Joel 2:12 - Ạḍinya Iigbia

¹² Ọmoogh-we phọ ạḅem mọ, “Nyịidipho, ikiton rꞌoomo ologhi eḅula esi ạmi ẹḅaram ọkaagh ẹḍogh rꞌemoghi, rꞌọto.

Joel 2:12 Iomraidhean Croise

2 Sạmuel 24:10

Kụ ọlo mem dị aDevid magbi bọ weye ạmadan, ologhi phọ ọdi amiigh ọoḅaghami ọdi kụ ọdi ạḅeni Ọmoogh-we phọ, “Mị maḍighi igbogh ịkaraph esi ịphen mị aḍighi bọ! Seseeny, sạr ụwilenaan ịmi. Mị maḍighi ịlo arolologhi.”

2 Krọnikuls 30:6

Abutelhedom ụdaphan ni ịto ọdaam mọ rꞌawe iiḍighi phọ ọdi ọwalala oomo aJuda rꞌỊzirel kụ ọmagham bụen: “Weye Ịzirel, nyina mekpetenaan dọl awe Asiria sịen ade phọ. Nyịidipho iḅula eru esi Ọmoogh-we Ẹnaan phọ Ebraham, Ạizik rꞌạJekob, kụ ọdi kaḅula ni esi anyina.

2 Krọnikuls 6:27

Ọmoogh-we, nạghanan bịdi kꞌạke. Sạr ạwilenaan ịkaraph abutelhedom ạna, we phọ Ịzirel, kụ ạtughemi bịdi oḍighi ghan ịlo ẹnighe. Kụ, Ọmoogh-we, soore ọlophia sịen ade phọ ạna, ḍịphe nạ ạngo bọ we phọ ạna mọ ọmoogh kꞌagee-pọ.

Esta 4:16

“Kịa aakpomoghi oomo ạbuo aJu phọ sịphe Sụsa eniin esi. Ịkaagh ẹḍogh ịiḅereghinaan ịmi. Kéle ḅịle kẹ́pughol rꞌeniin ịyaar esi ịraar ootaany rꞌaḍughul. Abutelhedom ạnmanyaan ạmi rꞌạmi koḍighi ni iniin phọ. Ịpe reten, mị kạki ni kꞌọdaam mọ, ghạlamo eḍighi ni ịdi ologh phọ úmeeraam. Eru mạar dị kughiigh ịmi loor esi oḍighi ịphen, pọ mị ạnya ni omugh.”

Ẹḍua 33:5

ịdi eḍighi bọ Ọmoogh-we phọ mạḅeni Mozis mọ ạḅeni nmụny Ịzirel mọ, “Nyina awe ọḅaar ẹmhu. Mị katu ni ogbo anyina ekperenom iphiemi inyina. Nyịidipho ịkaranaan ịma iinmenan phọ anyina, kụ mị kạatughian ni ịlo ẹkpe oḍighi anyina.”

Azaya 22:12

Egbogh Ẹnaan Oomo Ịikpo Ọmoogh-we phọ ịmagh ghan inyina mem mọ ọpo mọ imoghi rꞌọto, ịlo oghula ạrumhu anyina kụ oonmenan iinmenan ọto.

Azaya 58:4

Ọkaagh ẹḍogh phọ rabeeghi. Nyina regbi mọ ọkaagh ẹḍogh dị ạrol ịduon katue ni aḍighi ịdi mị kạnaghan ịiḅereghi anyina ḍụghum?

Jerimaya 3:22

Itigheel, oomo phọ anyina phọ mẹḍua bọ ḍịghaagh Ọmoogh-we phọ; ọdi kiikonom ni inyina ạḅile iḍighi inyina weye oḍuom ologhi. Ịḅem mọ, “Ii, yoor rotu ni esi Ọmoogh-we phọ, loor esi dị ọdi kụ Ẹnaan phọ ayoor.

Jerimaya 36:7

Iini bịdi kọoḅereghi Ọmoogh-we phọ kụ ọbileghi ịkaraph areten phọ ạbidi loor esi dị Ọmoogh-we phọ mạnya ọlhiom awe phọ ạbuen oboom ọghagh ologhi.”

Jerimaya 4:1

Ọmoogh-we phọ ạḅem mọ, “Weye Ịzirel, eḍighi ịyaar dị nyina rẹwa ni okiton, pọ ikiton eru esi ạmi. Eḍighi ịyaar dị nyina emeeraam kụ eroḅologhi ịkaaghineen aruru phọ mị rạ́wa ghan bọ ọmiin phọ bịn kụ ẹrolan rꞌạmi,

Jerimaya 4:2

pọ keḍighi ni sụo ịngo inyina dị nyina kekunya ghan rꞌaḍien ạmi. Pọ kụ amem dị oomo areelhe phọ kụlom ịmi ọseph ạbidi, ḅịle kẹn bịdi kuboom ni ịmi.”

Izikiel 33:11

Ḅẹni bịdi mọ agey ni ịduon mị Ọmoogh-we dị ạmoogh oomo ịikpo aru bọ Ẹnaan dị edi ghan, ịmi ị́ḅeeraan ọmiin mọ oḍighinom ịkaraph amugh. Kịḅeeraan ghụn ịmi ọmiin mọ ọdi ạbile oḍighi ghan ịkaraph phọ kụ ạtol. Weye Ịzirel, ịbile ịkaraph phọ nyina reḍighi ghan bọ. Eeghe kụ nyina rẹwa bọ omugh phọ?

Dạniel 9:3

Kụ mị ạkaraghi ạaḅereghi Ẹnaan Ọmoogh-we phọ, ạlhom ghan, rꞌọkaagh ẹḍogh, ạkpologhian iinmenan ọto, ạḅile ạrol ghan ude esi ọoru.

Hosia 12:6

Kụ nyịidipho, ẹemara ẹemara ạJekob, iḍuom ologhi esi Ẹnaan phọ anyina kụ eḅula esi ọdi. Isooromi loor kụ eḍighi ghan ịlo eseleman, kụ ẹmoogh ọkparam ekori ghan Ẹnaan phọ anyina ịpe ọdi kaḍighi bọ.

Hosia 12:7

Ọmoogh-we phọ ạḅem mọ, “Awe phọ Ịzirel obeeph dọl ịdipho aKenanait; bịdi ọmoogh ḍịḅeeraan oogbegheḍiom ghan bumuul ḍighi ạbidi esi ạrotoom rꞌogbiighiom.

Hosia 14:1

Weye Ịzirel, iḅula esi Ọmoogh-we Ẹnaan phọ anyina. Ịkaraph anyina meḍighi ịdi nyina mekpetaan emeel.

Hosia 6:1

Awe phọ ọḅem mọ, “Itu oḅula kꞌỌmoogh-we phọ! Ọdi muḍighi ni iyira ịdi ị́nighe; kụ ọdi kaseere ni ologhi ookonom ayira; ọdi mudoghoḍi iyira rẹlem, kụ ọdi kạkoroghiom ni riisi phọ ukpe. Kị́duon?

Joel 1:13

Ịkpologhian rụsuoma ọto kụ emoghi, nyina ariil ạrikia phọ, bụphe okumu ghan bọ sịphe enmeny phọ! Iḍigh Otu Ịiḅereghi phọ kụ emoghi oomo aḍughul phọ! Ịbiakpa rꞌamiim ílho mun ọngo Ẹnaan phọ anyina.

Zẹkaraya 7:3

ḅịle rꞌopuru ariil ạrikia phọ rꞌariil phọ ḍipuru phọ ạḍien: “Ẹkpe ni ḍụghum dị yoor kọtolonaan esi ọto loor esi ịduon phọ moogulemi bọ Otu Ịiḅereghi phọ, ọkaagh ghan ẹḍogh ụnwanyu phọ ọpo amuneniom bọ oogh phọ ịduon yoor moḍighi bọ sịen ịbadibadi ạsia?”

Zẹkaraya 7:5

Ọdi ạḅem mọ, “Ḅẹni weye ade phọ rꞌariil ạrikia phọ mọ mem mọ ọpo bịdi ọkaagh bọ ẹḍogh phọ ọḅile ọrol esi ọto rụnwanyu dị emuneniom oogh rꞌoḍual sịen oḍualdi ạsia phọ ịphen, nyina íḍighi ghan ịphen phọ oghueniom ạmi.

Malakai 1:9

Nyịidipho, nyina ariil ạrikia phọ, ịki ẹlhom Ẹnaan oḍighinaan ayira iiḅi, ophogh. Ọdi kạ́naghanan ịiḅereghi phọ anyina, kụ ịiḅaghami phọ edi esi anyina.

Iiḍighi 26:20

Mị ụphur ri ạrol Dạmaskos rꞌaJeruselem, kụ arelhe yogh oomo ạramha phọ aJudia rꞌịpe aruuruen phọ, ọghaaph ghan mọ bịdi okiton esi ịkaraph phọ ạbidi osoman Ẹnaan, ọḅile oḍighi ghan ịlo emeeraam mọ bịdi mokiton ni.

Bụo Ịiruen 2:4

Ọokpaany phọ kꞌỌmoogh-we phọ rọghaaph bọ oomo phọ ịphen rọḅeni bịdi kụ awe phọ Ịzirel owagharan emoghi.

Bụo Ịiruen 20:26

Kụ oomo awe phọ Ịzirel rꞌoomo awe ẹgham mọ ọghi Bẹtel kụ ọrol rꞌọto risigh Ọmoogh-we phọ kụ ọkaagh rọḍogh ạbidi ḍio phọ ạḍiphe tụtu kꞌadulhe. Bịdi ụphinyon ni rịkia oguom ạnian rꞌạrikia ẹboroph sịphe risigh Ọmoogh-we phọ.

1 Sạmuel 7:3

ẠSamuel ạḅeni we phọ Ịzirel mọ, “Eru mạar dị nyina ekiton ni eru esi Ọmoogh-we phọ rꞌoomo iloghi phọ anyina, pọ nyina ẹmoogh oroḅologhi iiruen ạrumugh phọ anyina rꞌịkaaghineen ạraraar ẹya-eru Astarte. Ịḅogh siloor anyina ẹngo Ọmoogh-we phọ, ẹeḅereghi ghan nyọdi bịn, pụruku ọdi kịtagharan inyina ḍịghaagh ạbuo aFilistia phọ.”

1 Sạmuel 7:6

Kụ awe phọ ookpomoghan ẹpe Mizpa. Bịdi oḍu mụum kụ ozu ọphighironom ẹkia ọngo Ọmoogh-we phọ, kụ bịdi ọkaagh ẹḍogh oomo phọ aḍio phọ. Kụ bịdi ọḅem, “Yira moḍighi ịkaraph esi Ọmoogh-we phọ.” (Ẹpe Mizpa kụ ẹdi ạSamuel ạrol ghan ạghaaphogh sighiton aweye phọ Ịzirel.)