Joel 2:2 - Ạḍinya Iigbia

² Aḍio phọ keḍighi ufiri kụ ebeeph, kebil kụ ẹmoogh ọotu. Aḍigbogh aḍita igurubia phọ retu mụdi ufiri kụ eleeny rạaḅaraph phọ. Ọdo ịyaar lọ ẹrol ịduon kẹ̋rol ghan kụ kẹ́tol mun bịninin.

Joel 2:2 Iomraidhean Croise

Ạsuor 10:6

Ọdi rạḅem ghan pạ ologhi phọ ọdi mọ, “Dọl phọ ạmi ạḍien ịmi kụ́aar. Mị rꞌamem kạ́tol esi ịminimiin.”

Ạsuor 97:2

Ọotu rꞌufiri akoom nyọdi; ọdi ạdaam rꞌaruukuan rꞌiiḅi ịiruen.

Ẹḍua 10:14

Bịdi isoor ghan ruphuluḅul kụ eleeny oomo ade phọ Ijipt. Ọdo aruphuluḅul igurubia dị melheeny ghan ịduon kẹ̋rol ghan kụ kẹ́tol mun.

Ẹḍua 10:6

Kụ bịdi eḍiku sịphe ogiga ọdaam eelhe phọ emuza rꞌaruutu abutelhedom mọ ạna, rꞌaruutu oomo awe Ijipt. Ọdo ịphen ọde ạna rꞌạburude ạburude ạna kọ̋miin ghan kꞌamem mọ ọmar bọ bịdi ẹteeny kꞌarodon.’” Kụ aMozis aaghiraan ạḍua.

Ẹḍua 20:21

Kụ awe phọ ọmeregha kꞌẹpe egher. AMozis aḍuraan aḍigh ologhi ọkikiph ufiri phọ ẹpe Ẹnaan ẹrol bọ.

Azaya 5:30

Mem dị aḍio phọ ạḍiphe eru, bịdi komooghaam ni Ịzirel ịdipho otu-ḅualhe phọ. Pogh eelhe phọ ẹphen! Ufiri rꞌeephina! Ufiri mạmin ḍịḅaal phọ!

Azaya 8:22

mꞌọghughe ade phọ kụ ịyaar bịdi kọ́miin emuton ịiḅaghami rꞌufiri, ufiri eegu dị roporogh bịdi kọlogh.

Jerimaya 13:16

Ikueni Ọmoogh-we Ẹnaan phọ anyina, kụ egbi ọteeny amem dị ọdi kạsighe ufiri atu, kụ nyina ekpeteghaan ạnyu aruugum mọ; kụ egbi ọteeny amem dị ọdi kạsighe ḍịḅaal phọ nyina eḍuom bọ ologhi phọ atene ogbogh ufiri.

Jerimaya 13:6

Rẹsighe mem kụ Ọmoogh-we phọ ụḅeni ịmi oḅula ẹpe aYufratis phọ ọsighe asinika phọ.

Ịkunuma 1:12

“Uphogh ịmi!” ọdi amoghiom tọrobo ọlo raten. “Rꞌoye kőlhoghoma ghan eephina dị ẹrol ịduon ẹphen ạmi, eephina dị Ọmoogh-we phọ kụ uruom ịmi mem dị ophin ologhi kụ ạrol esi ọdi.

Izikiel 32:7

Mem dị mị aphiemi nyịna, mị kakpereghi okuaḍio phọ kụ agbuurogh rạanaan phọ. Erumuḍio phọ kẹbooghian ọman ọotu phọ, kụ ụnwanyu kámitiom ḍịḅaal.

Izikiel 34:12

ịdipho opoghom kạwa bọ iyool-ịga ọdi dị ẹwalala kụ ạḅile aakpomoghi oomo ariisi lọ bịdi ọwalala ḍio ufiri dị ị́nighe.

Izikiel 38:9

Ọdi rꞌawe ẹgham mọ ọdi rꞌịbadi areelhe phọ rꞌọdi kozuom mụdi oghim kụ ookpereghiom de phọ mụdi ọotu.”

Dạniel 12:1

Ọokpaany kꞌạke phọ ọpo aanmenaan bọ ịyegheyeghe arukpe phọ ạḅem mọ, “Mem mọ ọpo, ogbogh ọokpaany kꞌạke phọ Mạikel, ọpo rakori ghan bọ we phọ anyina, katu ni amite. Kụ amem ịiḅaghami kẹtol li, ọdo ịdi kẹ̋rol ghan kꞌamem mọ areelhe phọ emite bọ. Amem mọ ạmuphe reru, oomo awe eelhe phọ anyina bụphe asiḍien phọ ọge bọ sịphe ạḍinya phọ Ẹnaan kokpetenaan ni.

Dạniel 9:12

Nạ uḍighi ni ịpe nạ ạḅem bọ mọ nạ kuḍighi iyoor ḅịle rꞌabuḍiemiom mọ ayoor. Nạ ụlhiom ni Jeruselem apuemi ẹnon ọdo eelhe sịen ade phọ,

Joel 1:6

Aḍigbogh aḍita igurubia mezuom de ayoor; bịdi ẹmoogh ịikpo kụ ẹpughan ogbi; ạralaal ạbidi etoph ịdipho ịlo ạnam-dịka.

Joel 2:25

Mị kaḅulemi ịngo inyina ịpe epheeghu bọ sịa phọ asita igurubia ẹraal bọ ịizupha phọ anyina. Mị kụ ọdi arom bọ sita phọ iruom inyina.

Joel 2:31

Erumuḍio phọ kekitonu ni eḍighi ufiri, kụ ụnwanyu phọ ạtogh ịdipho ịḅaal, kụ egbi ọteeny aḍio phọ Ọmoogh-we phọ katu bọ, ḍiboom mọ aḍio phọ ạḍiphe keḍighan bọ ni elegh.

Joel 2:5

Mem dị bịdi repeleghu ạnyu ạraaḅaraph phọ, ạḍiaḅa ạbidi ẹkigh rughuugh ẹgham; Bịdi rẹkpataghaan ịdipho ạtugharaghar ạroogho dị ọlogh ologhi ạnian. Bịdi rẹkoolan ghan mụdi aḍigbogh aḍita ạbuo ẹgham dị mọnya ẹgham.

Joel 3:4

“Nyina rẹwa ghan oḍighi ạmi ika, Taya, Saidon rꞌoomo areelhe aFilistia? Nyina rẹwa oḅulemian esi ịyaar ḍụghum? Pọ ịduon, mị kaagborion ni iḅulemian inyina!

Ẹmos 4:13

Ẹnaan phọ kụ ạlhem rạaḅaraph phọ kụ ạḅile ạlhem ookuugh phọ. Ọdi ragananami ghan ni ịitughian phọ kạḅeni we; Ọdi ranme ghan ni ootaany katene ḍughul. Ọdi ratelhe ghan ạnyu ariikpisi phọ ịpe ephoph bọ sịen ade phọ; Ḍịen kụ aḍien ọdi: Ọmoogh-we Ẹnaan Oomo Ịikpo phọ!

Zẹfanaya 1:7

Aḍio phọ rẹteeny dị Ọmoogh-we phọ kaagbo ịiruen; loor ịduon phọ, iḅoorian sịen egbodo phọ ọdi. Ọmoogh-we phọ raakolobian ọphighironom ẹkia weye phọ ọdi, kụ mạamaghagh bụmulogh-ḍien oogulemi aJuda.

Zẹkaraya 14:6

Mem dị amem mọ kẹteeny bọ, ooroogh osipheeny kạ́tol mun,

Matiu 24:21

ịdi eḍighi bọ ịminimiin amem mọ ọpo kẹloghori ni epu ịdi memite ghan, emiigh kꞌẹḅel egbiom aḅirini phọ kụ ẹteeny nyịidipho. Kụ ịnon ịdi epu ịphen phọ kémite mun.

Elegh ạMak 13:19

ịdi eḍighi bọ ịminimiin ariiḍio phọ ịpe kẹloghori ni epu ịdi memite ghan, emiigh kꞌẹḅel egbiom mọ Ẹnaan ẹlhem bọ aḅirini phọ, kụ ẹteeny nyịidipho. Kụ ịnon ịdi epu ịphen phọ kẹn kémite mun.

Dutoronomi 32:7

“Ịitughian ghan siḍughul-otu ịpe aḍiodiidi phọ, ẹetughian ghan sịa phọ meten bọ. Ipuru bụrude anyina ịḅeni inyina ịpe emite bọ; epuru ikumoor awe phọ anyina, bịdi kịḅeni ni inyina.

Bụo aHibru 12:18

Nyina ítu aani ọdo phọ erumom mọ aweye phọ Ịzirel oru bọ. Bịdi uru ọteeny ịyaar dị kọḅogh ni ḍịghaagh, Eegum aSainai rꞌaḍiboom anem ạnian dị reemor, rꞌọkikiki ufiri, rꞌoghim,

Ạḍinya dị aJud ạge 1:13

Aloor ạbidi ị́po, ẹkigh oologh ọphiiny. Eḍighinom ịyaar umugholoor phọ ạbidi ẹkigh oopha phọ ọpo oologh phọ rafugh ghan bọ. Bịdi ọkigh ipelom ịkasi dị Ẹnaan meekolobian ọkikiph ufiri dị kạtol kꞌagee-pọ eseenaan.

Ogonanami Phọ 9:2

Ẹenaan phọ eghughuron ooni ạtu-ropoḍi phọ kụ ạmughi ạdumughaan amite ịdipho ạmuo ạnian dị ogu kụ atene erumuḍio phọ rꞌookuugh phọ ufiri.