Joel 1:7 - Ạḍinya Iigbia

⁷ Bịdi mephiemi iizo ireeny avain ayoor, kụ mẹraal iizin ireeny ạfig phọ Bịdi mekponyon roopho phọ, tụtu ịla phọ mẹḅaal.

Joel 1:7 Iomraidhean Croise

Ạsuor 105:33

Ọdi aagulemi tọrobo oozin avain rꞌạfig kụ alhereghi oomo ireeny phọ.

Ẹḍua 10:14

Bịdi isoor ghan ruphuluḅul kụ eleeny oomo ade phọ Ijipt. Ọdo aruphuluḅul igurubia dị melheeny ghan ịduon kẹ̋rol ghan kụ kẹ́tol mun.

Ẹḍua 10:15

Bịdi isoor tụtu ewile oomo ade phọ, kụ ẹraal tọrobo ịyaar lọ oghim mọ asugheeny. Rꞌẹnum ịyaar, mꞌịizupha mꞌiimuma loor ireeny, ísugha ẹpe eelhe phọ Ijipt.

Azaya 24:7

Ịizupha avain phọ rẹgbaal, kụ amiim raku. Tọrobo oye dị ologhi ạḅaal ghan, nyịidipho makururu,

Azaya 32:12

Ipuma rạmamaam anyina esi oboom ọto, ịdi eḍighi bọ iizo ẹnuum mọ, rꞌiizo ireeny amiim mọ mophiemi,

Azaya 5:6

Mị kạbile ni ạroogho ạsighe. Mị kákoy mun vain phọ, ọghoor ólho mun; kpạripe mị kạbile ạroogho iitoor rꞌiiḅurom ẹsighe. Mị kamirighan mọ aḍio eghire ọlophia ạlophom.”

Jerimaya 8:13

“Mị ụwa ni ookpomoghi awe phọ ạmi, ịdipho oye raakpomoghi ghan bọ eḍien ibugha ọdi; kụ ọlo bịdi ọkigh oreeny avain mụghumo ạfig dị úmuum rughuuny, ghạlamo ạrinya phọ bịn mẹghara. Kụ iḍighi kụ mị mạngo ọgel mọ ạbunon awe ọsighe de phọ.”

Hosia 2:12

Mị kapiemi ni ireeny avain rꞌạfig phọ ọdi, ịpe ọdi ạḅem bọ mọ ạruga ọno kụ ụngo nyịno ọphamam ghan ạbidi. Mị kakiton iizo avain rꞌiimuma phọ ọdi atene ẹdala dị ẹyaghaghaany; ilhom ịnam kụ kepiemi.

Joel 1:12

Ireeny avain rꞌireeny ạfig phọ megheel ọnam; oomo ireeny iimuma megheel ọnam emugh. Iboh awe phọ mẹḍua.

Ẹmos 4:9

“Mị urom ni ọgbagara ookuugh mọ aru aḍighi ịdi ịizupha anyina kẹkaraghar. Igurubia ilhe ni oomo ịizupha ḅịle rꞌaroghoony, iizo avain, ireeny ạfig rꞌireeny ọliv phọ anyina. Ghạlamo ịduon phọ ni, nyina ímeera ni íḅula esi ạmi.

Hạbakuk 3:17

Ghạlamo ireeny ạfig phọ ị́moogh mun rughuuny kụ iimuma ị́tol loor iizin avain phọ, ghạlamo ireeny ọliv phọ ímitiom mun mụnum kụ iizo phọ ímuum mun ịbiakpa, ghạlamo oomo iyool-ịga imuughu ni kụ ịyaar ílho sịphe ạsidol ạsinam,

Malakai 3:11

Mị kámeera mọ asuogh-aben ephiemi ịizupha phọ anyina, ḅịle kẹn ịizupha ireeny avain phọ anyina kemuum ni emuzeḍi.