Joel 2:19 - Ạḍinya Iigbia

¹⁹ Ọdi ạphagharanaan bịdi: “Nyịidipho mị kịngo inyina ịbiakpa rꞌamiim rꞌạmunum-ọliv, kụ kịgbaanyan ni inyina. Ịnon areelhe kị́ḅitonaan mun inyina.

Joel 2:19 Iomraidhean Croise

Jerimaya 31:12

Bịdi kotu kụ ọmoor sụor iboh sịphe Eegum ạZayon kụ ọmoogh ọḅaal ologhi esi aruunmo ạmi — aruunmo ịbiakpa, amiim rꞌạmunum-ọliv, aruunmo iyool-ịga rꞌạsinam. Bịdi kọkigh ozo ịizupha dị ooḍuom ghan mụum agey; bịdi kọmoogh oomo ạraraar lọ ekuom.

Izikiel 34:29

Mị kạngo bịdi de ẹnuum kụ akunughi ọkoony sịphe ade phọ. Ịpheri phọ areelhe phọ kọ́kpin mun ópogh bịdi.

Izikiel 36:15

Ade phọ kẹ́naghanan mun reelhe phọ dị rẹnmoghoghoom ḅịle rꞌọmiin aweye phọ dị ọnmir ophogh. Ade phọ kẹ́ze mun nmụny areelhe phọ. Mị Ọmoogh-we dị ạmoogh oomo ịikpo kụ mạḅem.”

Izikiel 36:29

Mị kịphel inyina ạsighe esi ạtorobo ịyaar lọ kịphue inyina. Mị kạto mọ ịbiakpa emuza ẹbalabala, bịn nyina kẹ́moogh mun ịgbakuro.

Izikiel 36:30

Mị kạbughe emuumom ireeny-arughuuny phọ rꞌịizupha iizo phọ anyina bịn ịgbakuro kẹtol mun dị kiifolomi inyina igbo areelhe phọ.

Izikiel 39:29

Mị kaḍighi ni ịdi uwaloor ạmi kasoorom weye phọ Ịzirel kụ kạ́gbol mun loor ạbidi. Mị Ọmoogh-we dị ạmoogh oomo ịikpo kụ mạḅem.”

Hosia 2:15

Mị kaḅulemi ni iizo avain phọ ọdi ạmoogh bọ ạngo nyọdi kụ akiton Eḍiiny Ịiḅaghami atene Ọnhu-aḍibuo Oḍuom Ologhi. Ọdi kạḅogh loor ụngo ịmi ịdipho ọdi aḍighi ghan bọ mem isina phọ, ọdi ạḍua bọ Ijipt aru.

Hosia 2:21

Mem mọ ọpo mị kạnaghanan ni ịiḅereghi awe phọ ạmi Ịzirel. Mị kaḍighi ịdi ọlophia kạloph sịen ade phọ, kụ ade phọ emite ịbiakpa rꞌiimuma avain rꞌọliv.

Joel 1:10

Iizo phọ ịyaar ílho mun; Ade phọ remoghi loor esi dị mophiemi ịbiakpa phọ, iimuma ireeny avain phọ mẹgharaghar, kụ ireeny ọliv phọ megheel ọnam.

Joel 2:24

Ariisi ọgbe ịbiakpa phọ kemuza ni, ariini ịigaany ariisi omiimogh phọ kẹepheleghian rꞌamiim rꞌạmunum-ọliv.

Lịvitikos 26:5

Ariiḍien phọ anyina kẹpughan ni ẹku ịbiakpa mem dị mẹteeny ookoroghi iimuma, kụ nyina ẹḅile ghan kẹn ẹson iimuma mem dị mẹteeny ọzuph ịbiakpa. Nyina kele ghan ni eḍien ịpher inyina kụ ẹtol ẹereegh sịphe ade phọ.

Zẹkaraya 8:12

Bịdi koḅeph ghan ni riiḍien phọ ạbidi rꞌẹepho. Ireeny avain phọ ạbidi kemuum ghan ni rughuuny, ade phọ kesoor ghan ni riiḍien, ḅịle kẹn ọlophia kạbugh ni. Mị kạngo ni oomo phọ ạḍiseph phọ ạḍien phọ weye eelhe phọ ạmi osugha bọ.

Matiu 6:33

Kụ ịpur ghụn ẹwa ọmar phọ kꞌẸnaan rꞌịpe ọdi rạwa bọ mọ iḍighi ghan, bịn oomo phọ ạraraar phọ ịphen Ẹnaan kimuzeḍinaan ni inyina.

Dutoronomi 11:14

pọ mị kạloph ghan ọlophia ẹpe ade phọ anyina mem mọ ọdi, ọḅel ọlophia rꞌọpo asugha bọ ọman, ọbo nyina ekori ẹku ịbiakpa phọ rꞌavain phọ rꞌạmunum mọ anyina.

Rut 1:6

Mem dị ọony ẹnum amem reten kụ aNaomi ạnaghan mọ Ọmoogh-we phọ mạseph we ẹmha ạbidi ạngo bịdi igeny ibugha. Kụ ọdi rꞌạnmariir ạnmuny phọ ọdi ookolobian ọḍua ạMoab.