Joel 2:18 - Ạḍinya Iigbia

¹⁸ Pọ kụ amem dị Ọmoogh-we phọ aḍeenaan ḍịḅeeraan de phọ ọdi; ọdi ạnma ni ighirigiir esi awe phọ ọdi.

Joel 2:18 Iomraidhean Croise

2 Ạbudaam 19:31

Awe kọtol li Jeruselem rꞌẹpe Eegum ạZayon dị kokpetenaan loor esi dị Ọmoogh-we phọ ạnya ni oḍighi ịphen phọ omitiom.

Ạsuor 103:13

Ịdipho ọde ạnma bọ ighirigiir nmụny ọdi — ịdipho kụ ẹdi Ọmoogh-we phọ ạnma ighirigiir bụphe oghueni bọ nyọdi.

Ạsuor 103:17

Esi ạbuphe oghueni bọ Ọmoogh-we phọ, ẹphomoghian phọ ọdi kẹtolan kꞌagee-pọ, ḅịle egeny ẹphamam mọ ọdi kẹtol bịn oghiil atum oghiil

Azaya 37:32

Iikoma awe kosugha ni sịphe Jeruselem rꞌẹpe Eegum ạZayon ịdi eḍighi bọ Ẹnaan Oomo Ịikpo Ọmoogh-we phọ ạnya ni mọ ịphen phọ kemite ni.

Azaya 42:13

Ọmoogh-we phọ rạki ghan kee ẹgham ịdipho ophelegbe; ọdi rạnya ghan rꞌẹephua ọghi ẹgham. Ọdi rạlo ghan ḍịolho ẹgham kạghiom ạnyu; Ọdi raḍeenaan ghan ịikpo phọ ọdi risigh ạbumulogh-ḍien.

Azaya 60:10

Ọmoogh-we phọ rạḅeni ghan Jeruselem mọ, “Aruuruen kụ kọḅile ọḅiirogh iikpe phọ ạna, Kụ ạbudaam ạbidi kokumu ghan nyịna. Mị ụsighe ophin ologhi ạmi kụ ạlhiomom bọ nyịna. Kụ nyịidipho mị kaḍeenaan nyịna ịse rꞌọnma ighirigiir.

Azaya 63:15

Ọmoogh-we, tọl kꞌạke kụ uphogh iyoor, ẹpe nạ odi ghan bọ rꞌiigbia rꞌeegu phọ ạna. Odi ẹghen oseere ologhi phọ ạna esi ayoor? Ịikpo phọ ạna edi ẹghen? Edi ẹghen ẹphomoghian phọ ạna rꞌigbiririph phọ ạna? Kụ́ḅitonaan iyoor.

Azaya 63:9

esi oomo ịminimiin phọ ạbidi. Kọ́okpaany kꞌạke, kụ Ọmoogh-we phọ rꞌaloor kụ ạphel bịdi. Esi ẹphomoghian rꞌọnma ighirigiir ọdi kụ ẹdi ọdi ạtagharan bịdi. Ọdi ạmaar ghan ni aphogh bịdi mem dị meten,

Jerimaya 31:20

“Ịzirel, nạ kụ ọony ologhi ạmi, ọony dị mị ạkar ạphomoghian. Tọrobo amem lọ mị aghol ḍien phọ ạna, mị ạatughian nyịna rꞌẹphomoghian. Mị ạphomoghian ni nyịna rꞌoomo ologhi phọ ạmi; mị kạnma ni ighirigiir.

Ịkunuma 3:22

Ẹphomoghian Ọmoogh-we phọ rꞌọnma ighirigiir phọ ọdi amabi úlho ghan bọ edi ghan bịn.

Zẹkaraya 1:14

kụ ọokpaany phọ ụḅeni ịmi mọ gbeelom ịpe Ọmoogh-we Oomo Ịikpo phọ mạḅem bọ: “Mị ạmoogh ni eboom ẹphomoghian rꞌigbiririph aJeruselem, ẹmha iigbia phọ ạmi,

Zẹkaraya 8:2

“Mị mạwa ghan ni ọloghonaan ạḍighaagh Jeruselem loor esi eboom ẹphomoghian phọ mị ạphomoghian bọ weye phọ ọdi, ẹphomoghian dị meḍighi ịdi mị rạkagham ologhi ẹpomoghian phọ ạbidi.

Elegh aLuk 15:20

Kụ ọdi aḅetenu ạghi ọteeny ọde phọ ọdi. “Kụ ọdi odi ni kꞌegher, kụ ọde phọ ọdi ạmiin nyọdi, kụ ạmoogh igbiririph esi ọdi, kụ aghiil ạghi aghurughi nyọdi, kụ ạkpun okpo ọdi.

Dutoronomi 32:16

Bịdi ọsighe ịnon ạrumugh oḍighinom ịdi ẹghagh ologhi Ọmoogh-we phọ, ọsighe sịḅaphanya oḍighinom ịdi ẹghagh ologhi ọdi.

Dutoronomi 32:36

Ọmoogh-we phọ kasophonaan ni we phọ ọdi ọoruen akeel, kụ ạnma butelhedom mọ ọdi ighirigiir mem mọ ọdi ạmiin bọ mọ ịnyaam bịdi ílho mun, mọ oye ólho dị katue ạloghonaan bịdi ḍịghaagh.

Dutoronomi 32:43

“Nyina ịpheri phọ areelhe phọ ẹmoogh ọseph awe phọ ọdi, ịdi eḍighi bọ dị kạle ni ghẹlhe ịḅaal abutelhedom mọ ọdi. Ọdi kaḅulemian bụphe ọlogh bọ nyọdi ḍien kụ ạsar ạbilenaan ịkaraph awe ọdi.”

Jems 5:11

Yira olegheri ni ọdo ọḅaal ologhi dị bụphe ọkparam bọ mem ịminimiin phọ ọmoogh ghan. Nyina mẹnaghan ni ọkparam mọ aJob, ẹḅile elegheri ịdipho Ọmoogh-we phọ ạngo bọ nyọdi ẹeḍiom ruukuna phọ. Ọmoogh-we phọ ạmoogh ni iboom igbiririph rꞌọnma ighirigiir.

Bụo Ịiruen 10:16

Kụ bịdi omutonaan loor ạbidi iiruen ạrumugh phọ kụ ọḅile ooseeny ghan Ọmoogh-we phọ. Kụ ịminimiin phọ awe phọ Ịzirel ẹeḅaghami Ọmoogh-we phọ.