Joel 2:11 - Ạḍinya Iigbia

¹¹ Ọmoogh-we phọ amooghaam ịto ạḅeni we ẹgham ọdi. Aḍita dị ọnaghanan nyọdi ọbugh kụ ọmoogh ịikpo. Aḍio Ọmoogh-we phọ keḍighi ika aḍiigu! Ạnhian kụ kakpetenaan?

Joel 2:11 Iomraidhean Croise

Ạsuor 18:14

Kụ ọdi ạraḅal ịkpina phọ ọdi ạwalalami ẹpomoghian phọ ọdi; kụ rạmepheghian kụ bịdi oghilighu osumughu.

Ạsuor 46:6

Areelhe rekpereghaan, ạramha repiigha yogh. Ẹnaan memoogha bịn ade phọ ẹgbo.

Ạsuor 68:18

Ọdi agheel riisi ạnyu kꞌạke, asiphi ịbadi awe ạḍuanam, ạanyi ruunmo rạghaagh awe ọḅaar ẹmhu. Ọmoogh-we Ẹnaan phọ kạtol li sịphe.

Azaya 13:4

Iler rụru ẹnaghan ọyugh ạnyu ạraaḅaraph phọ — ạḍiaḅa oboom ọoloogh awe, ạḍiaḅa areelhe rꞌạramar awe dị reekpomoghan. Ọmoogh-we Ạbuo Ạraagham mọ raakolobian bụo ẹgham ọdi ịlo elephiri.

Azaya 42:13

Ọmoogh-we phọ rạki ghan kee ẹgham ịdipho ophelegbe; ọdi rạnya ghan rꞌẹephua ọghi ẹgham. Ọdi rạlo ghan ḍịolho ẹgham kạghiom ạnyu; Ọdi raḍeenaan ghan ịikpo phọ ọdi risigh ạbumulogh-ḍien.

Azaya 7:18

“Ẹteeny mem mọ ạmuphe eru, Ọmoogh-we phọ kạapioph kụ asita ạbuo ẹgham Ijipt ọḍuaghu rikpisi asikol Ọphiiny aNail dị ẹkel iboom kụ otu ịdipho ịphi, ọḅile ọḍuaghu ẹpe eelhe Asiria kụ otu ịdipho aḍiowo.

Jerimaya 25:30

“Nạ, Jerimaya, gbeelom tọrobo ịyaar lọ mị mạḅem, ạḅeni we phọ ạbuen mọ, “‘Ọmoogh-we phọ kamoogha ẹpe kꞌạke phọ kụ amitiom ọomaany ẹpe ạnyu ạsike phọ. Ọdi kamooghaam weye phọ ọdi; ọdi kạlo ịdipho oye lọ ramiim iimuma avain. Tọrotoro oye sịen ade phọ kạnaghan ni ẹḍogh phọ ọdi

Jerimaya 30:7

“Aḍio aḍiigu retu ni; ạḍinon aḍio dị kọmaam kẹ́tol; amem ịminimiin awe ạmi, kụ bịdi kokpetenaan ni.”

Jerimaya 50:34

Kụ ọlo ọpo kạtagharan bọ bịdi ạmoogh ịnyaam — aḍien ọdi, Ẹnaan Oomo Ịikpo Ọmoogh-we phọ. Ọdi kaḍighan ni rꞌạbidi kụ ạsighe ẹepho atu sịen ade phọ, kụ ịiḅaghami kesoorom ni Bạbilonia.”

Izikiel 22:14

Kẹ́etughian ghan mọ nyina kẹmoogh ni ẹnum ạkpo ologhi dị asugha mꞌọmoogh ịnyaam dị ẹmanam ịlo ophoophe ạraghaagh anyina mem dị mị mạmadan rꞌanyina. Mị, Ọmoogh-we phọ, kụ mạḅem kụ mị raḍighi ghan ni ịpe mị mạḅem bọ.

Joel 1:15

Aḍio Ọmoogh-we phọ mekpekian; aḍio phọ Ẹnaan Oomo Ịikpo phọ kemitiom bọ ophiemi phọ. Pọ eeghe aḍiigu dị kẹtol ḍio phọ ạḍiphe!

Joel 1:6

Aḍigbogh aḍita igurubia mezuom de ayoor; bịdi ẹmoogh ịikpo kụ ẹpughan ogbi; ạralaal ạbidi etoph ịdipho ịlo ạnam-dịka.

Joel 2:1

Ipula eeḍue ẹpe Zạyon; ekar ogele ẹeḅaraph iigbia Ẹnaan phọ. Weye aJuda, ikpereghaany! Aḍio Ọmoogh-we phọ retu. Mesi ẹda ạḍighaagh.

Joel 2:2

Aḍio phọ keḍighi ufiri kụ ebeeph, kebil kụ ẹmoogh ọotu. Aḍigbogh aḍita igurubia phọ retu mụdi ufiri kụ eleeny rạaḅaraph phọ. Ọdo ịyaar lọ ẹrol ịduon kẹ̋rol ghan kụ kẹ́tol mun bịninin.

Joel 2:25

Mị kaḅulemi ịngo inyina ịpe epheeghu bọ sịa phọ asita igurubia ẹraal bọ ịizupha phọ anyina. Mị kụ ọdi arom bọ sita phọ iruom inyina.

Joel 2:31

Erumuḍio phọ kekitonu ni eḍighi ufiri, kụ ụnwanyu phọ ạtogh ịdipho ịḅaal, kụ egbi ọteeny aḍio phọ Ọmoogh-we phọ katu bọ, ḍiboom mọ aḍio phọ ạḍiphe keḍighan bọ ni elegh.

Joel 3:14

Ạsimuunir rꞌạsimuunir odiighi Eḍiiny Ọoruen. Ịsiphe kụ ẹdi aḍio Ọmoogh-we phọ kẹnuun etu.

Joel 3:16

Ọmoogh-we phọ odi Eegum ạZayon kụ amoogha; ẹḍogh ọdi edi sịphe Jeruselem kụ ẹḅa; ade rꞌokuaḍio epiigha. Kụ ọdi kaakpereghi ni we phọ ọdi.

Ẹmos 1:2

Ẹmos ạḅem mọ, “Ọmoogh-we phọ ramoogha ghan ẹpe Eegum ạZayon; Ẹḍogh phọ ọdi reeka ẹpe Jeruselem. Ạraraar olhe ịnam mọ mẹgharaghar kụ ạroogho phọ Eegum ạKarmel mekitonu ẹkiakia.”

Ẹmos 5:18

Pọ eeghe ịminimiin dị kịrolonaan inyina phọ rekori ghan bọ ḍio Ọmoogh-we phọ! Eeghe ịma kụ ẹdi aḍio phọ ạḍiphe kiḍighi inyina? Keḍighi ḍio dị kịngo inyina ufiri kạ́ḍiḅaal.

Ẹmos 5:20

Aḍio Ọmoogh-we phọ keḍighi ufiri, kạ́ḍiḅaal; keḍighi ḍio dị kẹdoghian, dị ạḍiḅaal kẹ́tol.

Obadaya 1:15

“Aḍio phọ meesulom dị mị Ọmoogh-we phọ kaagboonaan ịiruen reelhe phọ. Idom, ịpe nyina meḍighi bọ kiḍighi aani ni inyina. Ịpe nyina mẹngo bọ, nyina kẹḅile ni ẹmoogh aani.

Nẹhum 1:6

Mem dị ophin ologhi odianaan nyọdi, ạnhian kụ kakpetenaan? Ọdi raakuom ghan ophin ologhi ọdi mụdi anem ạnian; asighiigh eetughuḍian eten ophugh ghisigh ọdi.

Malakai 3:2

Kụ ọlo ạnhian kụ katue bọ ạkparam ḍio phọ ạḍiphe ọdi katu bọ? Ạnhian kụ katue bọ ạkar ạmeera mem mọ ọpo ọdi kamite bọ? Ọdi kạkigh ịdipho ọkuakua ạsaḅa, ạkigh ịdipho ạnian dị ogu ọphoghi arukuron.

Igbiighi 24:23

Kụ ạBelam ạmiin ịmiin phọ ịphen ạghaaph amitiom mọ, “Bụen ạbughen awe ookpomoghan bọ ạga ephunom mọ?

1 Bụo ạTesalonika 4:16

Ạḍiolo kẹtol li, ẹḍogh uwo ẹmhu ạruukpaany phọ kẹlooghi ni, kụ opula ọkuodu phọ Ẹnaan, kụ Ọmoogh-we phọ rꞌaloor ọdi ạḍua kꞌạke atu. Kụ opoor oḅerion bụphe omeeraam bọ Kraist kụ momuughu bọ,

Ogonanami Phọ 18:8

Esi ịduon phọ, imananaany ạreezegh rꞌamukum ologhi rꞌịgbakuro kẹḅoph ni ọnhu eniin aḍio ẹgurogh nyọdi. Kụ oguom nyọdi nịan, ịdi eḍighi bọ Ẹnaan Ọmoogh-we phọ resophonaan bọ nyọdi ọoruen phọ ẹmoogh ni ḍịghaagh iphelegbe.”

Ogonanami Phọ 6:17

Aḍigbogh aḍio ạghelhe phọ ạbidi mẹteeny. Ạnhian kụ kạmerenyan bọ?”