Jerimaya 9:7 - Ạḍinya Iigbia

⁷ Loor esi ịduon phọ Ẹnaan Oomo Ịikpo Ọmoogh-we phọ ạḅem mọ, “Mị kạasa weye phọ ạmi ịdipho okuron kụ mị ạdegh bịdi apogh. Awe phọ ạmi moḍighi ịkaraph — eeghe kụ ẹdi mị kạḅile bọ aḍighinom bịdi?

Jerimaya 9:7 Iomraidhean Croise

2 Sạmuel 13:26

Kụ ọlo Ạbsalom ạḅem mọ, “Ẹnighe ni-aa, kụ ghạlamo ịduon phọ ni, nạ kameera ni umor phọ ạmi Amnon aru ḍụghum?” Ọdaam mọ apuru mọ, “Kạtuan eeghe kụ atu bọ?”

2 Krọnikuls 36:15

Oomo amem Ọmoogh-we Ẹnaan ạburude ạburude phọ ạbidi arom ghan ni riil ọphur ạruru we phọ ọdi, loor esi dị ọdi ạwa ọphel ạbidi rꞌOtu Ịiḅereghi phọ.

Ạsuor 120:4

Kạsighe ịsiosio ịkpina oye ẹgham rꞌiiḅu ạnian dị reda!

Ạsuor 55:22

Ngọ dool phọ ạna Ọmoogh-we phọ, bịn ọdi kạphel li nyịna. Ọdi rámeera ghan ạbunon kụ ọkpar opu bugey awe phọ.

Ạsuor 62:5

Mị aḍuom ologhi Ẹnaan bịn; mị ạkpasi oḍuom-ologhi phọ ạmi esi ọdi.

Azaya 1:25

Mị kịlhiom ni inyina. Mị kagbuurogh ẹenir phọ anyina ịnighemi inyina ịdipho ạmama dị mọsighe nịan oselemiom.

Azaya 48:10

Mị miphoghom ni inyina nịan ịminimiin, ịdipho ọḅile ghan bọ kụ roselemi silva ologhi ạnian. Kụ mị mạmiin mọ nyina ị́moogh ịyaar oḍighinom.

Azaya 59:3

Ologh ọkpe rꞌạḍigam rꞌọko enu isiph inyina.

Jerimaya 31:20

“Ịzirel, nạ kụ ọony ologhi ạmi, ọony dị mị ạkar ạphomoghian. Tọrobo amem lọ mị aghol ḍien phọ ạna, mị ạatughian nyịna rꞌẹphomoghian. Mị ạphomoghian ni nyịna rꞌoomo ologhi phọ ạmi; mị kạnma ni ighirigiir.

Jerimaya 5:1

Weye aJeruselem, ikiil oomo phọ areten phọ anyina! Ipogh ekitonom! Ẹmiin rꞌaloor anyina! Ịwa oomo phọ asiḍighi phọ! Nyina ketue ni ẹmiin oniin oye lọ raḍighi ghan ịlo ẹnighe kụ ạḅile ạphamanam omeeraam Ẹnaan phọ ḍụghum? Eḍighi ịyaar dị nyina ẹmiin, pọ Ọmoogh-we phọ kạbilenaan ni Jeruselem.

Jerimaya 6:27

Jerimaya, dẹgh weye phọ ạmi aphogh, ịdipho ropogh ghan bọ okuron mụghumo ogey ni, ạwaaghi alegheri ịpe bịdi ọrol bọ.

Hosia 4:1

Ọmoogh-we phọ ạmoogh ni ọkpalhagham awe phọ odi bọ sịen ade phọ ạḍien. Iler rụru ịpe ọdi rạkaaph bọ: “Ọmeeraam ḅịle rꞌẹphomoghian ílho sịen ade phọ ạḍien, ḅịle awe phọ ịmi ụ́sighe mọ Ẹnaan.

Zẹkaraya 13:9

Ḅịle kẹn, mị kạdegh ni apogh bin phọ ạmuphe asugha bọ kụ mị aselemi bịdi ịdipho rọsighe ghan bọ nịan koselemiom silva. Mị kạkar ri apogh bịdi ịdipho ropogh ghan bọ gol. Kụ bịdi ogbi ọoḅereghi ghan ọngo ạmi, kụ mị kạpagharanaan ghan ni bịdi. Mị kạḅeni ni bịdi mọ bịdi awe ạmi ni, ḅịle kẹn bịdi kọkaaph ghan ni omitiom mọ mị kụ Ẹnaan phọ ạbidi.”

Malakai 3:3

Ọdi katu oogbo ịiruen ịdipho oye lọ ragbuur ghan kaselemi silva. Ịdipho ọlemom ọlem ragbuur ghan bọ silva rꞌagol kụ ịdi ọokpaany Ọmoogh-we phọ kagbuur bụpinyon rịkia phọ, pịdi bịdi ọsighe ghan inmo dị ẹkpe kụ otuomonaan Ọmoogh-we phọ.

1 Pita 1:7

Ịphen phọ ịlo olegheriom mọ omeeraam mọ anyina ogey ni. Gol dị kạpu ghan ni bịn ọsighe ghan ni nịan kụ ropoghom mọ ogey ni. Ịduon phọ kẹn kụ ẹdi kopogh aani ni omeeraam mọ anyina ạman bọ ni ịyaar iboom apu gol, pịdi olegheriom mọ katue ni ạkparam ạteeny ḍio phọ kogananami bọ Jịzos Kraist ọbo nyina ẹmoogh ḍịseph rꞌeegu ḅịle rꞌeghuan.

1 Pita 4:12

Iiḅi asiya, eephina ạnian ịminimiin phọ nyina rẹmiinom bọ kíḍighi iikia esi anyina, mụdi ịdi ologhi úḍuom mọ kemite!