Joel 2:21 - Ạḍinya Iigbia

²¹ “Iizo, kẹ́moogh oghiilaan, ịmoogh ghụn iboh rꞌọḅaal ologhi. Agey ni, Ọmoogh-we phọ muḍighi iboom ạraraar.

Joel 2:21 Iomraidhean Croise

Emiighom 15:1

Ịphen phọ reten, kụ Ebram ạmiin uḍien kụ ạnaghan dị Ọmoogh-we phọ ạḅeni nyọdi mọ, “Ebram, kákiilaan. Mị kụ ọsuaram ikpo ạna. Aruunmo phọ mị kạngo bọ nyịna kẹbugh ni iboom.”

Ạsuor 71:19

Aruukuan phọ ạna, Ẹnaan, ẹteeny okuaḍio phọ. Nạ maḍighi igbogh ạraraar; oye lọ ạghigh nyịna ólho.

Ạsuor 98:8

Ikpoolha rạghaagh anyina, nyina ạriphiiny phọ. Ịḅophoghan ẹmoor rꞌibo ẹngo Ọmoogh-we phọ, nyina aroogbolom mọ,

Azaya 35:1

Ade ịisaar phọ kẹmoogh iboh, kụ ạsifalaway keenmenan ẹpe ẹdala phọ.

Azaya 41:10

Kẹ́moogh oghiilaan — mị odi ni rꞌanyina! Mị kụ Ẹnaan anyina — rꞌịyaar inyina kị́degh! Mị kaḍighi ịdi nyina kẹmoogh ịikpo kụ ịngo inyina ẹloghonaan! Mị kiiko ni inyina kụ ịphel inyina.

Azaya 44:23

Ịlo ḍịolho iboh, nyina ạsike! Ịlo, riisi aḍigher ịsien ade phọ! Ịlo ḍịolho iboh, ruugum rꞌạtorobo oreeny ẹekpua phọ! Ọmoogh-we phọ maḍeenaan ni igbogh phọ ọdi esi ọphel Ịzirel awe phọ ọdi.

Azaya 54:4

Kạ́moogh oghiilaan — nyịna kóofolomi mun; nyịna kósooromi mun. Nạ kabula ni olhe ẹmha ạna ịdipho esina ạnir ilhom, rꞌoku otu orugh ịdipho ekpukele ạnir.

Azaya 55:12

“Nyina kẹḍua ni Bạbilon rꞌibo; kirelhiom inyina rꞌẹepho omitenom ẹmha phọ. Aruugum mọ rꞌạraaḅaraph phọ kẹlataan sụor kụ ireeny phọ ẹlo ḍịolho iboh.

Jerimaya 33:3

“Ụmagh ịmi kụ mị kạnaghanan ni nyịna, mị kạḅeni ni nyịna iikia ạraraar ịiḍaany dị nạ úlegheri.

Hosia 2:21

Mem mọ ọpo mị kạnaghanan ni ịiḅereghi awe phọ ạmi Ịzirel. Mị kaḍighi ịdi ọlophia kạloph sịen ade phọ, kụ ade phọ emite ịbiakpa rꞌiimuma avain rꞌọliv.

Joel 2:20

Mị kạsighe ḍita igurubia phọ ẹḍua bọ ephunom mọ kụ eru kụ aporogh iniin ịbadi ạkiom ẹdala ịisaar phọ. Ḍịkool arisigh phọ ạbidi koporogh osumeeny Ọphiiny-Ạla phọ, ḍita ọman phọ kosumeeny Ọphiiny aMeditarenian. Ịpe emuughu bọ kepur ri. Agey ni, ọdi muḍighi iboom ạraraar.

Joel 2:26

Nyịidipho nyina kẹmoogh eboom ẹlo olhe, kụ ẹgbaanyan. Nyina keeseeny Ọmoogh-we Ẹnaan phọ anyina, ọpo miḍighinaan bọ inyina iikia ạraraar. We phọ ạmi kọ́ḅitonaan mun.

Zẹkaraya 8:15

Kụ ọlo nyịidipho mị ragbiighi ghan ọseph awe phọ aJeruselem rꞌaJuda. Kụ iḍighi kụ kékiilaan.

Dutoronomi 4:32

“Ịitughian eḅula ọman mem dị eten kụ ogbi ọmar anyina, emiigh kꞌaḍio phọ Ẹnaan ẹlhem bọ oye sịen aḅirini phọ. Iḅiligha oomo ade phọ, emiigh kꞌeekuna ẹphen ạke phọ ẹghi esiemi ẹpheri phọ eekuna phọ. Ịyaar dị ẹbugh ịduon memite ghan ni kꞌekulha?

1 Sạmuel 12:16

Kụ iḍighi kụ ịmeregha zim, bịn nyina kẹmiin ni igbogh ạraraar phọ Ọmoogh-we phọ kaḍighi bọ.

1 Sạmuel 12:24

Ịnaghanan ghan Ọmoogh-we phọ ekumu nyọdi agey rꞌoomo ologhi anyina. Ịitughian ghan igbogh ạraraar phọ ọdi miḍighinaan bọ inyina.