Josua 1:5 - Ạḍinya Iigbia

⁵ Oye ólho ẹpe phọ dị katue ạkpar apu nyịna oomo asiḍughul-otu aghuḍum mọ ạna. Ịdipho mị ạrolonaan bọ Mozis, ịdipho kụ ịdi mị kạtuugh ạrolonaan nyịna. Mị nyịna kạ́wile; kẹn, mị nyịna kághel.

Josua 1:5 Iomraidhean Croise

Emiighom 39:2

Ọmoogh-we phọ ạrolonaan ni rꞌạJosef, kụ ọdi ạmoogh edughom. Ọdi ạrol ghan sịphe kꞌọde-otu phọ ọdi ọlo Ijipt phọ.

1 Ạbudaam 1:37

Ịdipho Ọmoogh-we phọ ạrolonaan bọ ọde-otu phọ ạmi ọdaam mọ, ọdi ạtuugh ni ịdipho ạrolonaan Sọlomon ạbughe ẹereegh phọ ọdi, apuemi ọde-otu phọ ạmi aDevid ọdaam mọ.”

1 Ạbudaam 11:38

Eru mạar dị nạ kạnaghanan ni oomo ịpe mị kạtooghi bọ ạngo nyịna, kụ nạ kạdaph ghan reten phọ ạmi kụ atelhe ghan kụ nạ aḍighi ghan ịpe eru bọ ịne riḍien ạmi, kụ aako ghan ịtooghi phọ ạmi rꞌiilogh phọ ạmi, ịdipho aDevid otelhedom mọ ạmi aḍighi ghan bọ, pọ mị kạrolonaan ni nyịna kụ mị ạngo nyịna ọophi oḍuom ologhi ịdipho mị ạngo bọ Devid, kụ mị aḍighi nyịna ọdaam eelhe Ịzirel.

1 Ạbudaam 6:13

Mị katughan rꞌawe phọ ạmi Ịzirel sịen Otu Ịiḅereghi phọ ọphon nạ rạlogh bọ, ḅịle mị kạ́ḅitonaan bịdi bịn emuneen.”

1 Ạbudaam 8:57

Ọmoogh-we Ẹnaan phọ ayoor ụrolonaan ni iyoor ịdipho ọdi ạrolonaan bọ bụrude phọ ayoor. Ọdi iyoor kụ́wile, ḅịle kẹn iyoor kúghel.

1 Krọnikuls 28:20

ADevid ọdaam mọ ạḅeni Sọlomon ọony phọ ọdi mọ, “Mọogh ọokpara oḅio ạḅile ạnya. Miigh oḍighi phọ kụ kámeera ịyaar esophoghom nyịna. Ọmoogh-we Ẹnaan phọ, ọpo mị rakumu bọ, kạtolan ni rꞌạna. Ọdi nyịna kághel, kụ kạtolan ni rꞌạna tụtu nạ ạmadan oomo arukumuan Otu Ịiḅereghi phọ ọdi.

Ạsuor 46:11

Ẹnaan Oomo Ịikpo phọ edianaan ni rꞌayira, Ẹnaan phọ ạJekob kụ esi ịbooghian ayira.

Ẹḍua 3:12

Kụ Ẹnaan ẹḅeni nyọdi mọ, “Mị kạtolan ni rꞌạna. Ẹphen kụ keḍighi eḍeenaan nyịna mọ mị kụ urom nyịna: mem dị nạ mạsighe we phọ sịphe Ijipt ạḍuanam, nạ kạaḅereghi ghan Ẹnaan sịen eegum mọ ẹphen.”

Azaya 42:16

“Mị kaḍiemiom ni we ikpom ariḍien phọ ạmi reten dị bịdi kőrelhe ghan. Mị kakiton ufiri ạbidi atene ḍịḅaal kụ aḍighi ịdi ẹmha lọ egbughagbugha kẹmaar eeleeny esi ạbidi Ịphen kụ ịpe mị aguanaan bọ, kụ mị kaḍighi ni amitiom dị kẹ́piom.

Jerimaya 1:8

Kákiilaan bịdi loor esi dị mị kạrolan ni nyịna aako nyịna. Mị Ọmoogh-we phọ kụ ụḅem.”

Dạniel 11:16

Ọlo ạSiria phọ kaḍighom rꞌẹekpara ekpeḍien kaḍighi bịdi ịlo ẹḅeeraan nyọdi, oye kámirighan nyọdi. Ọdi kạmeera ni sịphe Ade phọ Oguanaan bọ kụ akpobiom rꞌịikpo phọ ọdi.

Matiu 28:20

ẹtughemi bịdi ooko oomo ạraraar phọ mị ạto bọ ịḅeni inyina. Kụ ilegheri mọ mị odianaan ni rꞌanyina, ḍio etum ḍio tụtu ẹteeny eekuna aḅirini phọ.”

Bụo aRom 8:31

Kọkaaph ika ịphen ighonoghian bọ iyira? Ịdipho Ẹnaan idianaan bọ ni iyira, ạnhian kụ kụmerenyan bọ iyira?

Bụo aRom 8:37

Eeye. Ọpo ụphomoghian bọ iyira raḍighi ghan ni ịdi yira ọkpar ri ropu kopeleghiom oomo ạraraar phọ ịphen phọ.

Dutoronomi 20:1

“Tọro amem lọ nyina ẹghi ee ẹgham rꞌạbumulogh-ḍien phọ anyina kụ nyina ẹmiin rụsu-ịnam rꞌarughuugh-ude rꞌawe ẹgham mọ ạbidi ọbugh opu bụen anyina, kékiilaan bịdi, ịdi eḍighi bọ Ọmoogh-we Ẹnaan phọ anyina odi ni rꞌanyina, ọpo ịsighe bọ inyina ẹpe ade phọ Ijipt ạḍuanam.

Dutoronomi 20:4

ịdi eḍighi bọ Ọmoogh-we Ẹnaan phọ anyina kụ rạki ni eenaan anyina bụmulogh-ḍien phọ anyina, ọphel anyina ọsighe.’

Dutoronomi 31:23

Kụ Ọmoogh-we phọ ạlogh ologh ạngo Josua ọony phọ ạNon kụ ạḅeni mọ, “Kpạrami loor ạna, ạmoogh ạkpo ologhi. Nạ kụ kạsighe we phọ Ịzirel asiemi ẹpe ade phọ ạḍiphe mị aghunya bọ ọngo ạbidi. Mị odi ni rꞌạna.”

Dutoronomi 4:31

pọ Ọmoogh-we Ẹnaan phọ anyina, Ẹnaan ọnma ighirigiir phọ, inyina kígheel, ḅịle kẹn inyina kíphiemi, ḅịle kẹn kábula ịyo phọ ịpe ọdi rꞌạburude phọ anyina oghiran bọ.

Dutoronomi 7:24

kụ atorori rạalha ạramha phọ ạbidi ạlogh ḍịghaagh anyina kụ nyina ephiemi siḍien phọ ạbidi sịen aḅirini phọ. Oye dị kạmeera egbodo anyina ólho, tụtu nyina ephiemi bịdi ẹman.

2 Timoti 4:17

Kụ Ọmoogh-we phọ ụrolan ni ịmi, ụngo ghan ịmi ịnyaam, dị mị arue ni agbeelom ghan dom mọ ạmadan ạngo oomo aruuruen phọ, kụ ụphel li ịmi ạsighe ọnhu ạnam-dịka.

Bụo aHibru 13:5

Kẹ́sighe ghuḍum mọ anyina ẹḅam ạnyu ikpoki. Ịlo nyina ẹmoogh ịgbaanyan ghan ni inyina, ịdi eḍighi bọ Ẹnaan mẹḅem ni mọ, “Mị inyina kị́wile. Mị inyina kíghel.”

Josua 1:17

Ịdipho yoor ọnaghanan bọ Mozis oomo ạraraar, ịdipho kụ ịdi yoor kọtuugh ọnaghanan ghan nyịna, ịnon kẹ́tol. Ịdipho Ọmoogh-we Ẹnaan phọ ạna ạrolonaan bọ Mozis, ọdi kạtuugh ni ịdipho ạrolonaan nyịna.

Josua 1:9

Kụ mịna ḍịen nyịna ologh kọ̋lhogh ọngo ḍụghum? Kpạrami loor ạna, ạmoogh oḅiom, kákpereghaan, ologhi ạna kụ́konono, loor esi dị Ọmoogh-we Ẹnaan phọ ạna kạrolonaan ni nyịna tọrobo ekpisi lọ nạ ạghi.”

Josua 10:8

Kụ Ọmoogh-we phọ ạḅeni Josua mọ, “Kákiilaan bịdi, ịdi eḍighi bọ mị mạḅogh bịdi ạlogh ḍịghaagh ạna; oye ólho sịphe ogbo phọ ạbidi dị kạmeera egbodo ạna.”

Josua 21:44

Ọmoogh-we phọ ạngo bịdi ẹepho rꞌophooghian oomo eelhe phọ, ịdipho dị aghunya bọ ạngo bụrude phọ ạbidi. Ạbumulogh-ḍien phọ ạbidi útue ụ́merenyan bịdi, ịdi eḍighi bọ Ọmoogh-we phọ arorori oomo ạbumulogh-ḍien phọ ạbidi ạngo bịdi.

Josua 3:7

Kụ Ọmoogh-we phọ ạḅeni Josua mọ, “Arodon kụ ẹdi mị kamiigh bọ ophophe ạna ọbughe esi oomo awe phọ Ịzirel, ọbo bịdi olegheri mọ ịdipho mị ạrolom bọ Mozis kụ ịdi mị kạtuugh ạrolom nyịna.

Josua 6:27

Kụ Ọmoogh-we phọ ạrolonaan Josua kụ aḍien ọdi eeleghaan oomo eelhe phọ.

Bụo Ịiruen 2:18

Tọrobo amem lọ Ọmoogh-we phọ ạmaaghi bụo ịiruen ạngo bịdi, Ọmoogh-we phọ rạtolonaan ghan ni bụo ịiruen phọ. Oomo asiḍughul-otu ạbuo ịiruen phọ, ọdi rạpel ghan ni bịdi kạsighe esi ạbumulogh-ḍien phọ ạbidi. Kụ etir Ọmoogh-we phọ ọnma ạbidi ighirigiir loor ịḅiphighu rꞌịminimiin phọ rọkpiloghom bọ bịdi.

Bụo Ịiruen 6:16

Kụ Ọmoogh-we phọ ạḅeni nyọdi, “Mị kạrolonaan ni nyịna, kụ nạ ạze oomo ạMidian phọ dịadi oniin oye.”

1 Sạmuel 10:7

Kụ mem dị ạraraar phọ ịphen memiteghu, ḍighi tọrotoro ịyaar lọ Ẹnaan ẹḅeni nyịna oḍighi.