Jerimaya 9:8 - Ạḍinya Iigbia

⁸ Asinem mọ ạbidi ẹkigh ịkpina aḍuugh-aḍuugh; bịdi rọgba ghan ọkpe oomo amem. Tọrotoro oye rạkaaph ghan ịma ikpo ọnhu kụ kạḅeni matuman phọ ọdi, kụ ạri ịduon phọ ạkaraghi kụ rạkpaminaan ghan nyọdi ḍiphil.

Jerimaya 9:8 Iomraidhean Croise

2 Sạmuel 3:27

Mem mọ Ạbner asi bọ Hẹbron, aJoab ạsighe ni nyọdi atenom ọgbal ẹpe ọnhu-aḍibuo phọ ẹghigh mụdi ọdi rạwa ọḅeni ịyaar ọgbal, kụ ẹpe phọ kụ ẹdi ọdi agim ẹleke ọkuruḅaka oye phọ. Ịduon kụ ịdi oghiigh bọ Ạbner loor esi dị ọdi maghiigh Ạsahel umor phọ aJoab.

Ạsuor 12:2

Oniin rạgbaam ghan nyoniin ọkpe bịn. Ịidoronhu ootumeniom rꞌẹḍim ologhi kụ ạraghaaph phọ ạbidi.

Ạsuor 12:3

Ọmoogh-we, kpomori yogh sinem iitunyan rꞌiituma phọ ịpe! Kpereghi rụnhu ạbuphe rọḅem ghan bọ mọ,

Ạsuor 120:3

Nyina ạbugbaam ọkpe, eeghe kụ ẹdi Ẹnaan kịlhiom bọ inyina? Ika kụ ẹdi ọdi kịlhiom bọ inyina?

Ạsuor 28:3

Kụ́ḅaram ịmi rꞌạbuo ạsipioghom mọ rꞌạbuo igborion phọ aphoroghom, bụphe opu bọ bịn rọkaaph ghan rꞌoduugha-ọnhu kụ ịpe edi bọ iloghi phọ ạbidi kịro ni.

Ạsuor 35:20

Bịdi rọ́kaaphom ghan rꞌoodugha ọnhu bịn, kụ rọwa ghan sighiton kọghi esi ạbuo ẹepho phọ orugh bọ sịen ade phọ.

Ạsuor 55:21

Ikpo ọnhu ọdi ẹkorom epu elho kụ ạri sịphe ekpom mọ ọdi aḍikia kụ edi. Ikpo ọnhu ọdi ịipholion ghan mụdi ạmunum, kụ ạri rẹmeeghan ịdipho isiko dị eroph.

Ạsuor 57:4

Ạbumulogh-ḍien ukoom ịmi, dị ọghigh riitiir lọ rẹba ghan we. Ạralaal ạbidi ẹkigh ịsoph rꞌịkpina. Asinem ạbidi ẹkigh isoko lọ eroph.

Ạsuor 62:5

Mị aḍuom ologhi Ẹnaan bịn; mị ạkpasi oḍuom-ologhi phọ ạmi esi ọdi.

Ạsuor 64:8

Ọdi kapiemi ni bịdi loor ịkponhu phọ ịpe phọ; oomo ạbulo ọmiin bịdi kooḅoghomi rụmhu ạbidi.

Asidogh 25:18

Ọgbaanaan oye ịyaar lọ oye phọ úḍighi epin ịdipho isiko, ẹḅam, ḅịle mꞌẹkpina lọ ọkpol.

Jerimaya 5:26

“Ạbukaraph awe otugh ni igbo awe phọ ạmi; bịdi rogon ghan ịdipho awe lọ olerenaan ịnun ịseki, kụ bịdi mọkpami siphil osiphom awe.

Jerimaya 5:9

Ị́kpianaan dị mị kạliom bịdi loor ạraraar phọ ịphen phọ, ạḅile aḍighi aḅulemian eelhe dị ẹrol ịduon ḍụghum?

Jerimaya 9:3

Bịdi ookolobian ọgba ọkpe oomo amem; iipheeny kụ iḍia ẹmha phọ kpạripe rꞌigey. Ọmoogh-we phọ ạḅem mọ, “Awe phọ ạmi roḍighi ghan ịkaraph bịn kotum ịkaraph, ḅịle kẹn ịmi elegh ụ́logh ịdipho Ẹnaan phọ ạbidi.”

Jerimaya 9:4

Ẹkpe ni dị tọrotoro oye kagona loor esi ọyaghiri ọdi, ḅịle kẹn oye umor ọdi óḍuom mun ologhi, loor esi dị tọrotoro umor aḍighi oye areekeleghian ịdipho ạJekob, ḅịle kẹn tọrobo oye rạgbaanaan ni ịkaraph rịghiri ọdi.

Jerimaya 9:5

Oomo phọ ạbidi rookeleghi ghan ni rịghiri ạbidi, ḅịle kẹn oye rạ́gba ghan mun igey phọ; Bịdi mọtughemi sinem mọ ạbidi ọgba ghan ọkpe ḅịle kẹn bịdi kótue ọbile ịkaraph. Bịdi roḍighi ghan iniin ịkaraph bịn kotum ịnon, ḅịle kẹn iniin areekeleghian retum ghan ịnon bịn. Ọmoogh-we phọ ạḅem mọ awe phọ ọno moghel nyịno.

Maika 6:12

Awe ikpoki anyina rọkpiloghom ghan bụphe ị́nighenom bọ, kụ oomo anyina awe ọkpe.