Josua 1:9 - Ạḍinya Iigbia

⁹ Kụ mịna ḍịen nyịna ologh kọ̋lhogh ọngo ḍụghum? Kpạrami loor ạna, ạmoogh oḅiom, kákpereghaan, ologhi ạna kụ́konono, loor esi dị Ọmoogh-we Ẹnaan phọ ạna kạrolonaan ni nyịna tọrobo ekpisi lọ nạ ạghi.”

Josua 1:9 Iomraidhean Croise

Emiighom 28:15

Kịom ologhi, mị odianaan ni rꞌạna. Mị kaako ni nyịna asiemi tọrobo ekpisi lọ nạ rạki, kụ mị kạḅile ni ạsighe nyịna aḅulemi sịen ade phọ ạḍien. Mị kạ́wile nyịna tụtu mị maḍighi oomo phọ ịphen mị aguanaan bọ nyịna.”

Emiighom 39:2

Ọmoogh-we phọ ạrolonaan ni rꞌạJosef, kụ ọdi ạmoogh edughom. Ọdi ạrol ghan sịphe kꞌọde-otu phọ ọdi ọlo Ijipt phọ.

Emiighom 39:3

Ọde-otu phọ ọdi ạmiin mọ Ọmoogh-we phọ odianaan ni rꞌọdi, kụ ạngo ẹeḍiom oomo iiḍighi phọ ọdi.

2 Sạmuel 13:28

kụ ọdi ạḅeni butelhedom ọdi mọ, “Ịmaar egon mem lọ Amnon mạphughol miim dị mạphughan, kụ mị rọto rịḅeni inyina bịn eghiigh nyọdi. Kékiilaan. Mị katool li ịiḅaghami lọ eru rꞌaloor ạmi. Ịmoogh ạkpo ologhi. Képogh ọman!”

1 Krọnikuls 28:20

ADevid ọdaam mọ ạḅeni Sọlomon ọony phọ ọdi mọ, “Mọogh ọokpara oḅio ạḅile ạnya. Miigh oḍighi phọ kụ kámeera ịyaar esophoghom nyịna. Ọmoogh-we Ẹnaan phọ, ọpo mị rakumu bọ, kạtolan ni rꞌạna. Ọdi nyịna kághel, kụ kạtolan ni rꞌạna tụtu nạ ạmadan oomo arukumuan Otu Ịiḅereghi phọ ọdi.

2 Krọnikuls 15:7

Ịkparami loor anyina, ẹmoogh oḅio. Oḍighi phọ nyina reḍighi bọ, ạsuo kạtol li.”

Ạsuor 46:7

Ọmoogh-we Oomo Ịikpo phọ odianaan ni rꞌayira, Ẹnaan phọ ạJekob kụ aḍibuo dị yoor oḍigh.

Azaya 41:10

Kẹ́moogh oghiilaan — mị odi ni rꞌanyina! Mị kụ Ẹnaan anyina — rꞌịyaar inyina kị́degh! Mị kaḍighi ịdi nyina kẹmoogh ịikpo kụ ịngo inyina ẹloghonaan! Mị kiiko ni inyina kụ ịphel inyina.

Azaya 43:1

We phọ Ịzirel, Ọmoogh-we phọ ịlhem bọ inyina rạḅem ghan mọ, “Kẹ́moogh oghiilaan — mị kịphel li inyina. Mị mạmagh ḍien anyina gai nyina ạbuo ạmi.

Azaya 43:5

Kẹ́moogh oghiilaan — mị odianaan ni rꞌanyina! “Emiigh kꞌẹekela emitenom erumuḍio phọ kụ esi kꞌẹekela emeelom mọ, mị kịsighe ni inyina asiemi ologhi otu.

Azaya 8:12

Kạ́daphan eḍighinom ạraraar awe phọ kụ kákiilaan rạraar phọ ịpe bịdi rokiilaan bọ.

Dạniel 10:19

Ọdi ạḅem mọ, “Ẹnaan ẹphomoghian ni nyịna; loor ịduon phọ kámeera ịyaar ẹeḅaghami nyịna mụghumo ookperemi ạna.” Ọdi rọḅem ịduon phọ, bịn mị ạkaraghi aamanam kụ mị ạḅem mọ, “Oye phọ, ụḅeni ịmi ịyaar phọ nạ rạwa bọ ọghaaph phọ. Nạ maḍighi ịdi mị malhoghoma loor.”

Hagai 2:4

Kụ ọlo ọnyo anyina kụ́moogh ọto. Iḍighi ni oḍighi phọ. Mị odi ni rꞌanyina.

Hagai 2:5

Mem mọ ọpo nyina ẹḍua bọ Ijipt erigheel, mị uguanaan ni mọ mị kạtolan ghan ni rꞌanyina oomo amem. Kụ mị odi ni rꞌanyina, kụ iḍighi kékiilaan.

Iiḍighi 4:19

Kụ aPita rꞌạJon ọphagharanaan bịdi mọ, “Sịphe ọnaghanan anyina rꞌọnaghanan Ẹnaan, ịghen kụ ịkpianaan oḍighi ghisigh Ẹnaan!

Dutoronomi 1:21

Ọmoogh-we Ẹnaan phọ anyina maseere de phọ risigh anyina. Ịki ẹmoogh de phọ Ọmoogh-we Ẹnaan ạburude phọ anyina iguanaan bọ inyina. Kékiilaan, ḅịle kẹn kéekpukian.’

Dutoronomi 20:1

“Tọro amem lọ nyina ẹghi ee ẹgham rꞌạbumulogh-ḍien phọ anyina kụ nyina ẹmiin rụsu-ịnam rꞌarughuugh-ude rꞌawe ẹgham mọ ạbidi ọbugh opu bụen anyina, kékiilaan bịdi, ịdi eḍighi bọ Ọmoogh-we Ẹnaan phọ anyina odi ni rꞌanyina, ọpo ịsighe bọ inyina ẹpe ade phọ Ijipt ạḍuanam.

Dutoronomi 31:23

Kụ Ọmoogh-we phọ ạlogh ologh ạngo Josua ọony phọ ạNon kụ ạḅeni mọ, “Kpạrami loor ạna, ạmoogh ạkpo ologhi. Nạ kụ kạsighe we phọ Ịzirel asiemi ẹpe ade phọ ạḍiphe mị aghunya bọ ọngo ạbidi. Mị odi ni rꞌạna.”

Dutoronomi 31:28

Iikpomoghinaan ịmi ikumoor awe phọ anyina rꞌạbuo ịtooghi phọ, mị ụkaaph oomo phọ ịphen phọ adoghoḍi sụruru ạbidi. Kụ mị kạmagh kẹ phọ rꞌade phọ ọge oseenaan bịdi.

Josua 1:10

Kụ aJosua ạto ạḅeni bụo ạrumhu ẹgham mọ

Josua 1:17

Ịdipho yoor ọnaghanan bọ Mozis oomo ạraraar, ịdipho kụ ịdi yoor kọtuugh ọnaghanan ghan nyịna, ịnon kẹ́tol. Ịdipho Ọmoogh-we Ẹnaan phọ ạna ạrolonaan bọ Mozis, ọdi kạtuugh ni ịdipho ạrolonaan nyịna.

Josua 1:18

Tọrobo oye lọ ạmoogh ịgbagharan esi iilogh phọ ạna kụ ịlo nạ ạghaaph ụ́naghanan, ịlo nạ ạto ạḅeni nyọdi úmeeraam; pọ oghiigh nyọdi ịnon ílho. Kpạrami loor ạna, ạmoogh oḅiom.”

Josua 10:25

Kụ aJosua ạḅeni bịdi mọ, “Aruugu inyina kísiph, kékiriri yogh; ịkparami siloor anyina, ẹmoogh oḅiom, ẹmoogh oḅom ẹmhu. Ịphen phọ kụ ịdi Ọmoogh-we phọ kaḍighi oomo ạbumulogh-ḍien phọ anyina bụphe rꞌanyina rebe bọ ẹgham.”

Josua 10:8

Kụ Ọmoogh-we phọ ạḅeni Josua mọ, “Kákiilaan bịdi, ịdi eḍighi bọ mị mạḅogh bịdi ạlogh ḍịghaagh ạna; oye ólho sịphe ogbo phọ ạbidi dị kạmeera egbodo ạna.”

Josua 3:7

Kụ Ọmoogh-we phọ ạḅeni Josua mọ, “Arodon kụ ẹdi mị kamiigh bọ ophophe ạna ọbughe esi oomo awe phọ Ịzirel, ọbo bịdi olegheri mọ ịdipho mị ạrolom bọ Mozis kụ ịdi mị kạtuugh ạrolom nyịna.

Josua 6:27

Kụ Ọmoogh-we phọ ạrolonaan Josua kụ aḍien ọdi eeleghaan oomo eelhe phọ.

Josua 8:1

Ọmoogh-we phọ ạḅeni Josua mọ, “Aruugu nyịna kúsiph mun. Ologhi ạna kụ́konono mun. Nạ rꞌoomo awe ẹgham mọ, iḅetenu ẹghi Eai. Mị kaḍighi ni ịdi nyina kẹkpar epu ọdaam mọ Eai. Mị rịngo inyina we phọ ọdi rꞌẹmha phọ ọdi rꞌade phọ ọdi.

Bụo Ịiruen 6:14

Kụ Ọmoogh-we phọ akiton aphogh nyọdi kụ ạḅeni nyọdi mọ, “Kịmom rꞌịikpo phọ ạna ạphel we Ịzirel ạsighe ḍịghaagh ạMidian phọ. Mịna kụ nyịna útom bọ ḍụghum?”

1 Sạmuel 10:7

Kụ mem dị ạraraar phọ ịphen memiteghu, ḍighi tọrotoro ịyaar lọ Ẹnaan ẹḅeni nyịna oḍighi.