Joel 3:1 - Ạḍinya Iigbia

¹ Ọmoogh-we phọ ạḅem mọ, “Mem mọ ọpo mị kaḍighi ni ịdi aJuda rꞌaJeruselem kọḅile oḍum.

Joel 3:1 Iomraidhean Croise

Ạsuor 14:7

Mị ạkar ri rạlom mọ ọkpar opu kạḍua ẹpe Zạyon atu ạteeny Ịzirel. Pọ eeghe ọdo ọḅaal ologhi dị awe Ịzirel kọmoogh mem dị Ọmoogh-we phọ kạḅile ạngo bịdi ẹeḍiom.

Ạsuor 85:1

Ọmoogh-we, nạ mạnma ni ighirigiir de phọ ạna; nạ mạḅile ạngo Ịzirel ẹelha.

Asidogh 1:23

Ịnaghan mem lọ mị rịḅaam inyina; mị kịngo inyina ogey oroma kụ nyina elegheri ịpe mị alegheri bọ.

Azaya 44:3

“Mị kạngo ni mụum de lọ ạmuum úlho kụ mị aḍighi ịdi ạmuum kakilogh sikol ạḍigharaghar ade Mị kaakuom uwaloor ạmi nmụny anyina rꞌạḍiseph ạmi nmụny ạnmuny anyina.

Jerimaya 16:15

Kpạripe ghụn bịdi kughol ghan ịmi kụ okunya ịdipho Ẹnaan phọ ẹpe edi ghan bọ bịn, ọpo ạsighe bọ weye phọ Ịzirel amitiom ẹpe ade ephunom mọ, ḅịle kẹn rꞌẹpe oomo ịpheri phọ areelhe phọ ịpe mị ạwalalami bọ bịdi. Mị kạsighe ni bịdi aḅulemi ẹpe eelhe phọ ạbidi, ẹpe ade phọ mị ạngo bọ bụrude ạburude phọ ạbidi. Mị, Ọmoogh-we phọ, kụ mạḅem.”

Jerimaya 29:14

Ii, mị ạḅem, nyina kịmiin ni ịmi, kụ mị kịsighe inyina aḅulemi ẹpe ade phọ anyina. Mị kiikpomoghi inyina tọrobo eelhe, rꞌạtorobo ekpisi lọ mị ịwalalami inyina, kụ mị iḅulemi inyina sịphe ade phọ nyina ẹrol bọ kụ mị ịsighe bọ inyina ạghimom iiruen arikpisi phọ. Mị Ọmoogh-we phọ kụ mạḅem.’

Jerimaya 30:18

Ọmoogh-we phọ ạḅem: “Mị kaḅulemi ni we phọ ạmi de ạbidi kụ ạnma ighirigiir tọrobo eghunotu. Jeruselem kọḅile ni ọlogh ogiga ọolha-ẹmha phọ ọḅile oselemi ọosa ịdipho ạrol ghan bọ.

Jerimaya 30:3

loor esi dị amem retu ni dị mị kaḅulemi weye phọ ạmi, Ịzirel rꞌaJuda. Mị kaḅulemi ni bịdi sịphe ade phọ mị ạngo bọ bụrude ạburude phọ ạbidi kụ bịdi ọḅile ọmoogh. Mị, Ọmoogh-we phọ, kụ mạḅem.”

Izikiel 16:53

Ọmoogh-we phọ ạḅeni Jeruselem mọ, “Mị kạḅile ni aḍume bịdi — Sọdom rꞌạramha ọdi ḅịle rꞌaSameria rꞌạramha ọdi. Agey ni, mị kạḅile kẹn ni aḍume nyịna.

Izikiel 39:25

Ọmoogh-we dị ạmoogh oomo ịikpo ạḅem, “Kụ ọlo nyịidipho mị kạnma ighirigiir ẹemara ẹemara ạJekob, weye phọ Ịzirel, ạḅile aḍume bịdi.

Dạniel 12:1

Ọokpaany kꞌạke phọ ọpo aanmenaan bọ ịyegheyeghe arukpe phọ ạḅem mọ, “Mem mọ ọpo, ogbogh ọokpaany kꞌạke phọ Mạikel, ọpo rakori ghan bọ we phọ anyina, katu ni amite. Kụ amem ịiḅaghami kẹtol li, ọdo ịdi kẹ̋rol ghan kꞌamem mọ areelhe phọ emite bọ. Amem mọ ạmuphe reru, oomo awe eelhe phọ anyina bụphe asiḍien phọ ọge bọ sịphe ạḍinya phọ Ẹnaan kokpetenaan ni.

Joel 2:29

Mem mọ ọpo phọ, Uwaloor phọ ạmi kasoorom ni ghạlamo rꞌạrebene, lephiri rꞌạnmariir.

Ẹmos 9:14

Mị kaḅulemi ni we phọ ạmi aseere ẹpe ade phọ ạbidi. Bịdi kọḅile ni ọloghoḍi rạmha phọ ạbidi ophiemi bọ, kụ otugh pạ; Bịdi kọzuphogh ni iizo ireeny avain kụ ọpughol ghan rimiim mọ; Bịdi kọzuphogh ni ịizupha riisi aroghoony kụ ole ibugha phọ.

Igbiighi 11:29

Kụ aMozis apuru nyọdi mọ, “Nạ ụtuan ịmi kụ rạkagh bọ ologhi? Kịḅeeraan ghụn ni ịmi dị Ọmoogh-we phọ ạsighe uwaloor phọ ọdi adoghoḍi loor oomo awe kụ bịdi ọlooghi ịlo ariil!”

Igbiighi 12:6

Kụ ọdi ạḅeni bịdi mọ, “Ịnaghan ịphen mị kạkaaph bọ. Eru mạar dị ariil uḍien odi sịphe ogbo phọ anyina, pọ mị Ọmoogh-we phọ aḍeenaan loor ạmi bịdi uḍien, kụ ạḅaanaan bịdi rạmalha.

Dutoronomi 30:3

Pụruku Ọmoogh-we Ẹnaan phọ anyina kiḅulemi inyina ḍigbaany ạdol ẹelha phọ anyina, kụ Ọdi ịnma inyina ighirigiir, kụ Ọdi aakpomoghi bụphe Ọdi ạwalalami bọ ịnon areelhe phọ aḅulemi.