Joel 2:3 - Ạḍinya Iigbia

³ Ịdipho ạnian kụ ẹdi bịdi rẹtaal ịizupha phọ. Ghisigh ạbidi, ade phọ ẹtol mụdi Oghoony Iden, kụ ọman ạbidi eḍighi ẹdala dị rꞌịyaar ílho. Ịyaar bịdi rékpetenaan ghan.

Joel 2:3 Iomraidhean Croise

Emiighom 13:10

Kụ ạLot ạnmanaghian akoom kụ ạmiin mọ oomo ade phọ ạJodan kụ ẹdi ạmuum amuza, ẹkigh ịdipho oghoony phọ Iden rꞌịdipho eelhe phọ Ijipt, ẹpe esomanan aZoar. (Ịphen phọ memite kụ Ọmoogh-we phọ agbi bọ ophiemi ạramha phọ Sọdom rꞌaGomora.)

Emiighom 2:8

Kụ Ọmoogh-we Ẹnaan phọ amitiom oghoony ẹpe Iden ẹpe erumuḍio phọ remite ghan bọ, kụ aseere sịphe oye phọ ọpo ọdi mạlhem bọ.

Ạsuor 50:3

Ẹnaan phọ ayira retu, ọdi ráḅoorian ghan; ạnian ọnuza edi ghisigh ọdi, kụ oghim ako nyọdi akitonom.

Ạsuor 97:3

Ạnian kụ iḍia risigh ọdi, kụ rele ghan kekoom bụmulogh-ḍien phọ ọdi.

Ẹḍua 10:15

Bịdi isoor tụtu ewile oomo ade phọ, kụ ẹraal tọrobo ịyaar lọ oghim mọ asugheeny. Rꞌẹnum ịyaar, mꞌịizupha mꞌiimuma loor ireeny, ísugha ẹpe eelhe phọ Ijipt.

Ẹḍua 10:5

Aḍita ạbidi kekpereghi oomo phọ ade phọ ạna, dị oye kátue ạmiin; kụ ẹtaalogh tọrobo ịyaar lọ oghim mọ ụ́pue rꞌireeny lọ esughanaan nyịna.

Azaya 14:17

Ọphon kụ oye phọ ọpo aphiemi yogh bọ rạmha phọ kụ akiton bọ aḅirini phọ aḍighi de ịisaar, úseere bọ ẹereegh bụo ikoli phọ ọdi, úmeera bọ bịdi ogheleghu rạmha ạbidi ḍụghum?’

Azaya 15:6

Ọodu phọ aNimrim mamooph, ạroogho phọ manyororo ạkaraghar sịphe iigbom mọ, kụ ịyaar dị eemanam ísugha mun.

Azaya 33:4

Ruphua ạbidi rokpobiom ghan bịn kowum ọsighe.

Azaya 51:3

“Mị kaḍeenaan ọnma ighirigiir esi aJeruselem, esi oomo ạbulo odi ḍiigulaan ạdol sịphe phọ. Ghạlamo ade ạbidi ịisaar ri bịn, mị kaḍighi ịdipho oghoony, ịdipho oghoony phọ Iden mị ạzuph bọ. Iboh rꞌọḅaal ologhi kẹtolonaan ni bịdi sịphe phọ. Awe kọmoor ri sụor oboomiom rꞌọsephom ạmi.

Azaya 9:18

Ịkaraph dị awe phọ moḍighi reemor ghan ịdipho ạnian dị repiemi ghan ruuḍum iitoor rꞌiiḅurom. Reemor ghan ịdipho ọnuza dị rale ẹekpua kụ rẹdumughu rookpoogh ạmughi.

Azaya 9:19

Loor esi dị Ọmoogh-we oomo ịikpo phọ rạkagh bọ ologhi ẹliomom mọ ọdi raamor ghan ịdipho ạnian oomo arikpisi sịphe ade phọ kaphiemiom we phọ. Ạgba ẹmhu, ạgba ẹmhu!

Jerimaya 5:17

Bịdi koogulemi ni ịizupha phọ rꞌariiḍien phọ anyina; bịdi kọze ni nmụny rꞌạnmanyaan phọ anyina. Bịdi kọze ni oomo ịnam mọ anyina ọḅile olereghi ireeny amiim avain rꞌaruman phọ anyina. Igbogh ạramha phọ anyina ọmaar bọ oghoony yogh, awe ẹgham mọ ạbidi koogulemi ni.

Izikiel 36:35

Tọrobo oye kạḅem ni ịdi ade phọ ạḍien, eḍighi ghan bọ ẹdala phọ mẹghigh Oghoony Iden, ḅịle rꞌịdi ạramha phọ ophiemi bọ, owum ruphua, kụ ọwile eegulaan, awe mọḅile otughogh kụ okpeki.

Ẹmos 7:4

Ọmoogh-we Oomo Ịikpo phọ ạḅile ni uḍeenaan ịmi ịmiin. Nyẹen, mị ụmiin dị odi raakolobian ọlhiom awe phọ ọdi rꞌạnian. Ạnian phọ ilhe ni ogbogh ọphiiny phọ odi bọ eeḍian ade phọ, kụ emiigh olhe oomo ade phọ.

Hạbakuk 1:6

Mị rạsighe ghan weye ạBabilon mọ oru ọda, weye igbagbaar phọ ạbuphe rópooghian ghan bọ. Bịdi morelhe romite rꞌịnyaam oleeny aḅirini phọ ọkpar opu ịnon arere.

Zẹkaraya 7:14

Mị uḍighi ịdipho oghim kụ aḅeer bịdi ạsighe ạghi iiruen areelhe. Ịma phọ ade phọ ạḍien ịrol bịn eten ẹekpua dị oye útugh.”