Joel 3:5 - Ạḍinya Iigbia

⁵ Nyina mẹsighe silva rꞌagol ạmi kụ ẹsighiogh eboom ẹelha phọ ạmi eḍighom ruutu iigbia phọ anyina.

Joel 3:5 Iomraidhean Croise

2 Ạbudaam 12:18

AJoas ọdaam mọ aJuda ạghi ạsighiogh oomo ạraraar phọ ịpe ạJehosafat rꞌạJehoram rꞌAhazaya ạburude phọ ọdi ọosa bọ oseere iigbia, rꞌoomo phọ ịpe ọdi rꞌaloor ọdi ạasa bọ aseere iigbia, rꞌagol phọ ạrol bọ sịphe rooko ghan bọ ikpoki phọ sịphe Otu Ịiḅereghi phọ, ạsighe oomo phọ ịdi ạghiomonaan Hạzael ọdaam mọ ạSiria, kụ ạHazael ạḍua ẹpe Jeruselem.

2 Ạbudaam 16:8

Kụ Ehaz ạsighe gol rꞌasilva phọ ọmiin bọ sịphe Otu Ịiḅereghi phọ rꞌoomo ikpoki phọ ọmiin bọ sịphe otu ọdaam mọ, ạsighe ạghiom aanmoom ruunmo ogbogh ọdaam mọ Asiria.

2 Ạbudaam 24:13

Kụ ạNebukadnezar ạghi aakoroghi oomo aruphua phọ ẹrol bọ sịphe Otu Ịiḅereghi phọ rꞌịsiphe otu ọdaam mọ ạsighiogh. Ịdipho Ọmoogh-we phọ ạghaaph bọ, ọdi ạkiriph oomo ạraraar phọ oḍighinom bọ gol ịpe Sọlomon Ọdaam mọ Ịzirel aḍighi bọ aseere sịphe Otu Ịiḅereghi phọ.

Azaya 11:11

Aḍio phọ ạḍiphe ẹteeny, Ọmoogh-we phọ kạḅile kẹn ni ạsighe ịikpo phọ ọdi aḅulemiom we phọ ọdi bụphe osugha bọ ẹpe Asiria rꞌIjipt, ẹpe areelhe phọ ạPatros, Sụdan, Ilam, Bạbilonia rꞌạHamat rꞌịsiphe iigbom ạriphiiny phọ rꞌạnyu arukpu-ogbo ọphiiny phọ.

Jerimaya 23:7

Ọmoogh-we phọ rạḅem ghan, “Amem mọ retu ni dị awe kókunya mun esi aḍien phọ ạmi Ẹnaan phọ ẹpe edi ghan bọ bịn ọpo ạsighe bọ nmụny Ịzirel amitiom ẹpe ade phọ Ijipt.

Jerimaya 50:28

(Awe dị oghiil ẹgham ẹpe Bạbilonia usi ni Jeruselem kụ ọghaaph ịdi Ọmoogh-we Ẹnaan phọ ayira aḅulemian ịpe awe ạBabilon phọ oḍighi bọ Otu Ịiḅereghi phọ.)

Jerimaya 51:11

Ọmoogh-we phọ maphighemi bụdaam mọ aMedia aḅerion, loor esi dị ọdi ạmoogh ịitughian ophiemi ạBabilon. Ịdipho kụ ẹdi oḅulemian phọ ọdi kạtol loor esi ịpe oogulemi bọ Otu Ịiḅereghi phọ ọdi. Bụphe oḍiemiom bọ we ẹgham mọ ọto ọngo, “Ikola yogh ịnhu ịkpina anyina! Ịsighe ịsuaram anyina ẹpham!

Izikiel 37:12

Loor ịphen phọ mịinaan weye phọ ạmi Ịzirel ạḅeni bịdi mọ mị Ọmoogh-we dị ạmoogh oomo ịikpo kakpenyon riiḍi phọ ạbidi amiteghom bịdi kụ ạsighe bịdi atu de phọ Ịzirel.

Dạniel 11:38

Kpạripe ghụn ọdi kakueni ni eru phọ reeko ghan bọ ruutu-ịikpo phọ. Ọdi kạsighe gol, silva rꞌikpo-ebe rꞌịnon igey aruunmo ạngo eru dị ạburude ạburude ọdi ụ́uḅereghi ghan.

Obadaya 1:17

“Kụ ọlo, ẹpe Eegbolom ạZayon, opol kokpetenaan ni kụ eegbolom mọ eḍighi esi ạdol iigbia. Awe phọ ạJekob kọmoogh ni de phọ ạbidi esi ariliom.