Joel 3:7 - Ạḍinya Iigbia

⁷ Nyịidipho mị kạsighe bịdi amiteghom riisi phọ nyina aal bọ bịdi. Mị kiḍighi inyina ịpe nyina meḍighi bọ bịdi.

Joel 3:7 Iomraidhean Croise

Esta 7:10

Ịduon phọ usin Haman ạnyu ịyaar phọ ọpo ọdi ạka bọ osinom aModekai. Ịphen reten kụ ọghagh ologhi ọdaam mọ asoor.

Azaya 11:12

Ọmoogh-we phọ kagim ni ạlagba ọlo oḍeenaan areelhe phọ mọ ọno mạḅile raḅulemi egina esi we phọ Ịzirel rꞌaJuda ọwalala bọ inya phọ ạrughulukul aḅirini phọ.

Azaya 49:12

Awe ạmi kọḍuaghu rikpisi dị ẹkelogh kụ otu, kꞌẹpe ephunom mọ rꞌemeelom erumuḍio phọ, kụ emiigh Ạsuan ẹpe esoorom mọ.”

Azaya 66:6

Iler rụru ẹnaghan! Aḍiboom ạḍiaḅa phọ edi bọ sịphe ẹmha phọ rꞌọyugh phọ ẹḍua bọ sịphe Otu ịiḅereghi phọ kụ retu, ḍịen kụ ạḍiaḅa Ọmoogh-we phọ dị rạliomom bụmulogh-ḍien phọ ọdi!

Jerimaya 23:8

Kpạripe ghụn bịdi kughol ghan ịmi kụ okunya ịdipho Ẹnaan phọ ẹpe edi ghan bọ bịn ọpo ạsighe bọ weye phọ Ịzirel amitiom ẹpe ade ephunom mọ, ḅịle kẹn rꞌẹpe oomo ịpheri phọ areelhe phọ ịpe mị ạwalalami bọ bịdi. Kụ bịdi ogbi orugh ịsien ade phọ ạbidi.”

Jerimaya 30:10

“We ạmi, kẹ́moogh oghiilaan; weye Ịzirel, ịyaar kị́tol dị kiikperemi inyina. Mị kịtagharan ni inyina ạsighe ẹpe ạḍiikela ade phọ, ẹpe ade phọ nyina edi bọ ikoli phọ. Nyina ketigheel li otu, ẹtol rꞌẹepho; kiikpereghi ni inyina, kụ oye ólho dị kiḍighi inyina ịlo aḍiigu.

Jerimaya 30:16

Kụ nyịidipho kọtaalom ni ịgbalapuur oomo ạbulo ịraalom inyina ịgbalapuur, ḅịle kosiphi ni oomo ẹpomoghian phọ anyina ọḍuanam, Kọkpiloghom ni oomo ạbulo ịkpiloghom inyina, kụ oomo ạbulo ọsighiogh rạraar anyina ẹkaraph ẹsighenom kọsighiogh ni rạraar ạbidi eniin phọ ẹsighenom mọ.

Jerimaya 31:8

Mị kaakpomoghi ni bịdi kꞌẹpe ephunom mọ kụ ạamaghagh bịdi kꞌaruukuna ade phọ. Awe ikpom ariḍien rꞌạrukugha kotu aani ni, ạnmariir lọ odi rꞌịyal amem aloor rꞌạbulo oghunughun rakun. Bịdi kotigheel kụ oḍighi egbogh eelhe.

Jerimaya 32:37

Mị kaakpomoghi ni we phọ ọḍua bọ oomo areelhe phọ mị ạawalalami bọ bịdi rꞌophin ologhi phọ, kụ mị ạsighe bịdi atu esi phọ ịsien kụ aḍighi ịdi bịdi kọtol rꞌẹepho.

Izikiel 36:24

Mị kịsighe ni inyina eelhe kịrokiro rꞌẹmha kịrokiro aḅulemi de anyina.

Izikiel 38:8

Ịbadi ạsia reten kụ mị ạto ạngo nyọdi mọ azuom ẹgham eelhe dị we phọ ụson ịbadi arikpisi kụ oru ookpomoghi kụ odi ghan dọl dị rókiilaan ghan ẹgham. Ọdi kazuom rạaḅaraph phọ Ịzirel ịpe ọḍuaghu bọ kụ awe ụ́tol ghan bọ mem dị ebia, kụ ọlo eḍighi esi dị oomo awe odi nyịidipho rꞌẹepho.

Joel 3:4

“Nyina rẹwa ghan oḍighi ạmi ika, Taya, Saidon rꞌoomo areelhe aFilistia? Nyina rẹwa oḅulemian esi ịyaar ḍụghum? Pọ ịduon, mị kaagborion ni iḅulemian inyina!

Zẹkaraya 9:13

Mị kạsighe Juda kụ aḍighinom ịdipho ạkumugh oye ẹgham kụ Ịzirel ịdipho ịkpina phọ. Mị kaḍighinom weye phọ ạZayon ịdipho elhool ẹgham, kụ atuphiom ẹgham weye aGris.”

Matiu 7:2

Ịpe nyina keegboonaan bọ bụnon kụ ịdi Ẹnaan kiigboonaan aani ni inyina. Ịpe nyina edi bọ ẹngo bụnon kụ ịdi Ẹnaan kedi ni ịngo aani inyina.

2 Bụo ạTesalonika 1:6

Ẹnaan ẹmiin mọ ẹkpianaan ni ọmiine ạbuphe ịmiine bọ inyina

Jems 2:13

Ilegheri mọ oye lọ rạ́nma ghan bụnon ighirigiir, mem ịiruen phọ Ẹnaan nyọdi ighirigiir kẹ́nma. Ọnma ghan ighirigiir kụ rezuoghom ghan ịiruen.

Ogonanami Phọ 13:10

Oye lọ mẹgianaan mọ osiph, kosiph ni. Oye lọ mẹgianaan mọ elhool ẹgham kụ eghiigh, kekiigh ni. Ịphen phọ rẹḅeni ghan we phọ Ẹnaan mọ ọmoogh ọkparam rꞌomeeraam.”

Ogonanami Phọ 16:6

Bịdi uzu ni ịḅaal awe rꞌariil phọ Ẹnaan kụ nạ mạngo bọ bịdi ịḅaal ọphughol phọ. Ịphen phọ ‘ạkasian-rạgbaanyan.’”

Ogonanami Phọ 19:2

Ịiruen phọ ọdi esel li ḅịle ọkaraghi igey ni ịdipho ọdi masoph bọ ni aphume oboom oboom oliom ẹmha phọ apesi ghan bọ ipesi phọ ạphuenom aḅirini phọ. Ọdi ạzeeghi bụo iiḍighi phọ Ẹnaan kụ Ẹnaan ẹliom bọ nyọdi.”

Bụo Ịiruen 1:7

Kụ Adoni Bezek ạḅem mọ, “Oḍualdi ạbudaam dị oogbo sụnugh ạraghaagh ạbidi rꞌigbogh ạsunugh aruwol ạbidi ụson ghan ni ịpherepe eeḍian ịdaabili ạmi. Ịpe mị aḍighi bọ kụ ịdi Ẹnaan mẹsighe ẹtuugh rịkpiom ịmi.” Kụ bịdi ọpham nyọdi ọghi osiom Jeruselem, kụ ọdi amugh ẹpe.

1 Sạmuel 15:33

Kụ ạSamuel ạḅeni mọ, “Ịdipho elhool ẹgham mọ ạna meḍighi bọ ịdi ịbadi aburunhiin ụ́moogh mun nmụny, ịduon kẹn kụ ẹdi onhiin ạna kạ́moogh mun mọony.” Kụ ạSamuel abenogh Ạgag aghiigh ạkiriph sịphe risigh enmeny phọ ẹpe Gịlgal.