Joel 2:20 - Ạḍinya Iigbia

²⁰ Mị kạsighe ḍita igurubia phọ ẹḍua bọ ephunom mọ kụ eru kụ aporogh iniin ịbadi ạkiom ẹdala ịisaar phọ. Ḍịkool arisigh phọ ạbidi koporogh osumeeny Ọphiiny-Ạla phọ, ḍita ọman phọ kosumeeny Ọphiiny aMeditarenian. Ịpe emuughu bọ kepur ri. Agey ni, ọdi muḍighi iboom ạraraar.

Joel 2:20 Iomraidhean Croise

2 Ạbudaam 8:13

ẠHazael apuru mọ, “Otelhedom mọ ạna eeghia, aghoogh ḍụghum dị kaḍighi yogh bọ oomo imananaan phọ ịphen phọ?” Kụ Ilaisa ạphagharanaan mọ, “Ọmoogh-we phọ muḍeenaan ịmi mọ nạ kụ kạsighe dọl ạBen Hadad ọdaam mọ ạda Sịria.”

Ạsuor 126:3

Agey ni ọdi uḍighinaan ni iyoor iboom ạraraar. Pọ eeghe ọḅaal ologhi dị yoor ọmoogh!

Ẹḍua 10:19

Kụ Ọmoogh-we phọ akiton olhom oghim mọ ẹpe erumuḍio phọ remite ghan bọ asomoriom ẹpe erumuḍio phọ remeel ghan bọ dị aru kụ aghughom igurubia phọ asumughi ẹpe Ọphiiny Igbilha, kụ rꞌeniin ekpo igurubia ísugha oomo ade phọ Ijipt.

Ẹḍua 8:14

Kụ awe Ijipt ọboorogh ịḅal phọ okpologhi rugu, kụ ade phọ emiigh ophur.

Azaya 34:3

Iḍim mọ ạbidi kóḍiighi, kụ kẹtol sịphe ẹḅoroghu ghan epurogh; kụ aruugum mọ kẹtogh rꞌịḅaal.

Izikiel 47:18

“Ọku ạga emitenom erumuḍio phọ ạki esoorom emiigh kꞌeniin esi ịbaay ade phọ ạDamaskos rꞌade phọ aHauran, rꞌỌphiiny ạJodan dị aḍighi ọku ade phọ Ịzirel ạga emeelom erumuḍio rꞌạGiliad ạga emitenom erumuḍio, kụ ẹghi esi Tạmar ẹpe Ọphiiny-Ạla phọ.

Ẹmos 4:10

“Mị urom ni ọdo kịrokiro ịiḅaghami iruom inyina, ịdo phọ ịpe mị ạghiom bọ we Ijipt. Mị ụze ni ugheel ạnmuny anyina esi ẹgham, kụ mị ạsighiogh rụsu phọ. Mị ụuḅaghamiom ni izon anyina rꞌeḍu awe dị momuughu rugbogo phọ ịpe nyina eekpomoghan ghan bọ. Ghạlamo ịduon phọ ni, nyina ímeera ni íḅula esi ạmi.

Zẹkaraya 14:8

Mem dị aḍio phọ ạḍien phọ ketu bọ, amumoom ạmuum kakil li Jeruselem amite; egbem ạmuum kakil asoor ẹpe Ọphiiny-Ạla kụ ạmueri phọ egbem mọ akil asoor ẹpe aMeditarenian phọ. Ạmuum mọ kakil li tụtu ạlha phọ eeghiraan, mem aghozogh rꞌamem unu.

Malakai 3:11

Mị kámeera mọ asuogh-aben ephiemi ịizupha phọ anyina, ḅịle kẹn ịizupha ireeny avain phọ anyina kemuum ni emuzeḍi.

Dutoronomi 11:24

Tọrobo esi lọ ạrada aruwol phọ anyina ẹzer, pọ ẹlo anyina; ọku anyina amiigh sịen ẹdala phọ ạki asi ẹpe Lẹbanon. Emiigh sịphe Ọphiiny Yufratis ẹghi esiemi ẹpe iigbom ọphiiny phọ kụ ọku anyina.