Joel 3:2 - Ạḍinya Iigbia

² Mị kaakpomoghi oomo areelhe kụ ạpam bịdi atumom Eḍiiny Ọoruen. Sịphe kụ ẹdi mị kasoph ọoruen ạngo bịdi esi oomo ịpe bịdi moḍighi bọ we ạmi. Bịdi mophorogh we Ịzirel ọwalalami ịnon areelhe kụ ọbaayami Ịzirel, de phọ ạmi.

Joel 3:2 Iomraidhean Croise

2 Krọnikuls 20:26

Ḍio dị emuneniom inya bịdi ookpomoghan sịphe Eḍiiny aBeraka kụ ọseph Ọmoogh-we phọ esi oomo ịpe ọdi maḍighi bọ. Ịdipho kụ iḍighi kụ oghol bọ mọ “esi aBeraka.”

Azaya 66:16

Ọdi kạḅar nịan rꞌelhool ẹgham kụ ạliom oomo awe aḅirini phọ bụlo ọdi ạmiin mọ erugh epum — kụ kọze ni ịbadi.

Azaya 66:18

Mị alegheri ni ịlo bịdi ọotughian rꞌịlo bịdi oḍighi yogh. Mị ratu ni ookpomoghi awe oomo areelhe. Mem dị bịdi ookpomoghan, bịdi kọmiin ni ịdi ịikpo phọ ạmi keḍighi

Jerimaya 12:14

Ọmoogh-we phọ rạḅem mọ, “Mị ạmoogh ni ịyaar ọḅem dị egbolomaam bumatuman phọ Ịzirel, bụphe mophiemi bọ de phọ mị ạngo bọ weye phọ ạmi Ịzirel. Mị kạsighe ni bụkaraph awe phọ ạbuphe phọ sịphe areelhe phọ ạbidi ịdipho oreeny lọ oruphuron, ḅịle kẹn mị kạtagharan ni Juda ạsighe ḍịghaagh ạbidi.

Jerimaya 25:31

kụ ẹḍogh phọ kemenyon ni ruukuna ade phọ. Ọmoogh-we phọ ạmoogh ni ḍighiton rꞌareelhe phọ. Ọdi kạsighe ni oomo phọ awe phọ ạmeremi esi ịiruen kụ ạze buḍighinom ịkaraph phọ. Ọmoogh-we phọ kụ mạḅem.’”

Jerimaya 49:1

Ịphen kụ ịdi Ọmoogh-we phọ ạḅem bọ ịlo egbolomaam Amon: “Odi ẹghen awe phọ Ịzirel? Rꞌoniin oye ólho dị kabe ạpamam de phọ ḍụghum? Uḍighi ika kụ bịdi ọwilenaan bọ we dị rooseeny ghan Mọlek mọ ọsighe de eghun phọ ạGad orugh phọ?

Jerimaya 50:17

Ọmoogh-we phọ ạḅem mọ, “Awe phọ Ịzirel ọkigh iyool-ịga, dị ạnam-dịka ephorogh ẹewalalami. Emiighom mọ, ọdaam-ẹmha phọ Asiria kụ azuom bịdi kụ, ịphen reten, ạNebukadnezar ogbogh ọdaam mọ ạBabilon ạraal ịḅarara ạbidi.

Izikiel 25:8

Ọmoogh-we dị ạmoogh oomo ịikpo ạḅem, “Loor esi dị ạMoab mạḅem bọ mọ eelhe aJuda ẹkigh oomo ịpheri phọ areelhe phọ,

Izikiel 34:6

Ịbadi iyool-ịga ạmi iyeela ẹpe aroogbolom mọ rꞌạraaḅaraph phọ. Bịdi ẹwalala oomo ịsien ade phọ, kụ rꞌoniin oye bịdi ọ́wa ọ́ḅile ọ́oḅaghamian loor ọmiin ạbidi.

Izikiel 35:10

“Nyina ịḅem mọ ịyal phọ areelhe phọ, aJuda rꞌỊzirel ḅịle rꞌarere phọ ạbidi, eḍighi ịlo anyina kụ nyina kẹmoogh bịdi ghạlamo mị Ọmoogh-we phọ kụ uḍighi Ẹnaan ạbidi.

Izikiel 36:1

Ọmoogh-we phọ ạḅem mọ, “Oye dị kamugh ni, ḅạanaan rạaḅaraph phọ Ịzirel kụ ạḅeni bịdi mọ ọnaghan dom mọ mị

Izikiel 36:5

“Mị Ọmoogh-we dị ạmoogh oomo ịikpo mạghaaph amitiom rꞌophin ologhi ạmi esi areelhe phọ ekoom bọ, kụ ẹkar ẹkpaariom Idom. Esi iboh rꞌịgilaam, bịdi ee ọsighe de phọ ạmi kụ ọmooghom rọogho phọ.

Izikiel 38:22

Mị kạliom nyọdi rꞌẹzegh rꞌozu ịḅaal. Erise ọlophia rꞌoghim iiḅoghoḍi ibikpo, kụ ẹḅaram nịan rꞌạsolfa, kụ kẹḍua ạnyu eekuom loor ọdi rꞌawe ẹgham ọdi rꞌaloor ịnon areelhe lọ eḍigh ooḍikuan rꞌọdi.

Izikiel 39:11

Ọmoogh-we phọ ạḅem mọ, “Mem dị oomo ịphen emite, mị kạngo Gog ẹkaraph eḍum ẹpe Ịzirel, sịphe Eḍiiny Ạbuo-erelhe ạga emitenom erumuḍio Ọphiiny-Ạla phọ. Gog rꞌoomo awe ẹgham mọ ọdi koḍiighi sịphe, kụ eḍiiny phọ kokol mọ ‘Eḍiiny Awe Ẹgham aGog’.

Joel 3:12

“Mọmagh ni reelhe mọ oru ọteeny Eḍiiny Ọoruen phọ. Sịphe kụ ẹdi mị Ọmoogh-we phọ kạtol ude kụ asoph ọoruen oomo areelhe phọ ekoom bọ.

Joel 3:14

Ạsimuunir rꞌạsimuunir odiighi Eḍiiny Ọoruen. Ịsiphe kụ ẹdi aḍio Ọmoogh-we phọ kẹnuun etu.

Ẹmos 1:11

Ọmoogh-we ạḅem mọ, “Awe Idom mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Bịdi ụtaya ni we phọ Ịzirel, abumor phọ ạbidi, kụ ụ́nma bịdi ighirigiir. Ịghagh iloghi ạbidi eekuna ị́tol kụ bịdi úmeera mọ eḍim.

Maika 4:12

Kụ areelhe phọ ịphen phọ úlegheri ịdi edi sịphe ologhi Ọmoogh-we phọ. Bịdi úlegheri mọ mookpomoghi bịdi ọliom eniin phọ eḍighinom mọ rọsighe ghan bọ ịbiakpa koru omitiom ọponyon.

Zẹfanaya 3:8

“Ikori kụ,” Ọmoogh-we phọ ạḅem, “Ikori ḍio phọ mị kaḅetenu bọ ọkpalham areelhe phọ. Mị mạnya ookpomoghi areelhe rꞌạramar kịrokiro, ọbo bịdi ologhoma ịdi ạnian ophin ologhi phọ ạmi ạrol. Oomo ade phọ kopiemiom nịan ophin ologhi ạmi.

Ogonanami Phọ 11:18

Ạbuo aruru phọ ụghagh ni iloghi, ịdi eḍighi bọ mẹteeny mem mọ ạghelhe phọ ạna kasoor bọ, kọḅile bọ oogboonaan ịiruen bụphe momuughu bọ. Mẹteeny mem mọ koonmo bọ ruunmo riil phọ roḍighi bọ oḍighi phọ kọngo nyịna, rꞌoomo awe phọ ạna, bụbam rꞌabugbogh, rꞌoomo ạbuphe ọlogh bọ nyịna eghuan phọ. Ọphon kụ amem mọ kopiemi bọ bụphe ropiemi bọ aḅirini phọ.”

Ogonanami Phọ 16:14

Bịdi phọ aruwaloor aruru dị reḍighi yogh ghan ịiḍaany. Ịraar aruwaloor phọ ịphen remite ghan kẹghi ookpomoghi oomo ạbudaam aḅirini phọ okoriom ẹgham mọ kesoor bọ ḍigbogh aḍio Ẹnaan Oomo Ịikpo phọ.

Ogonanami Phọ 16:16

Kụ aruwaloor phọ eekpomoghi bụdaam mọ sịphe oghol bọ ọnhu aHibru mọ Ạmagedon phọ.

Ogonanami Phọ 16:6

Bịdi uzu ni ịḅaal awe rꞌariil phọ Ẹnaan kụ nạ mạngo bọ bịdi ịḅaal ọphughol phọ. Ịphen phọ ‘ạkasian-rạgbaanyan.’”

Ogonanami Phọ 20:8

kụ ọdi ạki ookeleghi aGog rꞌạMagog areelhe phọ ịpe edi bọ inya ạsiagaany aḅirini phọ. ASetan kaakpomoghi ni ḍita ạbidi dị kótue ọbal omuneni ịdipho ikpo ịisaar ekpolom ọphiiny phọ kụ atuphiom ẹgham.