Josua 1:6 - Ạḍinya Iigbia

⁶ Kpạrami loor ạna, ạmoogh oḅiom, loor esi dị nạ kụ kaḍighi ịdi awe phọ ạbuen kọmoogh de phọ, ḍịphe mị aghunya bọ esi ạburude phọ ạbidi ọngo ạbidi.

Josua 1:6 Iomraidhean Croise

Emiighom 12:7

Ọmoogh-we phọ amite ni egaan esi Ebram kụ ạḅeni nyọdi mọ, “Ḍịen kụ ade phọ mị kạngo bọ ẹemara ẹemara phọ ạna.” Kụ ọdi ạkan enmeny ạrikia ọloghom eghuan Ọmoogh-we phọ amitenaan bọ nyọdi sịphe phọ.

Emiighom 26:3

Tugh ni sịen ade phọ ạḍien. Mị kạrolonaan ni nyịna kụ ạseph nyịna. Mị kạngo nyịna rꞌọto ạna oomo ade phọ ạḍien. Mị kamuneni ni ịyo phọ mị rꞌEbraham ọde phọ ạna rꞌạmi oghiran bọ.

2 Sạmuel 10:12

Mạar ạkpar ḅịle kẹn kákiil eepuph. Yira kobe ni rꞌịikpo, loor ẹmhu awe phọ ayira rꞌạramha phọ Ẹnaan phọ ayira. Ọmoogh-we phọ aḍighi ni ịpe ẹnighe bọ esi ọdi!”

1 Ạbudaam 2:2

“Mị rakeel eten oomo aḅirini phọ. Mạar ạpham loor ạna ạkparami aḍeenaan mọ nạ oye ni,

1 Krọnikuls 22:13

Nạ ạnaghanan oomo iilogh phọ Ọmoogh-we phọ ạngo bọ Mozis ọphamam Ịzirel, kẹnighenaan ni nyịna. Mọogh omeeraam kụ ạmoogh oḅio, ḅịle kámeera ịyaar ẹngo nyịna eepuph.

1 Krọnikuls 28:10

Legheri mọ Ọmoogh-we phọ mạsaḅar nyịna kụ ọlogh Otu Ịiḅereghi phọ ọdi. Nyịidipho ḍighi amitiom — kụ aḍighi ạlogh ẹmhu.”

1 Krọnikuls 28:20

ADevid ọdaam mọ ạḅeni Sọlomon ọony phọ ọdi mọ, “Mọogh ọokpara oḅio ạḅile ạnya. Miigh oḍighi phọ kụ kámeera ịyaar esophoghom nyịna. Ọmoogh-we Ẹnaan phọ, ọpo mị rakumu bọ, kạtolan ni rꞌạna. Ọdi nyịna kághel, kụ kạtolan ni rꞌạna tụtu nạ ạmadan oomo arukumuan Otu Ịiḅereghi phọ ọdi.

2 Krọnikuls 15:7

Ịkparami loor anyina, ẹmoogh oḅio. Oḍighi phọ nyina reḍighi bọ, ạsuo kạtol li.”

2 Krọnikuls 20:11

Ịduon kụ ẹdi bịdi ruḅulemian iyoor — bịdi moru ophorogh ayoor omiteghom sịphe ade phọ nạ ụngo bọ iyoor.

2 Krọnikuls 20:7

Nạ Ẹnaan phọ ayoor. Mem mọ awe phọ ạna Ịzirel oru bọ sịen ade phọ ạḍien, nạ uphorogh we phọ ọrol ghan bọ kụ ạngo de phọ ẹemara ẹemara Ebraham ọyaghiri ạna mọ eḍighi ẹlo ạbidi kꞌagee-pọ.

Ạsuor 27:14

Ḍuom ologhi Ọmoogh-we phọ. Mọogh omeeraam. Kátoph ologhi ạna. Ḍuom ologhi esi Ọmoogh-we phọ.

Dạniel 10:19

Ọdi ạḅem mọ, “Ẹnaan ẹphomoghian ni nyịna; loor ịduon phọ kámeera ịyaar ẹeḅaghami nyịna mụghumo ookperemi ạna.” Ọdi rọḅem ịduon phọ, bịn mị ạkaraghi aamanam kụ mị ạḅem mọ, “Oye phọ, ụḅeni ịmi ịyaar phọ nạ rạwa bọ ọghaaph phọ. Nạ maḍighi ịdi mị malhoghoma loor.”

Hagai 2:4

Kụ ọlo ọnyo anyina kụ́moogh ọto. Iḍighi ni oḍighi phọ. Mị odi ni rꞌanyina.

Zẹkaraya 8:9

“Ịmoogh ọkparam! Nyina rẹnaghan iniin phọ ikpo ọnhu phọ ariil phọ ọghaaph bọ mem mọ ọḅile bọ ropighi Otu Ịiḅereghi phọ ạmi.

Igbiighi 26:53

“Bụen phọ kụ ạbudi nạ kadiemi bọ de ẹmoogh phọ ạbidi. Dạph ọnhu ịpe asiḍien phọ ạbidi ẹman bọ kụ adiemi.

Igbiighi 33:53

Ẹkar ẹsighe de phọ ẹmoogh, erugh sịphe ade phọ, ịdi eḍighi bọ mị mịngaani inyina de phọ eḍighi ḍịo anyina.

1 Bụo ạKorint 16:13

Igona loor. Ilom ni omeeraam mọ anyina ẹkananaam. Ịmoogh ạkpo ologhi rꞌịnyaam kụ ẹrolom.

Bụo ạEfesos 6:10

Esi ekureriom mọ, ịineghi ghan ịnyaam mọ anyina esi Ọmoogh-we phọ, ḅịle kẹn rꞌesi igbogh ịikpo phọ ọdi.

Dutoronomi 1:21

Ọmoogh-we Ẹnaan phọ anyina maseere de phọ risigh anyina. Ịki ẹmoogh de phọ Ọmoogh-we Ẹnaan ạburude phọ anyina iguanaan bọ inyina. Kékiilaan, ḅịle kẹn kéekpukian.’

Dutoronomi 1:8

Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 11:8

“Kụ iḍighi, ẹmaar eeko ghan oomo iilogh phọ ịphen mị ạlogh bọ ịngo inyina rodon, ọbo nyina ẹmoogh ịnyaam ẹghi esi ẹmoogh de phọ, ḍịphe nyina rẹki bọ ọmoogh phọ,

Dutoronomi 31:23

Kụ Ọmoogh-we phọ ạlogh ologh ạngo Josua ọony phọ ạNon kụ ạḅeni mọ, “Kpạrami loor ạna, ạmoogh ạkpo ologhi. Nạ kụ kạsighe we phọ Ịzirel asiemi ẹpe ade phọ ạḍiphe mị aghunya bọ ọngo ạbidi. Mị odi ni rꞌạna.”

2 Timoti 2:1

Kụ nạ ọony phọ ạmi, kpạr ri esi ooḅi ọghor phọ yira phọ ạbuphe mọḅophoghan bọ Jịzos Kraist ọmoogh bọ.

Josua 1:18

Tọrobo oye lọ ạmoogh ịgbagharan esi iilogh phọ ạna kụ ịlo nạ ạghaaph ụ́naghanan, ịlo nạ ạto ạḅeni nyọdi úmeeraam; pọ oghiigh nyọdi ịnon ílho. Kpạrami loor ạna, ạmoogh oḅiom.”

Josua 1:7

Kpạrami loor ạna, ạmoogh oḅiom. Gona loor ạdaph ghan oomo iilogh phọ ịpe aMozis otelhedom mọ ạmi ạlogh bọ ạngo nyịna kụ aḍighi ghan, úkitonu ghan ụ́ki ḍịghaagh elhiom mꞌạḍighaagh ekeeny, ọbo ẹnighenom nyịna tọrobo ekpisi lọ nạ rạki.

Josua 1:9

Kụ mịna ḍịen nyịna ologh kọ̋lhogh ọngo ḍụghum? Kpạrami loor ạna, ạmoogh oḅiom, kákpereghaan, ologhi ạna kụ́konono, loor esi dị Ọmoogh-we Ẹnaan phọ ạna kạrolonaan ni nyịna tọrobo ekpisi lọ nạ ạghi.”

Josua 10:25

Kụ aJosua ạḅeni bịdi mọ, “Aruugu inyina kísiph, kékiriri yogh; ịkparami siloor anyina, ẹmoogh oḅiom, ẹmoogh oḅom ẹmhu. Ịphen phọ kụ ịdi Ọmoogh-we phọ kaḍighi oomo ạbumulogh-ḍien phọ anyina bụphe rꞌanyina rebe bọ ẹgham.”

Josua 13:6

Bụo oomo ạramha phọ ẹpe aroogbolom mọ, emiigh sịphe Lẹbanon ẹghi esiemi ẹpe Misrefot Maim rꞌoomo eelhe phọ aSaidon, oomo phọ ạbidi kụ dị mị kaporogh bọ elhor ạnmuny Ịzirel. Ịdi nạ kaḍighi, sạ ẹlhel kụ ạsighe aḍiemiom de phọ we Ịzirel bịdi ọmoogh ạtuugh ịdipho mị ạlogh bọ ologh ạngo nyịna.

Josua 18:3

AJosua apuru we phọ Ịzirel mọ, “Kꞌạpur amem kụ ẹdi nyina kẹbile bọ ọlhoghom ụden, ọghi ọmoogh ade phọ Ọmoogh-we Ẹnaan ạburude phọ anyina ịngo bọ inyina.

Josua 21:43

Ọmoogh-we phọ ạngo we phọ Ịzirel oomo ade phọ ḍịphe ọdi aghunya bọ ạngo bụrude phọ ạbidi, kụ bịdi ọmoogh de kụ orughogh.

1 Sạmuel 4:9

Ịkparami iloghi anyina, weye aFilistia! Ibe ịlo alephiri ạnmuny. Ịduon kụ ílho, pọ yira koḍighi rẹbene aHibru phọ, ịdipho bịdi oḍighi ghan bọ rẹbene ayira. Kụ iḍighi kụ ibe ịlo alephiri ạnmuny.”