Josua 1:8 - Ạḍinya Iigbia

⁸ Ạḍinya Ologh phọ kị́ḍua ghan sịphe ọnhu phọ ạna, ạtuugha ghan ḍughul rꞌootaany, agona loor ạna, ạdaph ghan oomo ịpe ọge bọ sịphe phọ kụ ạtuugh ghan aḍighi, kụ keḍighi ịdi oomo areten phọ ạna kẹmoogh edughom kụ nạ ạmoogh ẹeḍiom.

Josua 1:8 Iomraidhean Croise

Emiighom 24:63

Ạizik ạghi ni ẹpe aleeny phọ mem adulhe kụ ragbiriḅa, kụ aphoophe risigh ọdi rạnmanaghian kụ ạmiin sịkamel dị retu.

2 Krọnikuls 26:5

Oomo amem mọ ạZekaraya otomoghiom mọ ọdi ạrol bọ, ọdi aghuraam Ọmoogh-we phọ rꞌoomo aloor ọdi kụ Ẹnaan ẹseph nyọdi.

Ạsuor 119:11

Mị aseere ologh phọ ạna ologhi ạmi ọbo mị kaḍighi ghan bọ ịkaraph esi ạna.

Ạsuor 119:15

Mị ạtuugha oroma phọ ạna; mị rạaḅeghion ịtughemi phọ ạna.

Ạsuor 119:97

Pọ eeghe ịdi mị ạphomoghian ologh phọ ạna! Mị rạatughian ghan ni ologh phọ oomo aḍio.

Ạsuor 119:99

Mị ạnaghanan apu oomo ạbutughemia phọ ạmi loor esi dị mị ragim ghan ẹmhu ọdaph ịtooghi phọ ạna.

Ạsuor 19:14

Ịdi mị rạwa ịduon: mọ ikpo ọnhu phọ ạmi rꞌịitughian ologhi phọ ạmi ẹḅeeraan ni nyịna Ọmoogh-we, esi ịbooghian ạmi rꞌỌpelia ạmi!

Ạsuor 40:10

Mị úkpophonom ologhi ạmi bịn ịpe nạ ụphel bọ iyoor. Oomo amem kụ ẹdi mị rạkaaph ghan ịlo ẹ́moogh-amabi phọ rꞌạpeleeny phọ ạna. Sịphe ogbo ookpomoghan awe phọ ạna mị ráḅoorian ghan ọgba ịlo ẹ́moogh-amabi rꞌẹphomoghian phọ ạna rémuneen ghan bọ.

Asidogh 3:1

Mọony ạmi, kábula ịlo mị ạtughemi nyịna. Oomo amem tụutughian oḍighi ịlo mị ạḅeni nyịna oḍighi.

Azaya 59:21

Kụ mị akiran ịyo rꞌanyina: mị mịngo inyina ịikpo phọ ạmi rꞌịtughemi phọ ạmi ịdi keḍighi ịlo anyina kꞌagee-pọ, kụ emiigh kꞌạnyiidipho kụ ẹghiom ghisigh, nyina kịnaghanan ịmi kụ ẹtughemi nmụny anyina rꞌạnmuny oko anyina ọnaghanan ghan ạmi oomo amem dị retu.”

Matiu 12:35

Ogey oye rạkaaph ghan igey ạraraar phọ dị aakpomoghi bọ sịphe ologhi phọ ọdi kụ kamitiom; kụ ọkaraph oye rạkaaph ghan ịkaraph ạraraar phọ dị aakpomoghi bọ sịphe ologhi phọ ọdi kụ kamitiom.

Matiu 28:20

ẹtughemi bịdi ooko oomo ạraraar phọ mị ạto bọ ịḅeni inyina. Kụ ilegheri mọ mị odianaan ni rꞌanyina, ḍio etum ḍio tụtu ẹteeny eekuna aḅirini phọ.”

Matiu 7:21

“Oomo phọ ạbuphe rụmagh bọ ịmi mọ, ‘Ọmoogh-we, Ọmoogh-we,’ kụ kóḍigh ọmar phọ kꞌẸnaan. Bụphe oḍighi bọ ịpe Ọde phọ ạmi odi bọ kꞌạke phọ rạwa bọ kụ koḍigh.

Matiu 7:24

“Loor ịphen phọ, tọrobo oye lọ ạnaghan ikpo ọnhu phọ ạmi ịphen kụ ạtuugh aḍighi, mị kạmaaniom nyọdi oye olegheri-ịyaar dị aphighi otu ọdi ạnyu aḍighiigh.

Elegh aLuk 11:28

Kụ ạJizos mọ, “Ạḍiseph edianaan ghụn ni bụphe rọnaghan ghan bọ ọghaaph phọ Ẹnaan kọḅile ooko.”

Elegh ạJon 13:17

Sịen nyina melhegheri bọ rạraar phọ ịphen, iboh kꞌẸnaan kịrolonaan ni inyina eḍighi ịyaar dị nyina keḍighi ni.

Elegh ạJon 14:21

“Oye phọ ọpo ạnaghan bọ iilogh phọ ạmi kụ aako, pọ ọdi kụ ụphomoghian bọ ịmi. Ọde phọ ạmi kạpomoghian ni nyọpo ụphomoghian bọ ịmi. Mị phọ kẹn kạpomoghian ni nyọdi, ạaweleghian loor phọ ạmi aḍeenaan nyọdi.”

Bụo ạEfesos 4:29

Ịkaaph ghan ghụn ịlo ẹgbaanyan ọghaaph lọ nyina ẹpham, esi ọloghonaan ạḍighaagh bụphe rọnaghan bọ, pịdi ikpo ọnhu phọ anyina ẹngo ghan bịdi ọninom.

Dutoronomi 29:8

kụ yira ọsighe de phọ ạbidi ọngo eghun aRuben, eghun ạGad, rꞌạpakiri eghun ạManase.

Dutoronomi 29:9

Kụ iḍighi, igona siloor anyina ẹdaph ghan ikpo ọnhu ịyo phọ ịphen, ọbo ịnighenom inyina esi oomo arukumuan phọ anyina.

Dutoronomi 30:14

Eeye, ọghaaph phọ ọphon phọ ituman ni inyina, odi ni sịphe ịnhu phọ anyina, rꞌịsiphe iloghi phọ anyina, dị nyina mịdaph ghan ni eḍighi.

Dutoronomi 31:24

AMozis rọgeeghi bọ ikpo ọnhu Ologh phọ loor ạḍinya rosiemi eekuna,

Dutoronomi 5:1

AMozis ạmagh oomo phọ Ịzirel aakpomoghi, kụ ạḅeni bịdi mọ, “Weye Ịzirel, ịnaghan ịtooghi phọ rꞌịiruen phọ ịpe mị ạghaaph bọ rịḅeni inyina rodon, ọbo nyina ẹmaar eeko, ẹtuugh ẹdaph eḍighi.

Dutoronomi 5:29

Mụghumo ọphon kụ aru ologhi dị bịdi kọmoogh oomo amem, oghueni ạmi rꞌooko ghan oomo iilogh phọ ạmi, pọ kẹnighenaan ni bịdi rꞌạnmuny ạbidi kꞌagee-pọ.

Dutoronomi 5:32

“Igona siloor anyina, ẹtuugh ghan ịphen Ọmoogh-we Ẹnaan phọ anyina ạlogh bọ ologh ịngo inyina, kụ ẹtuugh eḍighi ghan. Íighiraan ghan esoman ḍịghaagh elhiom anyina mꞌạḍighaagh ekeeny anyina.

Bụo ạKolosi 3:16

Ọghaaph phọ aKraist ạrol li sịphe iloghi phọ anyina, ịngoom inyina ẹeḍiom rꞌolegheri ịyaar! Oniin ạsighe ghan olegheri ịyaar ạtughemiom, aromoghiom ghan nyoniin! Ịmoor ghan sụor aruukuan eboomiom Ẹnaan. Iloghi phọ anyina ẹngo ghan ḍịseph Ẹnaan oomo amem!

Josua 1:7

Kpạrami loor ạna, ạmoogh oḅiom. Gona loor ạdaph ghan oomo iilogh phọ ịpe aMozis otelhedom mọ ạmi ạlogh bọ ạngo nyịna kụ aḍighi ghan, úkitonu ghan ụ́ki ḍịghaagh elhiom mꞌạḍighaagh ekeeny, ọbo ẹnighenom nyịna tọrobo ekpisi lọ nạ rạki.

Josua 8:34

Kụ reten, kụ aJosua ạal amitiom oomo Ologh phọ, ạḅaram ogey ọghor ạḍiseph rꞌọkaraph ọghor itulughian, oomo ịpe ọge bọ sịphe ạḍinya Ologh phọ.

Ogonanami Phọ 22:14

Iboh kꞌẸnaan edianaan ni bụphe mootol bọ rụsuoma phọ ạbidi ọḅaalami kụ mọman bọ olhe aani iimuma oreeny aghuḍum mọ, ọḅile ọman ọḍua ạrunhu-aḍibuo phọ kụ oḍigh ẹmha phọ.