Joel 2:22 - Ạḍinya Iigbia

²² Ịnam, kẹ́moogh oghiilaan; Ạroogho phọ agbidiim; ireeny phọ emuum iimuma phọ ạbidi, kụ iimuma ireeny ạfig rꞌireeny avain emuza.

Joel 2:22 Iomraidhean Croise

Emiighom 4:12

Mem lọ nạ aḅeph ozo sịphe ade phọ, eḍien phọ ạna kẹ́nighe ghan mun. Nạ kaḍighi ọḅaghaḅagha oye sịen ade phọ dị otu kạ́moogh.”

Ạsuor 36:6

Aruukuan phọ ạna epoph ịdipho aruugum, ḅịle ịiruen phọ ạna ẹkel ịdipho eḍiiny ọphiiny. Nạ kụ raako ghan ịnam rꞌawe.

Ạsuor 65:12

Riisi lọ atugey ạroogho asi ịnam emuza, ịigaany aroogbolom mọ iboh kụ edi.

Ạsuor 65:13

Iizo phọ iyool-ịga kụ imuza; riisi lọ eḍiinyaan ịbiakpa kụ imuza. Tọrotoro ịyaar ẹlo ẹḅile ẹmoor loor esi iboh.

Ạsuor 67:6

Ade phọ memitiom eḍien ibugha; Ẹnaan, Ẹnaan ayira, mụseph iyira.

Azaya 51:3

“Mị kaḍeenaan ọnma ighirigiir esi aJeruselem, esi oomo ạbulo odi ḍiigulaan ạdol sịphe phọ. Ghạlamo ade ạbidi ịisaar ri bịn, mị kaḍighi ịdipho oghoony, ịdipho oghoony phọ Iden mị ạzuph bọ. Iboh rꞌọḅaal ologhi kẹtolonaan ni bịdi sịphe phọ. Awe kọmoor ri sụor oboomiom rꞌọsephom ạmi.

Izikiel 36:30

Mị kạbughe emuumom ireeny-arughuuny phọ rꞌịizupha iizo phọ anyina bịn ịgbakuro kẹtol mun dị kiifolomi inyina igbo areelhe phọ.

Izikiel 36:35

Tọrobo oye kạḅem ni ịdi ade phọ ạḍien, eḍighi ghan bọ ẹdala phọ mẹghigh Oghoony Iden, ḅịle rꞌịdi ạramha phọ ophiemi bọ, owum ruphua, kụ ọwile eegulaan, awe mọḅile otughogh kụ okpeki.

Izikiel 36:8

Kụ ọlo ạnyu ạraaḅaraph phọ Ịzirel ireeny phọ kẹḅile ẹmoogh rịnya kụ imuumaan iimuma inyina awe phọ ạmi Ịzirel. Nyina ketigheel li ẹmha mem dị kébia.

Jona 4:11

Kịom nụun ologhi ịdi mị ạḅile ạmoogh ighirigiir esi awe phọ aNineve, egbogh ẹmha phọ ẹpe. Ghạlamo rꞌịduon phọ bịn, sịphe ẹmha phọ odi ni oniin okuron rꞌịyaldi ọonir ịbam ạnmuny dị ịkaraph úlegheri ḅịle rꞌọoloogh ịnam!”

Hagai 2:16

nyina ịghi ghan ni egu ịbiakpa egbiighi ghan mọ kẹman ni ịyal okuron igbogh ịtoom ẹemor ịbiakpa, kụ ọlo oniin okuron bịn kụ kạtol. Nyina ẹghi sịphe oko amiim mọ ọsighe oniin okuron aruuku amiim, kụ ẹmiin inyadi bịn.

Zẹkaraya 8:12

Bịdi koḅeph ghan ni riiḍien phọ ạbidi rꞌẹepho. Ireeny avain phọ ạbidi kemuum ghan ni rughuuny, ade phọ kesoor ghan ni riiḍien, ḅịle kẹn ọlophia kạbugh ni. Mị kạngo ni oomo phọ ạḍiseph phọ ạḍien phọ weye eelhe phọ ạmi osugha bọ.

1 Bụo ạKorint 3:7

Ọpo ạzuph bọ rꞌọpo aaḍuom ghan bọ mụum mọ ụ́man ịyaar. Ẹnaan phọ ephophe bọ bịn kụ ịman ịyaar.