Joel 2:23 - Ạḍinya Iigbia

²³ “Weye ạZayon, ịmoogh ọḅaal ologhi, ịmoogh iboh, esi ịpe Ọmoogh-we Ẹnaan phọ anyina miḍighinaan bọ inyina. Ọdi mạtuugh ọlophia arunu dị ạkasian ịngo inyina; ọdi miikuom ni inyina mụum unu dị ạmanam rꞌọlophia unu phọ ịdipho ẹnon amem.

Joel 2:23 Iomraidhean Croise

1 Ạbudaam 8:36

pọ nạghanan bịdi ẹpe kꞌạke phọ nạ odi bọ ạsar ạwilenaan ịkaraph abutelhedom mọ ạna awe phọ ạna Ịzirel, ạtughemi bịdi igeny areten ịpe bịdi kotelhe ghan bọ, aseere ọlophia sịphe ade phọ ạḍiphe nạ ạngo bọ we phọ ạna mọ ọmoogh phọ.

Job 33:23

Iini ọokpaany katu ni ọloghonaan ọdi ḍịghaagh — oniin esi ạsimuunir ạruukpaany kꞌẸnaan, bụphe rọotughianam ghan bọ weye iiḍighi phọ ạbidi.

Job 37:13

Ẹnaan retom ghan ọlophia mọ ạlophom de phọ; ọdi katue ni ạsighe ạliom oye mụghumo oḍeenaan ạḍiḅeeraan esi ạbidi.

Ạsuor 104:34

Ạḍuor ạmi ẹḅeeraan ni nyọdi, loor esi dị ọḅaal ologhi ạmi ạḍua loor ọdi kụ atu!

Ạsuor 147:8

Ọdi aleenye ọotu oomo okuaḍio phọ; ọdi ạngo ọlophia de phọ kụ aḍighi ịdi ạroogho asi ạnyu aroogbolom mọ.

Ạsuor 149:2

Ịmoogh iboh, weye Ịzirel, loor ẹmhu Ọlemia phọ anyina; ịḅaal ologhi, weye ạZayon, loor ẹmhu ọdaam mọ anyina.

Ạsuor 28:7

Ọmoogh-we phọ kụ ịnyaam ạmi rꞌoghoph ạmi. Mị aḍuom nyọdi ologhi. Ọdi mụlhoghonaan ịmi ḍịghaagh kụ iḍighi kụ mị kạlogh ḍụor ạmoor aboom nyọdi.

Ạsuor 32:11

Nyina ạbuo aruukuan phọ, ịḅaalami iloghi anyina kụ eboh loor esi ịpe Ọmoogh-we phọ maḍighi bọ. Nyina ạbuphe iloghi phọ eseleman bọ, ịḅaalami iloghi anyina kụ eboh.

Ạsuor 84:6

Ịdipho bịdi rọḅeeny bọ ẹgharaghar Eḍiiny aBaka, bịn ekitonu eḍighi esi asikol, ọlophia unu phọ amuzeḍi mụum.

Asidogh 16:15

Ạghusan ọdaam mọ rạngo ghan ghuḍum ạkigh ọotu ọlophia emiighom aghozogh — aghuḍum odi sịphe.

Azaya 30:21

Eḍighi mạar dị nyina ephe eten phọ ẹghi elhiom mꞌekeeny, pọ nyina kẹnaghan ni ẹḍogh ọdi ọman anyina dị rẹḅem ghan mọ, “Ịsien kụ eten phọ. Ịdaph nyọdi.”

Azaya 30:23

Tọrobo amem lọ nyina ẹzuph iimuma phọ anyina, Ọmoogh-we phọ kaseere ni ọlophia oḍighi ịdi kemite kụ ịngo inyina ibugha dị esoor, kụ ịnam mọ anyina kẹmoogh tuboom ạroogho ọḅal.

Azaya 41:16

Nyina ketebeeny ghan bịdi ẹkiom ạnyu, kụ ookuugh phọ ạpam bịdi ạḍuanam, kụ oghim mọ ạwalawalami bịdi. Kụ ologhi anyina ạḅaal loor esi dị mị kụ Ẹnaan phọ anyina; nyina kịseph ni ịmi, Ẹnaan Iigbia phọ Ịzirel.

Azaya 61:10

AJeruselem ạmoogh iboh loor ịpe Ọmoogh-we phọ maḍighi bọ; Ọdi ạtol mụdi esina ọnyani dị oonmenemi ḍio dị rạbal ilhom. Ẹnaan mẹkpologhiom nyọdi pẹleeny rꞌọkpar opu.

Jerimaya 3:3

Ẹpe kụ ịyaar phọ ọlophia phọ ụ́loph mun bọ, oyiririph aghozogh kẹn bịn óru. Nạ ạkar ghụn ạkigh ọnyo akunakuna; umugholoor nyịna rásiph ghan.

Jerimaya 5:24

Nyina ị́itughian oghueni ạmi ghạlamo ịduon mị kụ rạngo ghan bọ ni ọlophia phọ ạḅile ạnighemi ibugha phọ anyina lhạ etum lhạ, mem aghozogh rꞌarunu.

Ịkunuma 4:2

Ugheel ạnmuny ạZayon ụman mạar iboom esi ayoor ịdipho agol, kụ nyịidipho oseere bịdi ịdipho oopho aroko ạmuum.

Izikiel 34:26

“Mị kạseph ni bịdi kụ aḍighi ịdi bịdi kọtol okoom eegbolom iigbia phọ ạmi. Sịphe mị kạsephom bịdi oyiririph ọlophia mem lọ bịdi ọwa.

Hosia 6:3

Ọwa ịlo olegheri Ọmoogh-we phọ, pọ, iikia ílho, ọdi katu ni esi ayira ịdipho ạḍiroor rẹḅaal ghan bọ, ịdipho ạmuum unu kạḅore ghan bọ de phọ.”

Lịvitikos 26:4

pọ mị kạloph ghan ọlophia ọkaraghi amem mọ, ọbo ade phọ esoor ghan eḍien, kụ ireeny ịsiphe ade phọ emuum ghan iimuma phọ ạbidi.

Ẹmos 4:7

Mị kụ ụphamaghan bọ ni ọlophia phọ mem mọ ọpo ịizupha phọ anyina ẹkar bọ ẹwa mụum. Mị ụngo ni ọlophia eniin ẹmha kụ ẹnon mị ụ́ngo. Ọlophia ạloph ni oniin ozo kụ ọnon ọ́lhoph kụ ạkaraghar.

Zẹkaraya 10:1

Ịlom Ọmoogh-we phọ ọdi ạngo ọlophia osoor phọ. Ọmoogh-we phọ kụ rạngo ghan omuuria rꞌọlophia kụ iizo ạtorotoro oye kegbi oḍum.

Zẹkaraya 10:7

Awe phọ Ịzirel kọmoogh ịikpo ịdipho awe ẹgham, kụ iloghi ẹḅaal ịdipho awe lọ rọpughol miim. Ẹemara ẹemara ạbidi kọotughian ghan ni ọkpar opu phọ ọphon kụ iloghi ẹḅaal ghan loor esi ịphen Ọmoogh-we phọ maḍighi bọ.

Zẹkaraya 9:13

Mị kạsighe Juda kụ aḍighinom ịdipho ạkumugh oye ẹgham kụ Ịzirel ịdipho ịkpina phọ. Mị kaḍighinom weye phọ ạZayon ịdipho elhool ẹgham, kụ atuphiom ẹgham weye aGris.”

Zẹkaraya 9:9

Weye ạZayon, ịmoogh iboh, ịmoogh iboh! Nyina awe aJeruselem, ịlo ḍịolho iboh! Ịmiin, ọdaam ẹmha phọ anyina ratu ọteeny anyina! Ọdi ratumom ịikpo rꞌọkpar opu, kụ ọlo asooromi ni loor kụ aḍigh ẹnam adool — ẹnam mọ eḍighi elephiri ẹnam adool.

Iiḍighi 14:17

kụ ọ́wile bịn dị ụ́maaghi iniin ịlo aḍimite phọ ọdi. Raḍighi ghan iiḅi, odi kꞌạke rạngo ghan ọlophia, rꞌamem ẹeḍiom, kụ rịpheremi ghan inyina eḍien rꞌọḅaal ologhi.”

Dutoronomi 11:14

pọ mị kạloph ghan ọlophia ẹpe ade phọ anyina mem mọ ọdi, ọḅel ọlophia rꞌọpo asugha bọ ọman, ọbo nyina ekori ẹku ịbiakpa phọ rꞌavain phọ rꞌạmunum mọ anyina.

Dutoronomi 28:12

Ọmoogh-we phọ kighughuronaan ni inyina ogey otu ikpoki phọ ọdi ẹpe kꞌạke, kụ ọlophia ạloph sịphe ade phọ anyina mem mọ ọdi, kụ ạseph oomo arukumuan ạraghaagh phọ anyina, kụ nyina kụ keteneghi ghan ịimugh ịnon ạramha, nyina ọmugh kéle ghan.

Dutoronomi 32:2

Ịtughemi ạmi kẹteph ghan ịdipho ọlophia, ikpo ọnhu ạmi kesoor ịdipho ooto, mụdi oyiririiny loor ạtugbiir ạroogho, mụdi ooto loor ịizupha.

Bụo aFilipai 3:1

Esi okureriom, bụo asiya ạmi, ịmoogh ọḅaal ologhi ạmuḅoph phọ anyina rꞌỌmoogh-we phọ. Ọḅile ọge iniin phọ ịpe mị mạge ghan bọ ị́imor esi ạmi, eḍighi ghụn ịlo ọphelom anyina otene.

Bụo aFilipai 3:3

Yira kụ ụkaraghi ọghaaph bọ oḍuna, kạ́bidi. Yira phọ rooseeny ghan Ẹnaan ruwaloor kụ kọmoogh ọḅaal ologhi esi ạmuḅoph phọ ayira rꞌạJizos Kraist. ẠJizos Kraist bịn kụ ọdi yira robomaam bọ. Oḍuom ologhi phọ ayira ólho aani sịphe osopha oodu ạnyu phọ.

Bụo aFilipai 4:4

Iboh ghan esi Ọmoogh-we phọ oomo amem. Mị ạḅile ni rạḅem mọ iboh ghan ni.