Joel 1:3 - Ạḍinya Iigbia

³ Ịḅeni nmụny anyina ịlo ịphen phọ; bịdi kọḅeni nmụny ạbidi dị kọḅile kụ ọḅeni ọnon oghiil.

Joel 1:3 Iomraidhean Croise

Ạsuor 145:4

Koboom ni ịpe nạ maḍighi bọ ẹḍua oniin oghiil esi ọnon; bịdi kogbeelom ni iboom iiḍighi phọ ạna.

Ạsuor 44:1

Ẹnaan, yoor mọsighe ni reḅeri ayoor ạnaghanam — ạburude phọ ayoor mọghaaph ni ụḅeni iyoor — ịlo igbogh ạraraar phọ nạ aḍighi yogh bọ ḍiodiidi phọ mem mọ ạbidi,

Ạsuor 71:18

Kụ ghạlamo mị mạkpo ni asi sụol, kụ́ḅitonaan ịmi, Ẹnaan. Tọlan rꞌạmi mem lọ mị agbeelom ịikpo rꞌigbogh phọ ạna ạḅeni bụo oghiil dị ratu.

Ẹḍua 13:14

Ḍio dị ọony ạna apuru nyịna mọ, ‘Ẹmhu ịphen phọ pọ ika?’ ḅẹni nyọdi mọ, ‘Esi ạḍighaagh iphelegbe phọ ọdi kụ ẹdi Ọmoogh-we phọ ụsighe bọ iyira amitiom ẹpe Ijipt, ẹpe ạdol ạrebene.

Azaya 38:19

Bụphe odi bọ kụ rooseeny nyịna ịduon mị raaseeny bọ nyịna. Ạburude rọḅeni ghan nmụny ạbidi ịdi nạ aḍighi oye aghuḍuul.

Dutoronomi 6:7

Kụ emiigha loor ẹsighe ẹtughemi nmụny phọ anyina, kụ ẹghaaph ghan ịphen phọ mem lọ nạ ạrol ude sịphe kꞌạna, rꞌamem lọ nạ ratelhe eten, rꞌamem lọ nạ ạmina, rꞌamem lọ nạ aḅetenu.