịdi ẹgham.

Josua 9:15

AJosua aḍighi ịlo ẹepho esi awe phọ rꞌawe phọ Ịzirel, kụ bịdi oghiran ịyo, ọwile ạbidi ọrol oḍum; kụ bụo ạrumhu ịsiphe ookpomoghan phọ okunya.

1 Pita 4:4

Kụ nyịidipho eḍighi ni iikia esi ạbuo aruru phọ, bịdi rọ́miin mun bọ dị nyina ẹḅile ẹḅophoghan bịdi relhe uruur phọ, ḅịle reḍighi yogh iipheeny phọ, kụ rironyon ghan bọ inyina.

Ogonanami Phọ 16:14

Bịdi phọ aruwaloor aruru dị reḍighi yogh ghan ịiḍaany. Ịraar aruwaloor phọ ịphen remite ghan kẹghi ookpomoghi oomo ạbudaam aḅirini phọ okoriom ẹgham mọ kesoor bọ ḍigbogh aḍio Ẹnaan Oomo Ịikpo phọ.