Joel 1:12 - Ạḍinya Iigbia

¹² Ireeny avain rꞌireeny ạfig phọ megheel ọnam; oomo ireeny iimuma megheel ọnam emugh. Iboh awe phọ mẹḍua.

Joel 1:12 Iomraidhean Croise

Ạsuor 4:7

Nạ mụngo ịmi ọḅaal ologhi apu nyọpo bịdi ọmoogh bọ mem mọ nạ ạbughe bọ ịbiakpa phọ rꞌamiim ịghol phọ ạbidi.

Ạsuor 92:12

Awe aruukuan koḍum ịdipho areelhe ạmunum; bịdi kopoph mụdi ọsaga ẹpe Lẹbanon.

Ạḍuor Ạsuor 2:3

Mụdi oozin ẹḍara igbo ireeny ẹekpua phọ, ịdipho kụ ẹdi ọtomaam nyọon ạmi igbo ạbunon awe. Ịḅeeraan ịmi ọrol esi oogho phọ ọdi, kụ iimuma ọdi ẹdugh ọnhu ạmi.

Ạḍuor Ạsuor 4:13

ịsiphe kụ ẹdi ịizupha phọ reemanam. Bịdi kemite ịdipho oghoony arekpetughe kụ emuum ọkaraghi igey iimuma. Amem ílho dị arolo eḍu kịrokiro ẹkuom ghan — hẹna, nad,

Azaya 16:10

Rꞌoniin oye dị ologhi ạḅaal ólho iizo ade phọ ẹnuum mọ. Rꞌoniin ọ́lhooghi kẹn mꞌọ́moor ạsuor sịphe iizo avain phọ. Rꞌoniin ómiim iimuma avain oḍighi amiim; ịlooghi iboh mekunughian.

Azaya 24:11

Awe rọlooghi ghan sịphe areten phọ ịdi eḍighi bọ amiim mamineen. Ọḅaal ologhi magheel kꞌagee-pọ; moroph nyọdi ogbeph sịphe ade phọ.

Azaya 24:7

Ịizupha avain phọ rẹgbaal, kụ amiim raku. Tọrobo oye dị ologhi ạḅaal ghan, nyịidipho makururu,

Azaya 9:3

Nạ mạngo bịdi oboom ọḍe, Ọmoogh-we; nạ mạngo bịdi ọḅaal ologhi. Bịdi robo esi ịpe nạ maḍighi bọ, ịdipho awe robo ghan bọ mem dị bịdi oogbo ịbiakpa ạbidi mꞌamem dị bịdi rodian ẹelha dị owum.

Jerimaya 48:3

Awe phọ aHoronaim mọlo agey, ‘Igbagbaar-o! Oogulemi-o!’

Jerimaya 48:33

Ọḅaal ologhi rꞌibo mọsighe sịphe ade ẹnuum mọ ạMoab ọḍuanam. Mị kőmeera mun mọ amiim akil sịphe arughuugh amiim mọ; oye ólho mun dị kaḍighi miim kụ ạlho ḍịolho iboh.

Joel 1:10

Iizo phọ ịyaar ílho mun; Ade phọ remoghi loor esi dị mophiemi ịbiakpa phọ, iimuma ireeny avain phọ mẹgharaghar, kụ ireeny ọliv phọ megheel ọnam.

Joel 1:16

Ạpeleeny iyoor ílho mem dị ropiemi ịizupha ayoor. Iboh ílho sịphe Otu Ịiḅereghi Ẹnaan phọ ayoor.

Jona 4:7

Kụ eḅon ạḍiroor ẹpheri phọ aḍio phọ, esi ikpo ọnhu Ẹnaan phọ, ạḍileegbem ẹghi elhe ẹezupha phọ kụ ẹgharaghar emugh.

Hagai 2:19

Ghạlamo ịduon ịbiakpa ísugha mun bọ ni, ḅịle kẹn ireeny avain rꞌaruman rꞌekpetughe ḅịle kẹn rꞌireeny ọliv phọ ke̋muum bọ ni, bịn emiigh nyịidipho kụ ẹghiom risigh, mị kịseph ni inyina.”

Malakai 3:11

Mị kámeera mọ asuogh-aben ephiemi ịizupha phọ anyina, ḅịle kẹn ịizupha ireeny avain phọ anyina kemuum ni emuzeḍi.

Igbiighi 13:23

Kụ bịdi ọghi osi Eḍiiny aEskol, kụ bịdi osoph ọla ọosa rꞌẹezugh iimuma kụ ọsighe ọkolom ạale kụ ịyal ạbidi ọgban. Bịdi ọkuughi ekpetughe rꞌạfig.