Joel 2:16 - Ạḍinya Iigbia

¹⁶ Kpookpoomoghi we phọ eniin esi; kookolobian bịdi ookpomoghan iigbia; pạm ikumoor awe phọ arumom; kookpomoghi nmụny phọ rꞌạnmuny asipugh phọ kẹn. Ghạlamo olhom rꞌạnir dị pụruku ạalan ọwile ni osoph ạbidi oru aani!

Joel 2:16 Iomraidhean Croise

2 Krọnikuls 20:13

Oomo awe aJuda rꞌạnmariir rꞌịbam ạnmuny ạbidi ụmeregha sịphe Otu Ịiḅereghi phọ.

2 Krọnikuls 29:5

kụ ạḅaanaan bịdi sịphe. Ọdi ạḅem mọ, “Bụo aLivai, iselemian siloor anyina kụ egbi ọosa Otu Ịiḅereghi Ọmoogh-we Ẹnaan ạburude ạburude phọ anyina. Ịsighe emitenom tọrobo ịyaar lọ ẹphue esi phọ.

2 Krọnikuls 30:17

Loor esi dị ogbogh opol awe phọ ụ́serere, bịdi ụ́ze aani iyool-ịga ọphel otene phọ, kụ ạbuo aLivai phọ kụ ụzianaan ghan bịdi kụ ọḅogh nmụny iyool-ịga phọ ọngo Ọmoogh-we phọ.

2 Krọnikuls 30:19

“Ọmoogh-we Ẹnaan ạburude ạburude ayoor, esi ọnma ighirigiir phọ ạna, sạr ạwilenaan oomo ạbuphe rooseeny ghan bọ nyịna rꞌoomo ologhi ạbidi, ghạlamo ịdipho bịdi ụ́serere bọ.”

2 Krọnikuls 35:6

Nyina kẹze nmụny iyool rꞌạrutu-ịga olhiom ẹyaal ọphel otene phọ. Nyịidipho iselemian siloor anyina kụ eekolobian rịkia phọ ọbo abumor awe Ịzirel phọ anyina ọdaphan oromoghiom mọ Ọmoogh-we phọ ạḅeni bọ Mozis mọ ạngo phọ.”

Job 1:5

Tọro amem lọ molhe ẹyaal phọ ọman, rẹḅaal kụ aJob aḅon ghan asuma ạphighironaan ẹkia tọrotoro ọony ọdi esi owoph ạbidi. Ọdi aḍighi ghan ịduon phọ loor esi dị ọdi agbiighi ni mọ iini sịen oniin ọnyo ạbidi maḍighi ịkaraph ạḅa ẹkaraph ekpo ọnhu esi Ẹnaan ekperenom.

Ạsuor 19:5

Ọdi ramite ghan ḍịroor ịdipho olhom dị ologhi ạḅaal, rꞌịdipho oye-ephegh dị eghiil rẹpu.

Ẹḍua 19:10

Ọmoogh-we phọ ạḅeni Mozis mọ, “Kịa ạteeny we phọ, ạḅeni mọ oselemian siloor ạbidi rodon rꞌiḍue, ọnya ịiḅereghi. Bịdi ootologh rukpe ạbidi,

Ẹḍua 19:15

Kụ ọdi ạḅeni we phọ mọ, “Iikolobian ọman ọman iḍue phọ, ḅịle kẹ́tolan esi rꞌạnir ephoph.”

Ẹḍua 19:22

Ghạlamo ariil ạrikia phọ lọ oru utuman ịmi koselemian ni siloor ạbidi, ọbo mị kạliom ghan bọ bịdi.”

Joel 1:14

Ịto ẹḅeni we mọ ọkaagh ẹḍogh; ẹḅeni bịdi mọ oru ookpomoghan. Iikpomoghi buḍiemiom mọ rꞌoomo awe phọ aJuda mọ oḍigh Otu Ịiḅereghi Ọmoogh-we Ẹnaan phọ anyina kụ omoghiom nyọdi.

Matiu 21:16

Kụ bịdi opuru nyọdi mọ, “Nạ ạnaghan ni ịphen bịdi rọḅem bọ?” Kụ ạJizos ameera mọ, “Ii. Nyina kạ̋al ghan mọ Ẹnaan ẹḅem mọ ọno kaḍighi dị ịbam ạnmuny rꞌạbulo rọmaam kọkuami ni oboom nyịno?”

Matiu 9:15

Kụ ạJizos ạsighe ḍidogh kụ apuruom bịdi mọ, “Awe dị odi kꞌọyogo kọmoogh ni ọto ḍụghum, dị olhom ọnyani phọ odi ni sịphe? Kụ amem retu ni dị kọboor bịdi olhom mọ, kụ bịdi ogbi ọrol aani ọkoony.

1 Bụo ạKorint 7:5

Oniin nyoniin kúkine ghan ẹmina aḍughul, emuton ekulha amem lọ nyina ẹḅoph ọnhu ọkuom aloor anyina ịiḅereghi. Ịphen reten bịn ịḅile ni eetumanan, ọbo aSetan kạmiin ghan bọ mọ ẹmina aḍughul rịgurogh inyina atu ịdegh inyina apogh.

Josua 7:13

Ḅetenu aselemi we phọ ạmi kụ ạḅeni mọ, Iselemian siloor anyina, kụ egbi ọteeny iḍue. Ọmoogh-we Ẹnaan phọ Ịzirel ạḅem mọ, ‘Weye Ịzirel, ạraraar phọ ạmi ịpe ọnyagharanaan bọ ọngo ạmi edi ogbo anyina. Nyina kétue ẹmerenyan bụmulogh-ḍien phọ anyina tụtu nyina ẹsighe rạraar phọ ịpe ọnyagharanaan bọ ọngo ạmi edi bọ sịphe ogbo phọ anyina eroḅologhi.’

Josua 8:35

Ekpo ịyaar ísugha sịphe iilogh phọ aMozis ạlogh bọ dị aJosua ụ́bal ụ́ḅeni sịphe ookpomoghan awe phọ Ịzirel, lephiri, nmạriir, ịbam ạnmuny rꞌaruuruen phọ ạbuphe rꞌạbidi orughan bọ.

1 Sạmuel 16:5

Kụ ọdi ạphagharanaan mọ, “Ii, mị uru ọphighiron ẹkia ọngo Ọmoogh-we phọ. Iselemian yogh siloor anyina ịdaph ịmi eru.” Kụ ọdi ạḅeniom ni Jẹsi rꞌạnmuny phọ ọdi mọ ọghi aani ọphighiron ẹkia phọ.