Joel 3:8 - Ạḍinya Iigbia

⁸ Mị kạḅogh ni nmụny rꞌạnmanyaan anyina ạngo we aJuda dị koboola bịdi we aSeba ẹekela ekpisi phọ. Mị Ọmoogh-we phọ mạḅem.

Joel 3:8 Iomraidhean Croise

Job 1:15

ekperenom bịn awe aSiba ozuom iyoor ẹgham bịn omi oomo phọ ạbidi. Bịdi ọze oomo abutelhedom mọ ạna umuton ịmi. Mị bịn kụ ukpetenaan oru ọḅeni ạna.”

Ạsuor 72:10

Ạbudaam mọ aSpen rꞌạbuphe odi bọ iigbom ạriphiiny phọ kọngo nyọdi ruunmo; ạbudaam mọ Arebia rꞌaSeba kọsighe rạraar otuomaan nyọdi.

Azaya 60:14

Ạnmuny ạbuphe ọgbiphoghom bọ nyịna kotu ni Kụ ozumeri rụmhu oḍeenaan arughuenian ạbidi ọngo ạna. Oomo ạbulo eniin amem ụ́manami nyịna ịyaar kooseeny sịphe rạda aruwol ạna. Bịdi kọmagh nyịna mọ ‘Ẹmha Ọmoogh-we phọ,’ ‘Zạyon, ẹmha Ẹnaan Iigbia phọ Ịzirel.’

Jerimaya 30:16

Kụ nyịidipho kọtaalom ni ịgbalapuur oomo ạbulo ịraalom inyina ịgbalapuur, ḅịle kosiphi ni oomo ẹpomoghian phọ anyina ọḍuanam, Kọkpiloghom ni oomo ạbulo ịkpiloghom inyina, kụ oomo ạbulo ọsighiogh rạraar anyina ẹkaraph ẹsighenom kọsighiogh ni rạraar ạbidi eniin phọ ẹsighenom mọ.

Jerimaya 6:20

Ịnsens phọ bịdi rọsighe ghan bọ kꞌẹpe Siba kuruom ịmi, ḅịle rꞌarolho eḍu kịrokiro kꞌẹekela ekpisi, mịna kaḍighinom eeghe? Mị kạ́sighe inmo phọ ạbidi; ạrikia phọ ạbidi kẹn bịn ịmi ị́ḅeeraan.

Izikiel 23:42

Ọnaghan ni ẹḍogh aḍita ighiil awe dị ọḍua ẹpe ẹdala phọ oru. Bịdi ọlogh rạla sịphe ạraghaagh ạnmariir phọ rꞌịma aroghoony ọdaam ẹmha ạnyu ạrumhu ạbidi.

Izikiel 38:13

Aweye aSiba rꞌaDedan rꞌabumuul ḍighi dị ọḍua rạmha aSpen kopuru nyịna mọ, ‘Nạ maakpomoghi we phọ ạna azuom ẹgham ịlo omiighi owum ạraraar ḍụghum? Edi ologhi ạna ọsighe asilva rꞌagol, ạsinam rꞌaruphua, kụ orelhe ọḍuanam rꞌoomo ạraraar phọ omiighi bọ ḍụghum?’”

Dutoronomi 32:30

Oniin oye kaḍighi ika kụ atue bọ aporogh oniin ọonir awe? Ịyal awe koḍighi ika kụ otue oporogh ḍioph ọonir awe, omuton dị Aḍighiigh phọ kụ ẹḅitonaan bịdi, dị Ọmoogh-we phọ kụ ạḅogh ạngo bịdi?

Bụo Ịiruen 2:14

Kụ Ọmoogh-we phọ ạghagham ologhi we Ịzirel iboom, kụ ạḅogh bịdi ạngo bụo ịpueghiom, kụ bịdi ozirion ghan rạraar ạbidi ọsighiogh. Kụ ạsighe bịdi aalha bụo ạmulogh-ḍien phọ ạbidi orugh bọ okoom bịdi, tụtu eḍighi ịdi bịdi útue mun ụ́merenyan bụo ạmulogh-ḍien ạbidi.

Bụo Ịiruen 4:2

Kụ Ọmoogh-we phọ ạsighe bịdi aalha Jabin ọnyo aKenan dị ạda ẹmha Hazor. Uw-ẹmhu awe ẹgham mọ ọdi ughol mọ aSisera dị arugh ẹpe Haroset Ha Goyim.

Bụo Ịiruen 4:9

Kụ aDebora ạḅem mọ, “Mị kạdaph ni nyịna ạki; kụ ọlo arughuenian igbogh phọ ạna ílho ẹpe eten phọ nạ arelhe bọ rạki, ịdi eḍighi bọ Ọmoogh-we phọ kaboola Sisera ḍịghaagh ạnir-ephoph.” Kụ aDebora aḅetenu ạdaph Bạrak ạghi Kedes.