Joel 3:16 - Ạḍinya Iigbia

¹⁶ Ọmoogh-we phọ odi Eegum ạZayon kụ amoogha; ẹḍogh ọdi edi sịphe Jeruselem kụ ẹḅa; ade rꞌokuaḍio epiigha. Kụ ọdi kaakpereghi ni we phọ ọdi.

Joel 3:16 Iomraidhean Croise

Ạsuor 18:2

Ọmoogh-we phọ kụ aḍighiigh ạmi rꞌotu-ịikpo ạmi rꞌỌpelia ạmi, Ẹnaan ạmi rꞌaḍighiigh ạmi dị ruuko ghan ịmi. Ọdi kụ aḍighi ọsuaram ikpo dị mị kaḍuom ghan ologhi, ọphaal ạpeleeny ạmi rꞌotu ạnyu ạmi.

Ạsuor 29:11

Ọmoogh-we phọ rạngo ghan we phọ ọdi ịnyaam; kụ ạḅile ạsephom bịdi rꞌẹepho.

Ạsuor 61:3

loor esi dị nạ kụ aḍibuo dị mị aḍigh, ọsuaram ạmi dị ạkpar apu bụmulogh-ḍien ạmi.

Asidogh 18:10

Ọmoogh-we phọ ạkigh ẹkul otu, esi dị awe aruukuan kọki kụ ọbooghian.

Azaya 33:16

Pụruku nyina kẹtol ẹereegh; nyina kẹmoogh oghoph mụdi nyina ịrol ologhi esi ẹkpar. Nyina kẹmoogh ni eḍien olhe rꞌạmuum ọphughol.

Azaya 33:21

Ọmoogh-we phọ kuḍeenaan ni iyira eegu ọdi. Yira kotugh ọgbal ịiregha ạriphiiny rꞌasikol, kụ ạrunwunyaru ọwa asighiton kẹ́zooghi sịphe.

Azaya 42:13

Ọmoogh-we phọ rạki ghan kee ẹgham ịdipho ophelegbe; ọdi rạnya ghan rꞌẹephua ọghi ẹgham. Ọdi rạlo ghan ḍịolho ẹgham kạghiom ạnyu; Ọdi raḍeenaan ghan ịikpo phọ ọdi risigh ạbumulogh-ḍien.

Azaya 51:16

Mị kụ ụreghe bọ amitiom sịke phọ kụ aphighi bọ ephighiom ade phọ ạkparami; Mị ạḅeni Jeruselem mọ, ‘Nyina awe ạmi! Mị mịngo inyina ịtughemi phọ ạmi, kụ mị riiko ni inyina rꞌạḍighaagh ạmi.’”

Jerimaya 16:19

Ọmoogh-we, nạ kụ oye phọ ruuko bọ ịmi kạḅile ụngo ịmi ịnyaam; nạ ụlhoghonaan ịmi ḍịghaagh mem ịiḅaghami. Areelhe kọḍua ni ẹpe aruukuna ade phọ kụ ọḅem ghan mọ, “Ạburude ạburude phọ ayoor ụ́moogh ịyaar omuton rụmugh ọkpe, rꞌaruru dị ị́moogh ịyaar oḍighinom.

Jerimaya 17:17

Kúḍighi ịmi ịlo aruugu nạ bịn kụ esi ịbooghian ạmi mem lọ ịiḅaghami eru.

Izikiel 38:19

Rꞌophin ologhi mị ạḅem amitiom mọ ḍio phọ ạḍiphe ade phọ Ịzirel kepiigha ni.

Hosia 11:10

“Awe ạmi kụdaph ni ịmi mem dị mị ạmaphaan mụdi ạnam-dịka risigh ạbumulogh-ḍien ạbidi. Bịdi koogborion kụ ọḍua ẹpe erumuḍio phọ remeel ghan bọ otu esi ạmi.

Ẹmos 1:2

Ẹmos ạḅem mọ, “Ọmoogh-we phọ ramoogha ghan ẹpe Eegum ạZayon; Ẹḍogh phọ ọdi reeka ẹpe Jeruselem. Ạraraar olhe ịnam mọ mẹgharaghar kụ ạroogho phọ Eegum ạKarmel mekitonu ẹkiakia.”

Ẹmos 3:8

Mem dị ạnam-dịka mamoogha, ạnhian kụ ẹdi kạ́moogh oghiilaan. Mem dị Ọmoogh-we Oomo Ịikpo phọ mạḅa, ạnhian kụ ẹdi kápiigha ogbeel adom mọ?

Nẹhum 1:7

Ọmoogh-we phọ ạnighe ni; ọdi raakpereghi ghan weye ọdi mem ịiḅaghami; ọdi rạmaar ghan kạpham bụphe okiton bọ oru esi ọdi.

Hagai 2:6

“Kébia mun iboom mị kapighemi kẹ phọ rꞌade phọ, ude phọ rꞌọphiiny phọ.

Hagai 2:7

Mị kapiemi ịtooghi areelhe phọ, kụ ọsighe ruphua phọ ạbidi otu sịen, kụ ẹelha emuza sịen Otu Ịiḅereghi phọ.

Zẹkaraya 10:12

Mị kạkparami ni weye phọ ạmi; bịdi kọoḅereghi ọḅile ụnaghanan ịmi.” Ọmoogh-we phọ kụ mạḅem.

Zẹkaraya 10:6

“Mị kạkparami ni weye phọ aJuda; Mị kạtagharan ni weye phọ Ịzirel. Mị kạmoogh ni ọnma ighirigiir esi ạbidi kụ mị ạsighe oomo phọ ạbidi aḅulemi ologhi otu. Kẹḅile ẹtol mụdi mị kőghel ghan bịdi rꞌamem. Mị kụ Ọmoogh-we Ẹnaan phọ ạbidi; mị kạpagharanaan ghan ni ịiḅereghi ạbidi.

Zẹkaraya 9:12

Itigheleghu, nyina phọ edi bọ dọl iiruen phọ kụ ẹmoogh bọ ni oḍuom ologhi; Itigheel esi ạdol ẹereegh phọ anyina. Mị rịḅeni inyina nyịidipho. Mị kạsighe ni ḍịseph kụ ịkpiom inyina apeelhe ịyal amem esi oomo ịpe nyina mẹmiinom bọ.

Bụo aHibru 12:26

Mem mọ ọpo phọ, ẹḍogh phọ ọdi iphighemi ni de phọ, kụ nyịidipho ọdi maguanaan mọ, “Esugha mem bịn mị kạḅile bọ apighemi, káde phọ bịn, mị kạḅaram ni kẹ phọ.”

Ogonanami Phọ 11:13

Mem mem mọ ọpo phọ bịn ade phọ ephiigha ẹekia ephiighaam, ịdi ephiemi muniin esi aḍioph abin ẹmha phọ, ẹḅile ẹze we dị ọman oḍual ọonir. Iḍighi ni ruugu iboom esi ạbueri phọ awe phọ, kụ oboomiom igbogh phọ Ẹnaan edi bọ kꞌạke phọ.

Ogonanami Phọ 11:19

Kụ oghughuron otu ịiḅereghi phọ Ẹnaan ẹpe kꞌạke kụ ọmiin Igbe Ịyo phọ sịphe phọ. Kụ aḍio phọ ẹḅaaghi, ẹmepheghian ẹḅile ẹraphan. Iboom ibikpo ẹghar. Ade phọ ephiigha.

Ogonanami Phọ 16:18

Kụ aḍio phọ ẹḅaaghi, ẹmepheghian, ẹḅile ẹraphan. Ade phọ ephiigha ẹekia ephiighaam dị ke̋phiigha ghan kꞌaḍio phọ ọlhem bọ oye.

1 Sạmuel 15:29

Egbogh Ẹnaan phọ Ịzirel rạ́gba ghan ọkpe, ḅịle kẹn ránme ghan ologhi ọdi. Ọdi kóye — ọdi ránme ghan ologhi ọdi.”