Josua 1:1 - Ạḍinya Iigbia

¹ Kụ aMozis otelhedom Ọmoogh-we phọ romugh bọ, kụ Ọmoogh-we phọ ạḅeni Josua ọony phọ ạNon arelhenaan ghan bọ Mozis sidom mọ mọ,

Josua 1:1 Iomraidhean Croise

1 Ạbudaam 19:16

Ạsighe elho agbul Jehu mọ ọony phọ aNimsi ọdi ạda Ịzirel, ạsighe elho ịko agbul Ilaisa ọony phọ aSafat ọlo Ebel Mahola ọdi aḍighi oyil ạsighe dọl phọ ạna.

2 Ạbudaam 3:11

Kụ ạJehosafat apuru mọ, “Oyil Ẹnaan ólho ẹphen phọ ḍụghum ọlo yira kọki opuru ḍipuru Ọmoogh-we phọ esi ọdi?” Kụ oniin otelhedom ọdaam mọ Ịzirel ạphagharanaan kụ ạḅem mọ, “Ilaisa ọony phọ aSafat odi ni ẹphen, ọpo akumu bọ Ilaija.”

Nehemaya 8:17

Oomo awe phọ ạbuphe ọḍua bọ iiruen origheel ụlogh ni rugbogo phọ ịphen kụ orughogh. Mụen kụ ạmuḅel amem dị moḍighi ghan ịduon, emiigh kꞌasiḍughul otu phọ ịpe aJosua ọony phọ ạNon, kụ itir ri tọrobo oye kụ ọḅile ọmoogh ọḅaal ologhi.

Ẹḍua 24:13

AMozis rꞌaJosua ọḅarama phọ ọdi ookolobian kụ omiigh ọsiiny eegum iigbia phọ.

Igbiighi 11:28

Kụ aJosua ọony phọ ạNon, ọpo ạloghonaan ghan bọ ḍịghaagh Mozis kꞌamem ugheel, ạḅa kụ ạḅeni Mozis mọ, “Ọde-otu ạmi, kikima bịdi.”

Igbiighi 12:7

Ọgbaranaan odi mem dị mị ạḅaanaan Mozis otelhedom ạmi; mị maseere nyọdi ophogh oomo awe phọ ạmi Ịzirel.

Igbiighi 13:16

Ịphen kụ asiḍien awe phọ ạbuphe aMozis arom bọ mọ ọghi oḅiligha de phọ. Kụ aMozis aghol Hosia ọony phọ ạNon mọ aJosua.

Elegh aLuk 16:10

Oye dị ạmaar ri ạpham ịbam ạraraar kạmaar ri ạpam igbogh ạraraar. Oye dị raagbegheḍiom ghan iigbegheḍiom esi ịbam ạraraar kaagbegheḍiom kẹn ni esi igbogh ạraraar.

Iiḍighi 7:45

Ogbogo phọ ọpo ạrol li ạteeny ọnon oghiil ạburude ạburude phọ ayira. Bịdi ụpham ni, mem mọ Ẹnaan ephorogh bọ ruuruen phọ ẹngo Josua rꞌạbidi de phọ. Ịrol li ịdipho ẹteeny ọrugh aDevid.

Bụo aRom 1:1

Mị ạPol, ọnyo oḍighi phọ ạJizos Kraist, Ẹnaan ẹsaḅar bọ ẹmagh mọ aḍighi otelhedom, ạghaaph ghan ooḅi ọghaaph phọ kụ ụge bọ ḍịnya phọ ạḍien riruomaan inyina.

Dutoronomi 1:38

AJosua ọony phọ ạNon ạmeera bọ esomanan ạna kụ kasi ẹpe phọ. Kpạrami ologhi ọdi. Ọdi kụ kaḍighi ịdi awe phọ Ịzirel kọmoogh de phọ.’

Dutoronomi 31:23

Kụ Ọmoogh-we phọ ạlogh ologh ạngo Josua ọony phọ ạNon kụ ạḅeni mọ, “Kpạrami loor ạna, ạmoogh ạkpo ologhi. Nạ kụ kạsighe we phọ Ịzirel asiemi ẹpe ade phọ ạḍiphe mị aghunya bọ ọngo ạbidi. Mị odi ni rꞌạna.”

Dutoronomi 31:3

Ọmoogh-we Ẹnaan phọ anyina kiḍiemiom inyina apiemi oomo areelhe phọ ịpe edi bọ risigh anyina, kụ nyina kụ kẹmoogh bịdi, kụ aJosua kụ kiḍiemiom inyina, ịdipho Ọmoogh-we phọ ạḅem bọ.

Dutoronomi 33:1

Ḍịen kụ ạḍiseph phọ aMozis oye phọ Ẹnaan ạngo bọ we phọ Ịzirel, kụ agbi omugh.

Dutoronomi 34:12

Ọnon oyil ólho dị ạsighe ḍịghaagh iphelegbe ọdi kụ aḍighinom ịdo ạraraar aruugu phọ ịpe aMozis aḍighi bọ esomanan Ịzirel.

Dutoronomi 34:5

Kụ aMozis otelhedom mọ Ọmoogh-we phọ, amugh sịphe ade phọ ạMoab, ịdipho Ọmoogh-we phọ ạḅem bọ.

Dutoronomi 34:9

Kụ uwaloor olegheri ịyaar amuza loor aJosua ọony phọ ạNon, loor esi dị aMozis ạsighe rạghaagh ọdi ạḅam ẹmhu ọdi, kụ awe Ịzirel ọnaghanan ghan nyọdi, kụ oḍighi ghan ịpe Ọmoogh-we phọ ạlogh bọ ologh ạngo Mozis.

Tạitos 1:1

Mị ạPol ọokpaany phọ Ẹnaan rꞌotelhedom mọ ạJizos Kraist kụ rạge ḍịnya phọ ạḍien. Ẹnaan kụ ịsaḅar ịmi ọghi ọlhoghonaan ạḍighaagh ọkparami ghan omeeraam ạbuphe ọdi mạsaḅar bọ oḍighi aweye phọ ọdi, ọbo bịdi olegheri igey ịtughemi ịpe ẹḅophan bọ ruukuan phọ rꞌịtughemi ạsiosi phọ ayira,

Jems 1:1

Mị aJems, ọnyo oḍighi phọ Ẹnaan rꞌạJizos Kraist Ọmoogh-we phọ, kụ ụge ḍịnya phọ ạḍien ratuomaan ḍioph rꞌịyal arughunughun ạbuo aJu phọ ọwalala bọ oomo areelhe phọ. Mị mipuru inyina.

Josua 1:15

tụtu bịdi oḍigh aani ọrol de phọ ạḍiphe edi bọ ạga emeelom ạJodan phọ, ḍịphe Ọmoogh-we Ẹnaan phọ anyina rạngo bọ bịdi. Mem dị ọdi mạmaar aseere oomo arughunughun phọ Ịzirel, kụ nyina egbi oḅula sịen ọghelom ade phọ ạḍien ạga emitenom ạJodan, ḍịphe aMozis otelhedom mọ Ọmoogh-we phọ ịngo bọ inyina.”

Josua 1:2

“AMozis otelhedom mọ ạmi mamugh. Kụ iḍighi, nyịidipho ḅetenu ạḅeeny Ọphiiny ạJodan aphun, nạ rꞌoomo awe phọ ạbuen ẹghi esi ẹpe ade phọ ạḍiphe mị ạngo bọ bịdi we phọ Ịzirel.

Josua 12:6

Bụen kụ ạbudi aMozis otelhedom Ọmoogh-we phọ rꞌawe phọ Ịzirel ọkaaghi bọ. AMozis otelhedom Ọmoogh-we phọ ạsighe de phọ ạbidi ạngo eghun aRuben rꞌeghun ạGad rꞌạpakiri eghun ạManase mọ eḍighi bin ẹmoogh ẹlo ạbidi.

Ogonanami Phọ 1:18

Mị kụ ọdi odi ghan bọ ni. Mị umugh ni, kụ pogh aani, mị odi ni kꞌagee-pọ kꞌagee-pọ. Mị kụ ụpham ịsabi aḍuugh rꞌọmar iḍim.