Joel 3:12 - Ạḍinya Iigbia

¹² “Mọmagh ni reelhe mọ oru ọteeny Eḍiiny Ọoruen phọ. Sịphe kụ ẹdi mị Ọmoogh-we phọ kạtol ude kụ asoph ọoruen oomo areelhe phọ ekoom bọ.

Joel 3:12 Iomraidhean Croise

2 Krọnikuls 20:26

Ḍio dị emuneniom inya bịdi ookpomoghan sịphe Eḍiiny aBeraka kụ ọseph Ọmoogh-we phọ esi oomo ịpe ọdi maḍighi bọ. Ịdipho kụ iḍighi kụ oghol bọ mọ “esi aBeraka.”

Ạsuor 7:6

Ọmoogh-we, ḅetenuom rꞌọghagh ologhi phọ ạna ạghi azuom bụmulogh-ḍien phọ ạmi. Guuguna ụlhoghonaan ịmi ḍịghaagh. Igey ịiruen kụ ẹdi nạ rạwa ghan bọ.

Ạsuor 96:13

mem dị Ọmoogh-we phọ katu ọda ade phọ. Ọdi kạdaam reelhe aḅirini phọ iiḅi ịiruen rꞌegeny ẹphamam.

Ạsuor 98:9

loor esi dị ọdi ratu ọda ade phọ. Ọdi kạda reelhe aḅirini phọ rꞌiiḅi ịiruen rꞌegeny ẹphamam.

Azaya 2:4

Ọdi kakunughi ịgbaragbara igbo igbogh areelhe. Bịdi kọgurogh rolhool ẹgham ạbidi otene rụsua, rọosoph ạbidi otene rolhool ọsam. Areelhe rꞌamem kóbe mun ẹgham, kóokolobian mun eeghi ẹgham.

Azaya 22:1

Ḍịen adom ḍịo esi phọ oghol bọ mọ Eḍiiny Ịmiin phọ. Eeghe kụ remite? Uḍighi ika kụ oomo awe ẹmha phọ ọmoogh bọ ọḍe ạnyu aruutu phọ?

Azaya 3:13

Ọmoogh-we phọ aakolobian ni ọgba akeel ọdi; rosophonaan ọoruen we phọ ọdi.

Izikiel 30:3

Aḍio phọ mekpekian, ḍio dị Ọmoogh-we phọ kaḍeenaan loor, ḍio ọotu rꞌịiḅaghami dị kẹtolonaan reelhe phọ.

Izikiel 39:11

Ọmoogh-we phọ ạḅem mọ, “Mem dị oomo ịphen emite, mị kạngo Gog ẹkaraph eḍum ẹpe Ịzirel, sịphe Eḍiiny Ạbuo-erelhe ạga emitenom erumuḍio Ọphiiny-Ạla phọ. Gog rꞌoomo awe ẹgham mọ ọdi koḍiighi sịphe, kụ eḍiiny phọ kokol mọ ‘Eḍiiny Awe Ẹgham aGog’.

Joel 3:14

Ạsimuunir rꞌạsimuunir odiighi Eḍiiny Ọoruen. Ịsiphe kụ ẹdi aḍio Ọmoogh-we phọ kẹnuun etu.

Joel 3:2

Mị kaakpomoghi oomo areelhe kụ ạpam bịdi atumom Eḍiiny Ọoruen. Sịphe kụ ẹdi mị kasoph ọoruen ạngo bịdi esi oomo ịpe bịdi moḍighi bọ we ạmi. Bịdi mophorogh we Ịzirel ọwalalami ịnon areelhe kụ ọbaayami Ịzirel, de phọ ạmi.

Maika 4:3

Ọdi kaagbo ịiruen ạngo reelhe phọ igbo igbogh ịikpo dị edi etumanan rꞌẹekela. Bịdi kọgurogh isiko ạbidi otene iguphom, ịsoph ạbidi otene sịleke ọsam. Areelhe kọ́ki mun ẹgham, kóokolobian mun ịlo elephiri.

Zẹkaraya 14:4

Mem mọ ạmuphe phọ, ọdi kạmeera sịphe Eegum Ọlivs ḍịghaagh phọ ạḍiphe erumuḍio phọ remite ghan bọ Jeruselem. Kụ ogbi nụun odi Eegum Ọlivs ịyal abin; eboom eḍiiny kụ kedi bọ, emiigh ẹpe erumuḍio phọ remite ghan bọ kụ esi ẹpe erumuḍio phọ remeel ghan bọ. Egbem ẹeḅaraph phọ keḍuraan ẹki ẹpe ephunom mọ, ḅịle kẹn ẹpheri phọ egbem mọ eḍuraan ẹki ẹpe esoorom mọ.

Ogonanami Phọ 19:11

Kụ mị ụḅile ni ạmiin ịdi ạke phọ aghughuronu, rꞌọphalaḅaal ạsu dị odi. Nyọpo ạsu phọ rakiilom bọ ughol mọ Óbi rꞌÓkue. Esophom ịiruen phọ rꞌeenom ẹgham mọ ọdi resel ghan ni.