Jerimaya 9:5 - Ạḍinya Iigbia

^5-6 Oomo phọ ạbidi rookeleghi ghan ni rịghiri ạbidi, ḅịle kẹn oye rạ́gba ghan mun igey phọ; Bịdi mọtughemi sinem mọ ạbidi ọgba ghan ọkpe ḅịle kẹn bịdi kótue ọbile ịkaraph. Bịdi roḍighi ghan iniin ịkaraph bịn kotum ịnon, ḅịle kẹn iniin areekeleghian retum ghan ịnon bịn. Ọmoogh-we phọ ạḅem mọ awe phọ ọno moghel nyịno.

Jerimaya 9:5 Iomraidhean Croise

Emiighom 19:11

Kụ bịdi oḅomoghi riḍien oomo awe phọ ạbuphe okoom bọ otu phọ, bụbam rꞌabugbogh, bịn ọnyo ạbidi ọ́lhogh mun ọnhu-aḍibuo phọ elegh.

Job 11:3

Job, nạ ragbiom ghan mọ yoor kótue ọphagharanaan nyịna ḍụghum? Mọ ikpo ọnhu ạrigilaam mọ ạna kekpomori ni rụnhu ayoor ḍụghum?

Job 15:5

Ẹkaraph eḍighinom ạraraar phọ ạna eḍeenaan ni esi ịphen nạ rạkaaph bọ; nạ rạwa ghan ạaghian ọman ikpo ọnhu olegheri ịyaar.

Ạsuor 140:3

Asinem ạbidi ẹkigh rạkaraph ịyaar; ikpo ọnhu ạbidi ẹkigh ịghor ophugh.

Ạsuor 50:19

“Ọḅemogh ghan ịkaraph bịn kụ edi ghan ọnhu ạna; anem mọ ạna etoph ọghaaph ghan ọkpe bịn.

Ạsuor 52:3

Nạ ạpomoghian ịkaraph kụ apu igey, ọkpe kụ apuemi ịpe eru bọ ịne.

Ạsuor 64:3

Bịdi okola sinem ạbidi ịdipho isiko kụ ogbonom ịkaraph ikpo ọnhu ịdipho ịkpina.

Ạsuor 7:14

Mịin ịdi remitenaan ghan oye lọ ragbiighiom ghan ọnon oye ịkaraph rꞌịlo ị́nighe.

Asidogh 12:5

Awe dị iguegue ekia kọmaar ọpham nyịna; ạbukaraph awe kọwa ghan ookeleghi ạna.

Asidogh 4:16

Awe ạsipioghom kọ́naani tụtu bịdi oḍighi ịyaar dị ị́nighe. Bịdi ọmina bịn kọ́naani emuton dị bịdi moḍighi oye ịyaar dị ị́nighe.

Azaya 5:18

Inyina moruule! Nyina ítue itunyi igbaḅiri ịkaraph phọ anyina itoph.

Azaya 57:10

Aloor anyina emunenom ọwa ghan ịnon ạrumugh, kụ nyina ị́pher. Nyina regbi ghan mọ ịkaaghineen ạrumugh ipesi kụ kịngo inyina ịnyaam kụ iḍighi kụ inyina rị́pher ghan bọ.

Jerimaya 12:13

Awe phọ ạmi ụzuph ni ịbiakpa, kụ ọlo ọku rọogho; bịdi ukumuan ni agey, kụ ọlo ụ́moogh ịyaar esi oḍighi phọ. Loor esi ogbogh ọghagh ologhi phọ ạmi ịizupha phọ ạbidi íḍum.”

Jerimaya 12:6

Ghạlamo abumor phọ ạna, bụo asiya phọ ạna, bịn mookeleghi nyịna; bịdi mọghi oḍighan ozuom ạna ẹgham. Káḍuom bịdi ologhi, ghạlamo ịduon bịdi rọkaaph bọ ni ịlo ạrighiri phọ.”

Jerimaya 13:23

Oḍiil oye katue ni anme ḍizu phọ ọdi ḍụghum, ḅịle kẹn ootiir katue ni agburagha ikpem mọ ịpe oti bọ loor phọ ọdi ḍụghum? Eḍighi ịyaar dị bịdi kotue ni, pọ nyina phọ ạbuen reḍighi ghan bọ ịkaraph phọ pọ ketue ni ẹtuugha oḍighi aani ịlo ẹnighe.

Jerimaya 4:22

Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Jerimaya 51:58

Iikpe oboom mọ ạBabilon kosiemi ude, kụ ọsu nịan iiphopha ạrunhu-aḍibuo phọ ọdi. Oḍighi areelhe phọ ape ni bịn; ẹkpar phọ ạbidi meḍigh nịan. Mị, Ẹnaan Oomo Ịikpo Ọmoogh-we phọ, kụ mạḅem.”

Jerimaya 51:64

kụ ạḅem, ‘Ịphen kụ ịdi kemitenaan eelhe phọ ạBabilon — keḅi ni bịn képooph mun, loor esi ophiemi phọ Ọmoogh-we phọ katuomaan bọ nyọdi.’” Ikpo ọnhu aJerimaya ekureri sịen.

Jerimaya 7:28

Nạ kạḅeni ni bịdi mọ eelhe phọ ạbidi ụ́naghanan ịmi Ẹnaan phọ ạbidi Ọmoogh-we phọ ḅịle kẹn bịdi úpogh ịpe ọliom bọ bịdi ọsighe olegheriom. Omeeraam mamugh. Oye rạ́kaaph ghan mun kaghol.

Jerimaya 9:3

Bịdi ookolobian ọgba ọkpe oomo amem; iipheeny kụ iḍia ẹmha phọ kpạripe rꞌigey. Ọmoogh-we phọ ạḅem mọ, “Awe phọ ạmi roḍighi ghan ịkaraph bịn kotum ịkaraph, ḅịle kẹn ịmi elegh ụ́logh ịdipho Ẹnaan phọ ạbidi.”

Jerimaya 9:8

Asinem mọ ạbidi ẹkigh ịkpina aḍuugh-aḍuugh; bịdi rọgba ghan ọkpe oomo amem. Tọrotoro oye rạkaaph ghan ịma ikpo ọnhu kụ kạḅeni matuman phọ ọdi, kụ ạri ịduon phọ ạkaraghi kụ rạkpaminaan ghan nyọdi ḍiphil.

Izikiel 24:12

kụ ọlo oomo ịpe melian bọ kẹ́ḍua ẹmadan sịphe asinem ạnian phọ.

Maika 6:12

Awe ikpoki anyina rọkpiloghom ghan bụphe ị́nighenom bọ, kụ oomo anyina awe ọkpe.

Maika 6:3

Ọmoogh-we phọ ạḅem, “Weye ạmi, mị iḍighi inyina eeghe? Ika kụ ẹdi mị aḍighi dool esi anyina? Ịphagharanaan ịmi.

Hạbakuk 2:13

Areelhe phọ nyina ẹkpar bọ epu asiloor eminenom loor ịḅoria arukumuan, kụ oomo ịlo bịdi odoghoḍi ạnian kụ ile. Ọmoogh-we Oomo Ịikpo phọ kụ maḍighi ịphen.

Malakai 2:10

Oomo phọ ayira ụ́moogh oniin ọde ḍụghum? Eniin Ẹnaan kụ ịlhem bọ oomo phọ ayira ḍụghum? Kụ eeghe kụ iḍighi kụ yira oniin rabi ghan bọ nyoniin, ḅịle kẹn eeghe kụ iḍighi kụ yira ọḅitonaan bọ ịyo phọ Ẹnaan eghiran bọ bụrude ạburude phọ ayira?

Bụo ạEfesos 4:25

Loor ịphen phọ, ọkpe kẹ́gba ghan mun. Tọrobo oye ạghaaph ghan igey kụ ạḅeni ọnyo asiya ọdi, ịdi eḍighi bọ oomo phọ ayira mọḅophoghan oḍighi nyoniin sịphe aloor phọ aKraist!

1 Timoti 4:2

Ạbugbaam ọkpe kụ rọtughemi ghan bọ ịtughemi areekeleghian phọ ịphen. Bịdi úlegheri mun ịlo eru ịne mụdi ụpophoriom iloghi phọ ạbidi ọghologhol okuron.

Bụo Ịiruen 2:10

Oomo oghiil phọ ọpo umugh ni; kụ oghiil dị atum sịphe uwula ni Ọmoogh-we phọ rꞌiiḍighi phọ ịpe ọdi aḍighi bọ ạngo Ịzirel.