Joel 3:19 - Ạḍinya Iigbia

¹⁹ “Ijipt keten ẹdala ịisaar kụ Idom esi dị mephe, ịdi eḍighi bọ bịdi uzuom de phọ aJuda kụ ọze we phọ ạbidi dị ẹlo ọpioman ị́tol.

Joel 3:19 Iomraidhean Croise

Ạsuor 137:7

Tụutughian, Ọmoogh-we, ịpe awe Idom mọ oḍighi bọ ḍio phọ bịdi oḍigh bọ Jeruselem. Tụutughian ịdipho bịdi ọrol ghan bọ ọḅem mọ, “Ilereghi esiemi ude.”

Azaya 11:14

Bịdi kọḅophoghan kụ ozuom bụo aFilistia phọ ẹpe erumuḍio phọ remeel ghan bọ kụ ọpueghi rạraar awe phọ ạbuphe orugh bọ ẹpe erumuḍio phọ remite ghan bọ. Bịdi kọkpar opu we phọ Idom rꞌạMoab, kụ awe phọ Amon kọnaghanan ni bịdi.

Azaya 11:15

Ọmoogh-we phọ kạkaragharami oolhe ọphiiny phọ aSuez kụ ọdi kamitiom ọghologhol ookuugh ọgharagharami ọphiiny phọ aYufratis, ạbile oḍual ịbam ạruphu bịn, ọbo oye lọ ạwa katue ni atelhe ạḅeeny.

Jerimaya 49:17

Ọmoogh-we phọ ạḅem, “Oogulaan phọ kạteeny bọ Idom kabeeph ni iboom dị tọrobo oye lọ raten kabughaan ni kụ eḍigh ḍiigu.

Jerimaya 51:35

Ẹkpe dị awe phọ ạZayon kọḅem mọ, “Ọpham Bạbilonia mọ bịdi kụ uḍighi bọ iyoor igbagbaar ạraraar phọ ịphen!” Ẹkpe dị awe phọ aJeruselem kọḅem mọ, “Ọpham Bạbilonia mọ bịdi kụ ụngo bọ iyoor ịminimiin phọ ịphen!”

Ịkunuma 4:21

Ịmilogh ẹghiom, weye Idom ra Ụz; ịmoogh ọḅaal ologhi ịlo nyina erue. Ịiḅaghami ịlo anyina retu ni dị kébia; nyina kẹbelebele aani ni rꞌẹdaḅa aroofola.

Obadaya 1:1

Ịphen kụ ịmiin Obadaya — ịpe Ọmoogh-we Oomo Ịikpo phọ ạḅem bọ ịlo eelhe phọ Idom. Ọmoogh-we phọ marom otelhedom ọdi ạkiom reelhe phọ, kụ yoor mọnaghan ni dom mọ ọdi: “Iikolobian ọghi ee ẹgham rꞌIdom!”

Hạbakuk 2:17

Nyina melhereghi rụukpua phọ ạLebanon; nyịidipho kisoph inyina kụ oler. Nyina ẹze ịnam mọ ạbidi; nyịidipho ịnam kiḍighi inyina ịlo aḍiigu. Ịphen kemite ni loor esi awe phọ nyina mẹzeeghi bọ ḅịle rꞌaloor esi ekpom eḍighinom ịyaar phọ nyina ẹrolom bọ weye aḅirini phọ rꞌạramha phọ ạbidi.

Zẹkaraya 10:10

Mị kạsighe ni bịdi ẹpe Ijipt rꞌAsiria kụ mị atighelom bịdi otu kụ mị aḍighi ịdi bịdi kọtol sịphe eelhe phọ ạbidi. Mị kạtolomi bịdi ẹpe Gịliad ḅịle rꞌạLebanon; Awe kụ komuza oomo phọ ade phọ.

2 Bụo ạTesalonika 1:6

Ẹnaan ẹmiin mọ ẹkpianaan ni ọmiine ạbuphe ịmiine bọ inyina