Joel 1:10 - Ạḍinya Iigbia

¹⁰ Iizo phọ ịyaar ílho mun; Ade phọ remoghi loor esi dị mophiemi ịbiakpa phọ, iimuma ireeny avain phọ mẹgharaghar, kụ ireeny ọliv phọ megheel ọnam.

Joel 1:10 Iomraidhean Croise

Emiighom 4:12

Mem lọ nạ aḅeph ozo sịphe ade phọ, eḍien phọ ạna kẹ́nighe ghan mun. Nạ kaḍighi ọḅaghaḅagha oye sịen ade phọ dị otu kạ́moogh.”

Azaya 15:6

Ọodu phọ aNimrim mamooph, ạroogho phọ manyororo ạkaraghar sịphe iigbom mọ, kụ ịyaar dị eemanam ísugha mun.

Azaya 24:11

Awe rọlooghi ghan sịphe areten phọ ịdi eḍighi bọ amiim mamineen. Ọḅaal ologhi magheel kꞌagee-pọ; moroph nyọdi ogbeph sịphe ade phọ.

Azaya 24:7

Ịizupha avain phọ rẹgbaal, kụ amiim raku. Tọrobo oye dị ologhi ạḅaal ghan, nyịidipho makururu,

Jerimaya 12:11

Bịdi mọsighe otene ọkpagha; ade phọ edi ni oopho bịn risigh ạmi. Oomo phọ ade phọ meḍighi ophugh, bịn kụ oye óphogh.

Jerimaya 12:4

Ade phọ kẹkaraghar ịduon phọ kꞌạpur-aḍio, ḅịle kẹn ạroogho phọ kạnuughi ịduon phọ kꞌạpur-aḍio? Ịnam mọ rꞌịnun phọ remuughu loor esi ẹkaraph eḍighinom ịyaar awe phọ ayira, weye dị rọḅem ghan mọ, ‘Ẹnaan rẹ́miin ghan ịphen yoor roḍighi bọ.’”

Jerimaya 48:33

Ọḅaal ologhi rꞌibo mọsighe sịphe ade ẹnuum mọ ạMoab ọḍuanam. Mị kőmeera mun mọ amiim akil sịphe arughuugh amiim mọ; oye ólho mun dị kaḍighi miim kụ ạlho ḍịolho iboh.

Hosia 4:3

Kụ iḍighi kụ ade phọ kẹkaraghar, ḅịle tọrobo ịyaar lọ edi sịphe kemugh ni. Oomo ịnam rꞌịnun ghạlamo rꞌina kemuughu ni.”

Hosia 9:2

Kụ mọony amem bịn nyina kẹ́moogh mun ịbiakpa rꞌạmunum-ọliv dị ạmanam, kụ amiim kạ́tol.

Joel 1:12

Ireeny avain rꞌireeny ạfig phọ megheel ọnam; oomo ireeny iimuma megheel ọnam emugh. Iboh awe phọ mẹḍua.

Joel 1:5

Iḅetenu emoghi, nyina awe dị rọyegheyeghe; Imoghi, nyina ạbupughol miim; Iimuma ireeny avain oḍighinom amumoom amiim mophiemi.

Joel 2:19

Ọdi ạphagharanaan bịdi: “Nyịidipho mị kịngo inyina ịbiakpa rꞌamiim rꞌạmunum-ọliv, kụ kịgbaanyan ni inyina. Ịnon areelhe kị́ḅitonaan mun inyina.

Lịvitikos 26:20

Kụ ịnyaam mọ anyina ẹpu bịn eminonom yogh. Ade phọ anyina késoor mun eḍien, kụ ireeny ịsiphe ade phọ kémuum mun rughuuny.

Hạbakuk 3:17

Ghạlamo ireeny ạfig phọ ị́moogh mun rughuuny kụ iimuma ị́tol loor iizin avain phọ, ghạlamo ireeny ọliv phọ ímitiom mun mụnum kụ iizo phọ ímuum mun ịbiakpa, ghạlamo oomo iyool-ịga imuughu ni kụ ịyaar ílho sịphe ạsidol ạsinam,

Hagai 1:11

Mị mạngo ọkoony ạmuum de phọ — ạnyu ạraaḅaraph phọ ọdi, rꞌiizo ịbiakpa phọ, rꞌiizo ireeny avain phọ, ḅịle kẹn rꞌiizo ọliv phọ — tọro esi lọ ịizupha resi ghan sịen ade phọ, esi awe rꞌịnam rꞌoomo ạraraar lọ nyina ẹwa ọzuph.”

Malakai 2:3

Mị kạliom ni nmụny phọ anyina kụ mị ạsighe rịir ịnam mọ nyina ẹphighironom bọ ẹkia phọ agbul risigh anyina — kụ ịsighe inyina osumeeny ooni ạriir ịnam.