Joel 2:13 - Ạḍinya Iigbia

¹³ Iḍighi ịdi ologhi phọ anyina maḅonyonu bọ kaḍeenaan dọl ọto anyina; ọphanyi iinmenan anyina bịn ị́kasian.” Iḅula esi Ọmoogh-we Ẹnaan phọ anyina. Ọdi ạmoogh igbiririph kụ ạḅaram ọnma ighirigiir; Ọdi rạkparam ghan kụ kaḍighi ịlo aguanaan; Ọdi odi ghan ọsar ọwilenaan bịn ọ́lhiom.

Joel 2:13 Iomraidhean Croise

Emiighom 37:29

Mem dị aRuben ạghi bọ ẹpe ooni phọ kụ Jọsef ụ́miin, ọdi arunyian ni ibura odi loor ọto,

Emiighom 37:34

ẠJekob ạphanyi ibura ọdi loor ọto, amunughian rukpe-ọto, ạto mọony phọ ọdi ịminighan ariiḍio.

2 Sạmuel 1:11

ADevid ạphanyi ni ạsuoma phọ ọdi loor esi ọto, ḅịle oomo phọ awe phọ ọdi uḍighi aani kẹn iniin phọ.

1 Ạbudaam 21:27

Mem dị Ehab ạnaghan bọ ịpe Ilaija ạghaaph bọ ạḅeni nyọdi kụ ọdi ạphaanyi rukpe ọdi, kụ ạsighe rukpe-ọto amunughian, aghin ómeera olhe eḍien akururu rạḅooma.

2 Ạbudaam 22:11

Mem dị ọdaam mọ ạnaghan bọ ịpe edi bọ sịphe ạḍinya Ologh phọ, bịn dị ạphanyi rukpe ọdi loor ọto.

2 Ạbudaam 22:19

loor esi dị ologhi ạna mạkonono kụ nạ masooromi loor ạna risigh Ọmoogh-we phọ mem dị nạ ạnaghan bọ ịpe mị ạghaaph bọ ịlo esi phọ ịsien rꞌịlo ạbuphe orugh bọ sịphe phọ mọ koogulemi bịdi ophiemi otonyon osu ọnhu, kụ nạ ạphaanyi rukpe ạna risigh ạmi amoghi yogh, mị mạnaghan ni ịiḅereghi phọ ạna.

2 Ạbudaam 5:7

Kụ mem dị ọdaam mọ Ịzirel ạal bọ ḍịnya phọ kụ ọdi ạphaanyi rukpe ọdi kụ ạḅem mọ, “Mịna kụ Ẹnaan phọ katue bọ akiigh oye, ạḅile aakonom oye aḍume, kụ oye phọ ọphon arom bọ mọ ụḅeni ịmi mọ mịna uukonom oye ọno dị ẹzegh ọku ufe eḍighi. Tụutughian ạmiin mọ ọdi rụwa ịmi ọruonu.”

2 Ạbudaam 6:30

Mem dị ọdaam mọ ạnaghan bọ oomo ịpe ạnir phọ ạghaaph bọ, kụ ạphanyi rukpe ọdi loor ọto. Ọdi arelhe raten ẹpe ạnyu iikpe phọ, kụ awe phọ ophogh, kụ mịin aani, amunughian rukpe-ọto aloor.

2 Krọnikuls 6:27

Ọmoogh-we, nạghanan bịdi kꞌạke. Sạr ạwilenaan ịkaraph abutelhedom ạna, we phọ Ịzirel, kụ ạtughemi bịdi oḍighi ghan ịlo ẹnighe. Kụ, Ọmoogh-we, soore ọlophia sịen ade phọ ạna, ḍịphe nạ ạngo bọ we phọ ạna mọ ọmoogh kꞌagee-pọ.

Nehemaya 9:17

Bịdi úmeeraam ụ́naghanan; bịdi uwula ni oomo phọ ịpe nạ aḍighi bọ; bịdi uwula ni ịiḍaany phọ nạ aḍighi bọ. Esi ologhoma igbogh, bịdi ụsaḅar ri oḍiemiom dị kạsighe bịdi aḅulemi Ijipt ẹpe ạdol ạrebene phọ. Kụ nạ Ẹnaan dị rạsar ghan kạwilenaan; nạ oye ạghusan rꞌẹphomoghian dị ráagborion ghan oḍeenaan ịghagh iloghi. Ọnma ighirigiir ạna ạbugh ni; kụ nạ bịdi ọ́gunom.

Job 1:20

Ẹpe kụ esi dị aJob ạmeera kụ arunyian ibura ọdi loor ọto. Ọdi aghula ẹmhu ọdi, kụ ạmina azuan ude.

Ạsuor 103:8

Ọmoogh-we phọ ạmoogh ghụsan rꞌẹphomoghian; ịyaar rẹ́nuun ghan kephin ologhi ọdi kụ ẹphomoghian ọdi rémunughan.

Ạsuor 106:45

Loor ẹmhu ạbidi ọdi ạatughian ịyo phọ ọdi, kụ esi eboom ẹphomoghian phọ ọdi, ọdi adughe rạraar.

Ạsuor 34:18

Ọmoogh-we phọ atuman bụo amukum ologhi phọ; ọdi rạpel ghan bụphe ụ́moogh mun bọ oḍuom-ologhi.

Ạsuor 51:17

Ịyaar aghuḍum ẹlo ạmi uwaloor dị asooromi loor, Ẹnaan; nạ kákel ekpom dị ekiton kụ esooromi loor.

Ạsuor 86:15

Kụ ọlo nạ, Ọmoogh-we, nạ kụ Ẹnaan ọnma ighirigiir rꞌẹphomoghian, oomo amem rạkparam ghan, oomo amem rạmoogh ghan igbiririph, ọ́moogh mabi.

Ạsuor 86:5

Nạ ạnighe ni esi ayoor kụ ạsar ghan ịkaraph rạbilenaan; ẹphomoghian phọ ạna rémuneen ghan bọ emuzanaan bụlo rọoḅereghi ghan nyịna.

Azaya 57:15

“Mị kụ Ọkar Egbogh Ẹnaan Iigbia phọ, ọpo odi bọ kꞌagee-pọ. Mị atugh esi iigbia dị ephoph, kụ mị ạḅile odianan rꞌawe lọ osooromi loor kụ ọwile yogh oḍighi ịkaraph, ọbo mị aḅulemi omeeraam rꞌoḍuom ologhi ạbidi.

Azaya 58:5

Mem dị nyina rẹkaagh ẹḍogh, nyina rẹmiine siloor anyina; nyina rezumeri ghan rụmhu anyina ude mụdi aḍimaam ạroogho, kụ ẹdeeghi rukpe-ọto eeḍuom ọoru kụ ẹminanam. Ịdipho phọ kụ ọkaraghi ạdol ọkaagh ẹḍogh ḍụghum? Nyina regbi mọ ịphen phọ kịḅeeraan ịmi ḍụghum?

Azaya 66:2

Mị rꞌaloor kụ ụlhem bọ aḅirini phọ! Awe dị osooromi loor kụ okiton esi ịkaraph ụḅeeraan ịmi, rꞌawe dị ughiilaan ịmi kụ ụnaghanan ịmi.

Jerimaya 36:7

Iini bịdi kọoḅereghi Ọmoogh-we phọ kụ ọbileghi ịkaraph areten phọ ạbidi loor esi dị Ọmoogh-we phọ mạnya ọlhiom awe phọ ạbuen oboom ọghagh ologhi.”

Jerimaya 41:5

ọphaanyadi awe ụḍua ni Sẹkem, Sailo rꞌaSameria kụ oru osi. Bịdi ughula rẹleem ạbidi, ọphanyi rụsuoma ạbidi, kụ obenegha siloor ạbidi. Bịdi ụsighe ịbiakpa rꞌịnsens kụ rọkimom Otu Ịiḅereghi phọ ịlo ọngo Ẹnaan.

Jerimaya 42:10

‘Eḍighi ịyaar dị edi ni ologhi anyina ọrol ịsien ade phọ ạḍien, pọ mị kiphighi ni inyina, mị inyina kíler, mị kịmeremi inyina, mị inyina kíruphuron. Ophiemi phọ mị iruomaan bọ inyina mụngo ịmi iboom ịminimiin.

Izikiel 9:4

“Kịa akitonom oomo ẹmha phọ aJeruselem kụ ạlogh elegh sịphe aghisigh ạtorobo oye ọlo akururu kụ rẹeḅaghami loor esi oomo ạraraar isa phọ ịpe awe roḍighi yogh bọ sịphe ẹmha phọ.”

Hosia 14:1

Weye Ịzirel, iḅula esi Ọmoogh-we Ẹnaan phọ anyina. Ịkaraph anyina meḍighi ịdi nyina mekpetaan emeel.

Jona 3:9

Ịduon sịen Ẹnaan kenme ni ologhi ọdi; ịduon sịen, ọdi kạbile ni ịghagh iloghi phọ ọdi kụ ameera yira kúmugh!”

Jona 4:2

Kụ ọdi ạaḅereghi mọ, “Ọmoogh-we, mịna ụ́ḅem ḍien mem mọ mị rạḍua bọ ẹmha phọ mọ ịphen phọ kụ ịdi nạ kaḍighi? Ịdipho kụ iḍighi bọ ịyaar phọ mị aghiil bọ ogheel aSpen! Mị alegheri ni mọ nạ Ẹnaan ẹphomoghian rꞌọkparam rꞌọnma ighirigiir dị ạnya, oomo amem, katue ni anme ologhi ạna ạḅile ạbilenaan mạlhiom.

Maika 7:18

Ẹkaaneen ẹmugh ílho dị ẹghigh nyịna, Ọmoogh-we. Nạ ụsar ịkaraph awe ạna ạwilenaan bụphe okpetenaan bọ. Nạ rạ́tolom ghan rꞌophin ologhi kꞌagee-pọ, kụ nạ ạmoogh ḍịḅeeraan oḍeenaan ghan ẹphomoghian oomo amem.

Nẹhum 1:3

Ọmoogh-we phọ ịyaar rẹ́nuun ghan kephin ologhi, Ọdi ạmoogh ni ịikpo kụ kạ́bilenaan ọliom ọpo aḍighiton eephanaan bọ. Esi lọ Ọmoogh-we phọ arelhe, oghim akim; ọotu phọ kụ ophugh dị ạrada ọdi emitiom ghan!

Igbiighi 14:18

‘Ọmoogh-we phọ rạ́nuun ghan kạghagh ologhi, ạmoogh oboom ọnma ighirigiir, rꞌọsar ịkaraph ọwilenaan, dị rạ́pel ghan oye lọ erugh ephum, dị rạsighe ghan ịkaraph ạburude kạkpiom nmụny ạbidi esi ịraar rꞌinya oghiil.’

Bụo aRom 2:4

Iini sịen nạ mạgumom ọman iboom igbiririph phọ rꞌọminoghom ịkaraph phọ rꞌọkparam mọ Ẹnaan. Nạ óloghoma mọ igbiririph phọ Ẹnaan kụ kẹlogh ịiphaghamiom mọ kiton esi ịkaraph phọ ạna ḍụghum?

Bụo ạEfesos 2:4

Kụ ọnma ighirigiir phọ Ẹnaan ẹpughan ni, ḅịle ẹphomoghian phọ ọdi ụphomoghian bọ iyira ẹbugh ni,

1 Timoti 4:8

Areephegh ọzaamian aloor ẹmoogh ni ịyaar oḍighinom mọony ekulha amem kụ oḍighi ọzaamiom uwaloor phọ kụ ạmoogh sụo esi oomo areten, ịdi eḍighi bọ ọphon phọ kụ raḍighinaan oḍighi ghuḍum mọ ạkuen ạnyiidipho rꞌạkuphe ratu bọ.