Josua 10:12 - Ạḍinya Iigbia

¹² AJosua ạghaaph ạḅeni Ọmoogh-we phọ ḍio phọ ạḍiphe Ọmoogh-we phọ ạḅogh bọ bụo Ạmorait phọ ạngo we phọ Ịzirel. Kụ ọdi ạghaaph esomanan oomo awe phọ Ịzirel mọ, “Erumuḍio, mẹera ẹpe Gịbion, kụ nạ, ụnwanyu phọ, tọl ẹpe ạnyu Eḍiiny Aizalon.”

Josua 10:12 Iomraidhean Croise

2 Sạmuel 2:12

Ạbner rꞌạbuo ịtooghi phọ Isboset ụḍua ni ẹpe Mahanaim ọghi ẹpe ẹmha phọ ạGibion.

2 Ạbudaam 20:10

Kụ ạHezekaya mọ, “Edughanaan ni uba phọ ọdoony ọghi arisigh ḍioph ạrada. Uba phọ aḅula ni aḍigh ọman ḍioph ạrada.”

2 Ạbudaam 20:11

Kụ Azaya oyil phọ amoghiom Ọmoogh-we phọ kụ ọdi ạsighe uba phọ aḅulemi ọman ḍioph ạrada sịphe ẹsiinyom otu ạnyu phọ Ehaz ọdaam mọ aḍighi bọ.

2 Ạbudaam 20:9

Azaya ạphagharanaan mọ, “Ẹphen kụ eḍeenaan phọ nạ kạmoogh bọ mọ Ọmoogh-we phọ kaḍighi ni ịpe ọdi ạghaaph bọ. Uba erumuḍio kạdoony ni ạki ẹpe risigh ḍioph ạrada, kụ aḅula ọman ḍioph ạrada ḍụghum?”

1 Krọnikuls 8:13

ABeria rꞌaSema uḍighi rụmhu arughunotu kụ orugh ẹpe ẹmha phọ Aizalon, kụ ophorogh we phọ ọrol ghan bọ sịphe egbogh ẹmha phọ ạGat.

2 Krọnikuls 11:10

Zora, Aizalon, rꞌạHebron.

Job 9:7

Ọdi katue ni akikima erumuḍio mọ kímite, ḅịle kẹn rạanaan phọ mọ kị́mu ḍughul.

Ạsuor 148:3

Iboom nyọdi, erumuḍio rꞌụnwanyu; iboom nyọdi, ạraanaan phọ rẹmuanan bọ.

Ạsuor 19:4

Adom mọ ạbidi eleeny ni eleeny oomo aḅirini phọ. Ẹkul ísugha sịen ade phọ dị rọ́naghan. Ẹnaan eḍighi esi ạdol ẹpe okuaḍio phọ ẹlo erumuḍio phọ.

Ạsuor 74:16

Nạ kụ ụlhem bọ ootaany rꞌaḍughul phọ; nạ kụ usereghi bọ erumuḍio phọ rꞌụnwanyu phọ sịdol phọ ạbidi.

Azaya 28:21

Ọmoogh-we phọ kabe ni ịdipho ọdi aḍighi bọ ẹpe Eegum aPerazim rꞌịsiphe Eḍiiny phọ ạGibion, ịlo oḍighi ịpe ọdi agbiighi bọ oḍighi phọ — ghạlamo ịduon eḍighinom ạraraar ọdi eḍighi bọ ni ịlo iikia. Ọdi kạmadan ni oḍighi ịiḍaany phọ.

Azaya 38:8

Sịphe eedanien phọ Ehaz ọdaam mọ ạlhogh bọ, Ọmoogh-we phọ kaḍighi ni ịdi oogho kaḅula ọman ḍioph ạrada.” Kụ oogho phọ aḅula ni ọman ḍioph ạrada.

Azaya 60:20

Ariiḍio amukum ologhi ạna kesi eekuna. Mị Ọmoogh-we phọ kụ kaḍighi ḍịḅaal ạna kꞌagee-pọ, Ịdi kebia epu erumuḍio rꞌụnwanyu phọ.

Jerimaya 28:1

Ḍiniin phọ ạlha phọ ạḍiphe phọ, omuneniom oogh ụnwanyu ạlha dị emuneniom inya dị ạZedekaya mạda, aHananaya ọony Azur, oyil ọlo ẹmha ạGibion, ụḅaanaan ni ịmi sịphe Otu Ịiḅereghi phọ. Sịphe risigh ariil ạrikia phọ rꞌawe phọ, ọdi ụḅeni ịmi

Ẹmos 2:9

“Ilegheri, weye ạmi, mọ loor ẹmhu anyina kụ ẹdi mị ạtuan kụ aphiemi we phọ Ạmorait, we dị ophoph ịdipho ọsaga kụ ọkpar ịikpo ịdipho ạsiogh.

Ẹmos 8:9

Amem mọ retu ni dị mị kaḍighi ịdi erumuḍio phọ kemeel ogbo ootaany kụ ufiri aḍigh de phọ ootaany aḍio. Mị Ọmoogh-we Oomo Ịikpo phọ mạḅem.

Hạbakuk 2:20

Ọmoogh-we phọ odi sịphe Otu Iigbia phọ ọdi; ẹkpianaan tọrobo oye lọ odi sịen aḅirini phọ aḅoorian ghisigh ọdi!

Hạbakuk 3:11

Etenom mọ ịkpina phọ ạna reten bọ rꞌonmeeghu ọsoph ạna rạmuanan bọ, erumuḍio phọ rꞌụnwanyu phọ ẹmeera sim.

Zẹkaraya 2:13

Tọrotoro oye aḅoorian ghisigh Ọmoogh-we phọ, loor esi dị ọdi katu sịphe ạdol iigbia phọ ọdi atugh.

Dutoronomi 17:3

Eru mạar dị ọdi ạghi raaseeny ghan ịnon ạrumugh kụ rạaḅereghi ghan bịdi: mꞌerumuḍio mꞌụnwanyu mꞌoomo ịpe edi bọ ẹpe okuaḍio phọ, ịpe mị ụ́ḅem bọ,

Dutoronomi 4:19

Ọbo nyina kẹnmanaghian ghan bọ epogh ẹpe ạnyu ạke bịn nyina rẹmiin erumuḍio phọ mꞌụnwanyu phọ mꞌạraanaan phọ rꞌaḍita ạraraar phọ edi bọ ẹpe kꞌạke, bịn rinyuughi inyina ọghi ọoḅereghi ghan okumu ạbidi. Ịphen phọ Ọmoogh-we Ẹnaan phọ anyina madiemi bọ oomo ịnon areelhe phọ edi bọ sịen aḅirini phọ mọ ọoḅereghi,

Josua 10:13

Kụ erumuḍio ẹmeera zim, kụ ụnwanyu phọ azinian tụtu awe phọ Ịzirel ọliom ghẹlhe bụmulogh-ḍien phọ ạbidi. Ọge ni ịphen phọ sịphe ạḍinya phọ ạJasar ḍụghum? Erumuḍio phọ ẹmeera bịn ị́mu, ímeel ḍio phọ ạḍiphe.

Josua 19:42

Saalbim, Aizalon, Itla,

Josua 21:24

Aizalon, Gạt Rimon rꞌarere ịḅal ịnam mọ ạbidi: inya ạramha.

Bụo Ịiruen 12:12

Kụ Elon ọlo ạZebiulon phọ amugh, kụ oḍi nyọdi ẹpe Aizalon ẹmha ạZebiulon.

Bụo Ịiruen 5:20

Ịikpo phọ ịpe edi bọ ẹpe ạnyu ạke kụ ee. Ạraanaan phọ ẹdaph ghan reten phọ ạbidi kụ eenom ghan rꞌaSisera.

1 Sạmuel 12:18

Kụ ạSamuel ạaḅereghi Ọmoogh-we phọ, kụ ḍio phọ ạḍiphe phọ ni bịn Ọmoogh-we phọ aseere ọomaany rꞌọlophia, kụ oomo awe phọ oghiilaan Ọmoogh-we phọ rꞌạSamuel.

1 Sạmuel 14:31

Ḍio phọ ạḍiphe aweye phọ Ịzirel ụkpar ri opu weye phọ aFilistia eeghian bịdi emiigh ẹpe Mikmas kụ esi Aizalon. Mem mọ ạmuen phọ asiloor awe phọ Ịzirel medughogh ẹkporokporo loor esi ọkoony,