Joel 3:18 - Ạḍinya Iigbia

¹⁸ “Mem mọ ọpo phọ, iizo ireeny avain kụ kekpereghiom rạaḅaraph phọ, kụ kọmiin sịnam ạnyu ạtorobo eegbolom kụ amuboom ạmuum kạtol oomo asikol aJuda. Aḍikol kẹḍua Otu Ọmoogh-we phọ emite kụ eeduom mụum Eḍiiny Akasia.

Joel 3:18 Iomraidhean Croise

Job 29:6

Ạsinam rꞌạrutu-ịga ạmi ịngo ghan ni ịmi muboom ạmamaam, ḅịle ireeny ọliv ạmi iḍum ghan agey ghạlamo esi ade asighiigh.

Ạsuor 46:4

Ọphiiny odi ni, dị ạruphia phọ ọdi kẹsighe ọḅaal ologhi etuomonaan ẹmha phọ Ẹnaan, otu iigbia Ọkaraghi Egbogh Ẹnaan phọ.

Ẹḍua 3:8

kụ mị maru ọtagharan ạbidi ḍịghaagh ạbuo Ijipt phọ, rꞌọsighe ạbidi ọḍuanam sịphe ade phọ ạḍiphe, rꞌọsighe ạbidi ọghi ḍiiḅi ade dị ẹetool rꞌọninom, de dị ạmamaam ạnam, rꞌẹnuum aḍiowo kụ rekilogh, ẹpe aKenanait rꞌạHitait rꞌẠmorait rꞌạPerezait rꞌaHivait rꞌaJebusait phọ odi ghan bọ nyịidipho.

Azaya 30:25

Ḍio phọ kọsighiogh bọ riisi ẹkpar ạbumulogh-ḍien phọ kụ ọze we ạbidi, ạmuum kakil li amite sikol ạtorobo eegum rꞌẹeḅaraph.

Azaya 35:6

Ạrukugha kopeleghu ni ọker ịḅa kụ arokpom ọka kọlo ḍịolho iboh. Ạmuum arokol kakilogh ni ạḅeeny de ịisaar;

Azaya 44:3

“Mị kạngo ni mụum de lọ ạmuum úlho kụ mị aḍighi ịdi ạmuum kakilogh sikol ạḍigharaghar ade Mị kaakuom uwaloor ạmi nmụny anyina rꞌạḍiseph ạmi nmụny ạnmuny anyina.

Azaya 45:8

Mị kạsighe ọkpar opu kꞌẹpe ạke atu ịdipho ọlophia; ade phọ kekughuronu ni ọsighe kụ ẹereegh aḍiiḅi ạdol aruukuan eepaany. Mị Ọmoogh-we phọ kaḍighi ni oomo ịphen phọ.”

Azaya 55:1

Ọmoogh-we phọ rạḅem ghan mọ, “Tue, tọrobo oye lọ ạmuum rạpu — pọono sịen ạmuum. Tue, nạ phọ ọpo ụ́moogh bọ ikpoki, agho ọbiakpa alhe! Tue agho miim rꞌạmamaam ẹnam — okpoki rạ́ḍua ḍịghaagh ạna!

Azaya 66:11

Nyina keliom ni ẹeḍiom ọdi, mụdi ọony lọ ạkporori ọnhu mạmaam onhiin ọdi.

Jerimaya 31:12

Bịdi kotu kụ ọmoor sụor iboh sịphe Eegum ạZayon kụ ọmoogh ọḅaal ologhi esi aruunmo ạmi — aruunmo ịbiakpa, amiim rꞌạmunum-ọliv, aruunmo iyool-ịga rꞌạsinam. Bịdi kọkigh ozo ịizupha dị ooḍuom ghan mụum agey; bịdi kọmoogh oomo ạraraar lọ ekuom.

Maika 6:5

Weye ạmi, ịitughian ịpe ạBelak ọdaam mọ ạMoab ạnya bọ oḍighi anyina rꞌịpe ạBelam ọony phọ aBior ạphagharanaan bọ nyọdi. Ịitughian ịpe emite bọ ẹpe eten phọ emiigh sịphe arugbogo phọ ẹpe Akasia kụ esi Gịlgal. Ịitughian rạraar phọ ịphen bịn nyina kelegheri ni mọ mị uḍighi ịlo ọphelom anyina.”

Zẹkaraya 14:8

Mem dị aḍio phọ ạḍien phọ ketu bọ, amumoom ạmuum kakil li Jeruselem amite; egbem ạmuum kakil asoor ẹpe Ọphiiny-Ạla kụ ạmueri phọ egbem mọ akil asoor ẹpe aMeditarenian phọ. Ạmuum mọ kakil li tụtu ạlha phọ eeghiraan, mem aghozogh rꞌamem unu.

Igbiighi 25:1

Mem dị Ịzirel orugh sịphe Eḍiiny Akasia, kụ awe umiigh ọrolan esi rꞌạnmanyaan ạMoab olhiom ghan ẹmha.