Joel 1:2 - Ạḍinya Iigbia

² Iler rụru, nyina ikumoor awe, tọrobo oye lọ ọdi Juda ạnaghan! Ịyaar lọ ẹghigh ịphen memite ghan ni mem anyina ḅịle mꞌamem ạburude anyina ḍụghum?

Joel 1:2 Iomraidhean Croise

Job 12:12

Ikumoor awe ọmoogh ni olegheri ịyaar, kụ ọlo Ẹnaan ẹmoogh ni olegheri-ịyaar rꞌịikpo. Ikumoor awe kotue ni opogh ịyaar bịn olegheri; Ẹnaan ketue kẹn ni epogh ịyaar bịn elegheri ḅịle kẹn ọdi ạmoogh ni ịikpo oḍighi ịlo ọdi ạwa.

Job 15:10

Yoor ụtuugha olegheri-ịyaar ḍịghaagh awe ạsuol — weye dị mọmar ri kụ ogbi ọmar ọde ạna.

Job 21:7

Eeghe kụ iḍighi kụ Ẹnaan emeera bọ mọ ịkaraph awe ọrol ghan oḍum ọḅile ọkpo?

Job 8:8

Pogh ẹphurukpu amem olegheri-ịyaar ageedi phọ; mạar aphogh igey phọ ịpe ạburude phọ ayira ọtuugha bọ.

Ạsuor 49:1

Weye oomo areelhe, ịnaghan ịphen phọ. Nyina ạbuen erugh bọ sịen aḅirini phọ, iler rụru:

Azaya 34:1

Weye oomo areelhe phọ, itu! Iikpomoghan ẹnaghan. Oomo ade phọ rꞌạtorobo oye lọ odi sịphe aru ạnaghan!

Azaya 7:17

“Ọmoogh-we phọ kiruom inyina rꞌawe anyina, rꞌịsiphe oomo eghun ọdaam mọ, riiḍio ịiḅaghami dị eeph epu ịnon ịdi meru ghan emiigh kꞌamem mọ ọmar phọ Ịzirel ạgbatanaan bọ ạḍua esi aJuda — ọdi kạki ạsighe ọdaam mọ Asiria kụ atu.

Jerimaya 30:7

“Aḍio aḍiigu retu ni; ạḍinon aḍio dị kọmaam kẹ́tol; amem ịminimiin awe ạmi, kụ bịdi kokpetenaan ni.”

Jerimaya 5:21

Nyina awe dị iloghi ílho, ịnaghanan. Nyina ẹmoogh riḍien kụ rẹ́miin ghan eten; ẹḅile ẹmoogh reḅeri kụ rẹ́naghan ghan ịyaar.

Dạniel 12:1

Ọokpaany kꞌạke phọ ọpo aanmenaan bọ ịyegheyeghe arukpe phọ ạḅem mọ, “Mem mọ ọpo, ogbogh ọokpaany kꞌạke phọ Mạikel, ọpo rakori ghan bọ we phọ anyina, katu ni amite. Kụ amem ịiḅaghami kẹtol li, ọdo ịdi kẹ̋rol ghan kꞌamem mọ areelhe phọ emite bọ. Amem mọ ạmuphe reru, oomo awe eelhe phọ anyina bụphe asiḍien phọ ọge bọ sịphe ạḍinya phọ Ẹnaan kokpetenaan ni.

Hosia 4:1

Ọmoogh-we phọ ạmoogh ni ọkpalhagham awe phọ odi bọ sịen ade phọ ạḍien. Iler rụru ịpe ọdi rạkaaph bọ: “Ọmeeraam ḅịle rꞌẹphomoghian ílho sịen ade phọ ạḍien, ḅịle awe phọ ịmi ụ́sighe mọ Ẹnaan.

Hosia 5:1

“Ịnaghan ịphen phọ, nyina ariil ạrikia phọ! Iler rụru, weye Ịzirel! Ịnaghan, nyina ọto kꞌọdaam mọ. Nyina ẹkpe oogbo ghan iiḅi ịiruen — ịduon phọ ịiruen kịteeny aani bọ inyina. Nyina meten ḍiphil ẹpe Mizpa, ọseki dị oler Eegum aTabor,

Joel 1:14

Ịto ẹḅeni we mọ ọkaagh ẹḍogh; ẹḅeni bịdi mọ oru ookpomoghan. Iikpomoghi buḍiemiom mọ rꞌoomo awe phọ aJuda mọ oḍigh Otu Ịiḅereghi Ọmoogh-we Ẹnaan phọ anyina kụ omoghiom nyọdi.

Joel 2:2

Aḍio phọ keḍighi ufiri kụ ebeeph, kebil kụ ẹmoogh ọotu. Aḍigbogh aḍita igurubia phọ retu mụdi ufiri kụ eleeny rạaḅaraph phọ. Ọdo ịyaar lọ ẹrol ịduon kẹ̋rol ghan kụ kẹ́tol mun bịninin.

Ẹmos 3:1

Weye Ịzirel, ịnaghanan ikpo ọnhu phọ Ọmoogh-we phọ mạḅem bọ ịkpulughiom inyina, oomo eelhe phọ ọdi ạphel bọ atene esi ịminimiin Ijipt:

Ẹmos 4:1

Ịnaghan ịphen, nyina ạnmariir aSameria, nyina phọ ạbuen ẹbugh bọ mụdi ạsinam ạBasan dị elhe ẹpher, dị kẹtiroghom bụphe ịnyaam ụ́moogh bọ, ẹkpiloghom rukulom mọ kụ ẹkpaariom burulhom anyina ọngo anyina miim!

Ẹmos 5:1

Ịnaghanan, weye Ịzirel, ḍụor amaḍi phọ mị rịmooraan ghan bọ inyina:

Maika 1:2

Ịnaghan ịphen, nyina oomo areelhe; ịnaghan ịphen, oomo ạbulo odi sịen aḅirini phọ! Ogbogh Ọmoogh-we phọ kạkaaph ni ịkaraph anyina, Ịnaghan. Ọdi ạtol otu ịiḅereghi ọdi ẹpe kꞌạke kụ rạkaaph.

Maika 3:1

Ịnaghanan, nyina ạbuphe ọdaaghi bọ Ịzirel! Nyina ẹkpe ni ọmoogh ịyaar oḍighinom iiḅi ịiruen,

Maika 3:9

Iler rụru ẹnaghan, nyina ạbuphe ọdaaghi bọ Ịzirel, nyina ạbuphe oghel bọ egey eḍighinom ịyaar kụ ekiton igey etene ịkaraph.

Matiu 13:9

Kụ ạJizos ạḅile ạlho ạḅaram mọ, “Ọlo ạmoogh rụru ọnaghanam ạḍughum ạnaghan!”

Matiu 24:21

ịdi eḍighi bọ ịminimiin amem mọ ọpo kẹloghori ni epu ịdi memite ghan, emiigh kꞌẹḅel egbiom aḅirini phọ kụ ẹteeny nyịidipho. Kụ ịnon ịdi epu ịphen phọ kémite mun.

Ogonanami Phọ 2:7

“‘Oye lọ ạmoogh rụru ạnaghanan ịpe Uwaloor phọ rạḅeni bọ sịosi ẹmha kịrokiro phọ! “‘Mị kạngo ni iimuma oreeny aghuḍum mọ ọpo odi bọ sịphe ologhi oghoony phọ Ẹnaan mọ bụphe ọkpar bọ opu ole.’”