Joel 3:9 - Ạḍinya Iigbia

⁹ “Igbeelom ọghaaph phọ ọphon eleenye reelhe phọ: ‘Ịnya ẹgham; Ịmagh rephelegbe-ẹgham mọ anyina; Iikpomoghi oomo awe ẹgham anyina kụ erelhe ẹghi!

Joel 3:9 Iomraidhean Croise

Ạsuor 96:10

Ịḅeni ghan oomo areelhe phọ mọ, “Ọmoogh-we phọ kụ ọdaam.” Ọmaar opighi de phọ kụ emiigh kpis, kụ kótue opoophe. Ọdi kasoph iiḅi ịiruen kụ ạngo ghan we.

Azaya 34:1

Weye oomo areelhe phọ, itu! Iikpomoghan ẹnaghan. Oomo ade phọ rꞌạtorobo oye lọ odi sịphe aru ạnaghan!

Jerimaya 31:10

Ọmoogh-we phọ ạḅem, “Reelhe, ịnaghanan ịmi kụ egbeelom ikpo ọnhu phọ ạmi ẹghimom rikpisi dị ẹkelogh. Mị ụuwalami ni weye phọ ạmi, kụ ọlo mị kaakpomoghi bịdi kụ ạmaar apogh bịdi ịdipho okoriom mọ rapogh ghan bọ ḍita ịga phọ ọdi.

Jerimaya 50:2

“Ịgba iphiligba phọ ẹḅeni reelhe phọ! Igbeelom! Iḍeenaan elegh phọ ẹkar eeleghemi iphiligba phọ! Kẹ́booghinaan we! ẠBabilon mameel. Eru phọ ọdi Maduk moḅomoghi! Ịkaaghineen ạrumugh phọ ạBabilon moseere dọl aroofola! Igbudu isa phọ ọdi mootughuḍi!

Jerimaya 51:11

Ọmoogh-we phọ maphighemi bụdaam mọ aMedia aḅerion, loor esi dị ọdi ạmoogh ịitughian ophiemi ạBabilon. Ịdipho kụ ẹdi oḅulemian phọ ọdi kạtol loor esi ịpe oogulemi bọ Otu Ịiḅereghi phọ ọdi. Bụphe oḍiemiom bọ we ẹgham mọ ọto ọngo, “Ikola yogh ịnhu ịkpina anyina! Ịsighe ịsuaram anyina ẹpham!

Jerimaya 51:27

“Ịngo elegh ozuom mọ! Ipula ọkuodu phọ ẹrol dị areelhe phọ ọnaghan! Ịḅeni reelhe phọ ọnyaaghian eenom ẹgham rꞌạBabilonia! Ịḅeni ọmar kịrokiro ạbuphe Ạrarat, Mini rꞌAskenaz mọ ozuom. Ịma ogbogh dị kaḍiemiom ozuom mọ! Ịpam erumom rụsu phọ ịdipho aḍita igurubia.

Jerimaya 6:4

Bịdi kọḅem ghan mọ, “Iikolobian ozuom ẹgham Jeruselem! Iikolobian! Yira kozuom bịdi mem ootaany!” Kụ bịdi kọḅem mọ, “Amem meten, aḍio phọ remuneen, oogho oye mạdoony.

Izikiel 38:17

Nạ kụ ẹdi mị ạghaaph ghan ịlo ạna mem dị mebia, mem dị mị ạsighe butelhedom ạmi riil phọ Ịzirel kụ ạḅeniom aleenye mọ riiḍio dị retu, mị kạsighe oye atu dị kazuom Ịzirel.” Ọmoogh-we dị ạmoogh oomo ịikpo kụ mạḅem.

Izikiel 38:7

Ḅẹni nyọdi ọdi aakolobian kụ ạḅeni sita awe ẹgham mọ ọdi mọ ọnya kụ okori.

Maika 3:5

Ariil dị oguanaan ọngo ẹepho weye lọ ọkpe bịdi ikpoki mookeleghi aweye ạmi kụ ọngo oḅio-kakaph mọ ẹgham retu bụdi bịdi ịyaar ụ́kpe. Riil phọ ạbuen Ọmoogh-we phọ ạḅeni mọ,

Hagai 2:7

Mị kapiemi ịtooghi areelhe phọ, kụ ọsighe ruphua phọ ạbidi otu sịen, kụ ẹelha emuza sịen Otu Ịiḅereghi phọ.

Zẹkaraya 14:2

Ọmoogh-we phọ kaakpomoghi oomo areelhe phọ kụ otuphiom ẹgham Jeruselem. Ẹmha phọ kemeel li, obum rạraar aruutu phọ, ọḅile obiighi nmạriir phọ. Oolemi weye ẹmha phọ odi, buniin kokeel eeruen ẹmha ọtol dọl iiruen kụ ọlo bụphe osugha bọ kọtol li sịphe ẹmha phọ.

Zẹkaraya 14:3

Kụ Ọmoogh-we phọ agbi omite ọghi eenan rꞌareelhe phọ ịpe phọ, ịdipho ọdi meeghi ghan bọ mem dị eten.