Josua 10:16 - Ạḍinya Iigbia

¹⁶ Oogh phọ ạbudaam mọ Ạmorait osuma ọghi ẹpe Makeda ạaghian loor egbogh epogh aḍighiigh.

Josua 10:16 Iomraidhean Croise

Ạsuor 68:12

“Ạbudaam rꞌawe ẹgham ạbidi rosumughu.” Ạnmariir phọ osugha bọ iloghi aruutu phọ udianagh rạraar phọ owum bọ:

Ạsuor 68:13

ịkaaneen arukuru-ghọzo dị okpoghom silva, dị araphaaph ẹnmana mụdi ogey agol. (Uḍighi ika kụ buniin anyina eeḍikuan bọ rꞌiyool-ịga sịphe arugbogo phọ ḍio ẹgham mọ?)

Ẹmos 9:2

Ghạlamo bịdi uguph ọghi okputon ọmar iḍim, mị kasiph ni bịdi. Ghạlamo bịdi ụsiiny kụ osi kꞌạke, pọ mị kasoore ni bịdi ude.

Maika 7:17

Bịdi kọkogha ạnyu ophugh ịdipho ịkaraph-ạraraar; bịdi kọḍuaghu omite sịphe ariisi ogona aloor phọ, ropiigha rꞌoghiilaan. Bịdi kokiton rꞌoghiilaan kụ otu ọteeny Ọmoogh-we Ẹnaan phọ ayoor.

Josua 10:15

Kụ aJosua rꞌoomo awe phọ Ịzirel oḅula ẹpe arugbogo phọ ẹpe Gịlgal.

Josua 10:17

Kụ ọghi ọḅeni Josua mọ, “Mịin, oogh phọ ạbudaam mọ ọbooghian loor epogh aḍighiigh phọ ẹpe Makeda.”

Josua 10:5

Bịn oogh phọ ạbudaam mọ Ạmorait, ọdaam mọ aJeruselem, ọdaam mọ ạHebron, ọdaam mọ aJamut, ọdaam mọ aLakis rꞌọdaam mọ Ẹglon ookpomoghan ọghi. Bịdi rꞌawe ẹgham ạbidi orugh emitenom arugbogo ạGibion kụ oruphiom bịdi ẹgham.

Ogonanami Phọ 6:15

Kụ ạbudaam aḅirini phọ rꞌabugbogh awe rꞌạbuo ạrumhu ẹgham rꞌạraalha rꞌarephelegbe rꞌoomo ạbunon awe, rẹbene rꞌạbuo ade, ạaghian ologhi aropogh rꞌeeḍian asighiigh aruugum mọ.

Bụo Ịiruen 6:2

Kụ ạḍighaagh ạMidian phọ ẹkpar epu Ịzirel; kụ awe phọ Ịzirel ọtuan bịdi oguphogh sịghele ạaghian ẹpe aroogbolom mọ rꞌaribidiph rꞌịikpara ariisi.

1 Sạmuel 13:6

Kụ bịdi ozuom ẹgham we phọ Ịzirel kụ ẹgham mọ eeph ni ḍịghaagh awe phọ Ịzirel. Abuniin awe phọ Ịzirel ạaghian yogh iloghi aropogh aruugum rꞌigbo asighiigh rꞌariini rꞌasighuḍia;

1 Sạmuel 24:3

Ọdi ạghi asi epogh aḍighiigh dị etuman riisi dị iyool-ịga rẹmina ghan ọgbal eten phọ kụ aḍigh ọni ạriir. Ịghi bịn eezuanaan dị epogh phọ ẹphen phọ kụ ẹkaraghi ẹpe aDevid rꞌawe phọ ọdi oḍiku bọ kụ ọghi ẹpe eekuna phọ ọrol.

1 Sạmuel 24:8

Kụ aDevid amite ạdaph nyọdi, kụ ạlho ạmagh nyọdi mọ, “Nạ ogbogh ọdaam mọ.” Kụ ạSol akiton aphogh, kụ aDevid azuman asi ude ọngo ọdi rughuenian,