Joel 2:10 - Ạḍinya Iigbia

¹⁰ Ade phọ epiigha mem dị bịdi rotu; okuaḍio phọ akpekper. Erumuḍio phọ rꞌụnwanyu phọ ekitonu ebil, kụ ạraanaan phọ ị́muanan mun.

Joel 2:10 Iomraidhean Croise

Ạsuor 114:7

Nạ ade phọ, piigha mem dị Ọmoogh-we phọ ratu, egbodo Ẹnaan phọ ạJekob,

Ạsuor 18:7

Ẹpe kụ esi dị ade phọ ephiigha ariphighiom ạraaḅaraph phọ ephiigha yogh, loor esi dị Ẹnaan rẹkagh ologhi.

Azaya 13:10

Tọrobo ẹenaan rꞌạtorobo egu ạraanaan kẹ́mu mun, mem dị erumuḍio phọ remite kebil li, kụ ụnwanyu phọ ḍịḅaal kạ́ngo mun.

Azaya 34:4

Erumuḍio phọ, ụnwanyu phọ rꞌạraanaan phọ keetughuḍian eten ophugh. Okuaḍio phọ kape mụdi ọodoony opoḍi ạḍinya dị okpooghi, kụ ạraanaan phọ ẹkar mụdi ạrinya ạfig dị ẹḍua ạnyu oreeny-ạfig mꞌavain.

Azaya 5:30

Mem dị aḍio phọ ạḍiphe eru, bịdi komooghaam ni Ịzirel ịdipho otu-ḅualhe phọ. Pogh eelhe phọ ẹphen! Ufiri rꞌeephina! Ufiri mạmin ḍịḅaal phọ!

Jerimaya 4:23

Mị uphogh ni de phọ — eḍighi ọkpagha; mị aphogh okuaḍio phọ — ạḍiḅaal ị́tol.

Joel 2:2

Aḍio phọ keḍighi ufiri kụ ebeeph, kebil kụ ẹmoogh ọotu. Aḍigbogh aḍita igurubia phọ retu mụdi ufiri kụ eleeny rạaḅaraph phọ. Ọdo ịyaar lọ ẹrol ịduon kẹ̋rol ghan kụ kẹ́tol mun bịninin.

Joel 2:31

Erumuḍio phọ kekitonu ni eḍighi ufiri, kụ ụnwanyu phọ ạtogh ịdipho ịḅaal, kụ egbi ọteeny aḍio phọ Ọmoogh-we phọ katu bọ, ḍiboom mọ aḍio phọ ạḍiphe keḍighan bọ ni elegh.

Joel 3:4

“Nyina rẹwa ghan oḍighi ạmi ika, Taya, Saidon rꞌoomo areelhe aFilistia? Nyina rẹwa oḅulemian esi ịyaar ḍụghum? Pọ ịduon, mị kaagborion ni iḅulemian inyina!

Ẹmos 5:8

Ọmoogh-we phọ kụ ạlem oomo ạraanaan phọ, ghạlamo Pleyadis rꞌOrion. Ọdi kụ ratene ghan ufiri ḍịḅaal ạḅile ghan ratene ootaany ḍughul. Ọdi kụ raakpomoghi ghan rụmuum ọphiiny phọ kụ kazuughiom de phọ. Aḍien phọ ọdi, Ọmoogh-we phọ.

Nẹhum 1:5

Ạraaḅaraph ekpeghekpeghe egbodo Ọmoogh-we phọ; aroogbolom ẹgbo ghisigh ọdi. Ade phọ epiigha mem dị Ọmoogh-we phọ aru amite; aḅirini phọ rꞌoomo awe ọdi opiigha.

Matiu 24:29

“Kụ riiḍio phọ ịpe, mem dị ịminimiin phọ meten, ootaany katen ni ufiri, ụnwanyu phọ kạ́mu mun. Ạraanaan phọ kẹḍuaghu ni kꞌạke ẹkaraghu, kụ ịikpo phọ ịpe edi bọ kꞌạke kepiigha ni.

Matiu 27:51

Kụ otu-ukpe dị osophom ologhi Otu Ịiḅereghi phọ ạkoghoronaan kꞌạnyu kꞌude, kụ ade phọ ephiigha kụ asighiigh phọ ewunughian,

Iiḍighi 2:20

Erumuḍio phọ kekitonu ni eḍighi ufiri, kụ ụnwanyu phọ ạtogh ịdipho ịḅaal, kụ egbi ọteeny aḍio phọ Ọmoogh-we phọ katu bọ, ḍiboom mọ aḍio phọ ạḍiphe keḍighan bọ ni elegh.

Ogonanami Phọ 20:11

Kụ mị ụḅile ni ạmiin oboom ọphalaḅaal ạgada ọdaam rꞌọpo ạrolom bọ. Ạke phọ rꞌade phọ isuma ni ẹḍua ghisigh phọ ọdi bịn ụ́miin mun.

Ogonanami Phọ 6:12

Kụ mị ạmiin dị Ọony Oyool-ọga phọ ạkpagharan oba phọ amuneniom bọ odiiny phọ. Ade phọ iphiigha ni ẹekia ephiighaam. Erumuḍio phọ ekitonu ewiil ịdipho ukpe-ọto, kụ ụnwanyu phọ akitonu ạtogh ạman ịdipho ịḅaal.

Ogonanami Phọ 8:12

Kụ ọokpaany Ẹnaan phọ amuneniom bọ inya phọ aphula ọkuodu phọ ọdi, kụ ufiri asoorom muniin esi ịraar abin erumuḍio phọ rꞌamuniin esi ịraar abin ụnwanyu phọ, rꞌamuniin esi ịraar abin ạraanaan phọ, bịn amuniin esi ịraar abin ạḍiḅaal phọ ạbidi aphe. Ạḍiḅaal ị́tol muniin esi ịraar abin ootaany phọ rꞌamuniin esi ịraar abin aḍughul phọ.

Ogonanami Phọ 9:2

Ẹenaan phọ eghughuron ooni ạtu-ropoḍi phọ kụ ạmughi ạdumughaan amite ịdipho ạmuo ạnian dị ogu kụ atene erumuḍio phọ rꞌookuugh phọ ufiri.